పవర్‌ఫుల్ మహీంద్రా థార్‌కు ఊహించని పరిస్థితి.. ఇది చదివారంటే కారు కొనే ముందు ఆలోచిస్తారు

దేశీయ దిగ్గజ వాహన తయారీ కంపెనీ మహీంద్రా (mahindra) 2024 చివరలో అత్యంత ప్రజాదరణ పొందిన SUV మోడల్ అయిన థార్‌కు కొత్త రూపాన్ని తీసుకొచ్చింది, అదే థార్ రాక్స్ (Thar roxx). ఇది ఇప్పటి వరకు అందుబాటులో ఉన్న 3-డోర్ల థార్ మోడల్‌కు కొనసాగింపుగా 5-డోర్ల వెర్షన్‌‌ను వినియోగదారుల కోసం తీసుకొచ్చింది. మాములుగానే 3 డోర్ థార్ మార్కెట్లోకి విడుదలైన అతి తక్కువ కాలంలోనే ఎంతో ఆదరణ సంపాదించింది. అయితే కుటుంబ ప్రయాణాలకు ఇది అనుకూలంగా లేకపోవడంతో కంపెనీ వెంటనే రాక్స్‌ను తీసుకురాగా, ఇది విజయవంతంగా అమ్మకాలను సాధిస్తుంది. ఇప్పటికే ఈ కారును చాలా మంది వాడుతున్నారు. ఇదిలా ఉంటే తాజాగా ఈ కారుకు సంబంధించిన ఒక విషయం ఆసక్తికరంగా మారింది.

ఇటీవల వేసవి ఉక్కపోత నుండి కొంత ఉపశమనాన్ని పొందేందుకు, కొంతమంది స్నేహితుల బృందం తమ రెడ్ కలర్ మహీంద్రా థార్ ROXX వాహనంలో ఒక నీటితో నిండిన సరస్సు వైపు వెళ్లారు. ప్రకృతి అందాలను ఆస్వాదించాలని ఉత్సాహంతో ఉన్న వారు, అందమైన నీటిని మరింత దగ్గరగా చూడాలనే ఉద్దేశంతో తమ వాహనాన్ని సరస్సు అంచువరకు నడిపించారు. అయితే, ఈ ఉత్సాహం కొద్దికొద్దిగా కష్టంగా మారింది.

సరస్సు ఒడ్డున నేల తడి బురదగా మారిన కారణంగా, వాహనం వెనుక చక్రాలు బురదలో కూరుకుపోయాయి. బురద లోతుగా ఉండటంతో, టైరులు స్పిన్ అవుతూ వాహనం ముందుకు కదలకుండా అడ్డుకువచ్చాయి. వారంతా కలిసి వాహనాన్ని స్టార్ట్ చేసి, వెనుక నుంచి నెట్టే ప్రయత్నం చేసినా, అది బురద నుంచి బయటపడలేదు. ఈ ఘటనను చిత్రీకరించిన వీడియో ఒకటి ఆన్‌లైన్‌లో వైరల్ అవుతోంది.

అందులో, వాహనం కొన్ని అంగుళాల వరకు కదలిన తర్వాత మళ్లీ బురదలో దిగజారినట్లు స్పష్టంగా కనిపిస్తుంది. ఆ తరువాత దాన్ని ఒక ట్రాక్టర్‌కు తాడు సహయంతో కట్టి బురద నుంచి బయటకు తీశారు. సాధారణంగా థార్ అంటేనే శక్తివంతమైన ఇంజిన్‌ను కలిగి ఉంటుంది. అయినప్పటికి బురద ఎక్కువగా ఉండటం కారణంగా దానిలో టైర్లు చిక్కకున్నాయి. ట్రాక్టర్‌ను తీసుకువచ్చి సమస్యకు పరిష్కారం కనుగొన్నారు. ROXX అనేది అత్యంత డిమాండ్ ఉన్న కారు.

ప్రతి నెలా వేలాది మంది వినియోగదారులు దీన్ని కొనుగోలు చేయడానికి ఆసక్తిగా ఎదురు చూస్తూ ఉంటారు. మహీంద్రా థార్ వాహనాలను ప్రధానంగా ఆఫ్-రోడ్ వాడకాలకు రూపొందించింది. అంటే ఇది సాధారణ రోడ్లకే కాకుండా, ఎగుడుదిగుడు మార్గాలు, మట్టికొండలు, బూడిద మైదానాలు, రాళ్ల మార్గాలు వంటి కఠినమైన భూభాగాల్లోనూ సులభంగా ప్రయాణించగలదు. అయితే, ఈ పనితీరుకు వినియోగదారులు డ్రైవ్ ట్రైన్ ఎంపికలో జాగ్రత్త పాటించాలి.

థార్‌ను నిజమైన ఆఫ్-రోడ్ SUVగా వినియోగించాలంటే, ఆల్-వీల్-డ్రైవ్ (AWD), 4x4 వేరియంట్‌ను ఎంచుకోవడం అవసరం. ఈ సాంకేతికత వాహనంలోని నాలుగు చక్రాలకూ సమానంగా శక్తిని పంపిణీ చేస్తుంది. దాని వల్ల ఏ చక్రం ట్రాక్షన్ కోల్పోయినా, మిగిలిన వాటి సహాయంతో వాహనం ముందుకు కదులుతుంది. కాబట్టి, పొడవైన బాటలు, లోతైన బురద ప్రాంతాలు, లేదా వక్రీభవించిన మార్గాల్లోనూ థార్ దాన్ని నిర్బంధంగా నడిపించగలదు.

ఇది కాకుండా రియర్-వీల్-డ్రైవ్ (RWD) వేరియంట్‌ను ఎంచుకుంటే, వాహనం ప్రధానంగా పట్టణ రహదారులు, జాతీయ రహదారులు వంటి సాధారణ ట్రాఫిక్ మార్గాల కోసం మాత్రమే అనుకూలంగా ఉంటుంది. ఈ వేరియంట్‌లో కేవలం వెనుక చక్రాలకే శక్తి పంపిణీ అవుతుంది. ఇది సమతల రహదారుల్లో మంచి పనితీరును చూపించగలదిగానీ, సవాళ్లతో కూడిన ఆఫ్-రోడ్ పరిస్థితుల్లో అంతగా నమ్మకంగా ఉండదు.

అయితే వీరు వాడినటువంటి మహీంద్రా థార్ రాక్స్ ఆల్-వీల్-డ్రైవ్ (AWD), 4x4 వేరియంట్‌ కాదు అని తెలుస్తుంది. అందుకే ఇది బురద నుంచి బయటకు వెళ్లే లేదని తెలుస్తుంది. ఇది కాకుండా థార్ రాక్స్ రియర్-వీల్-డ్రైవ్ (RWD) వేరియంట్‌ను ఎంచుకున్నారని భావించవచ్చు.