మహీంద్రా ఎక్స్‌యూవీ500 స్టైల్‌లో టెంపో ట్రావెలర్

టెంపో వ్యాన్ ఎక్స్‌యూవీ500గా మారితే ఎలా ఉంటుంది..? ఇదిగో ఈ ఫొటోలో కనిపిస్తున్నట్లు, విచిత్రంగా ఉంటుంది. మనం ఇప్పటి వరకు దిలీప్ ఛాబ్రియా కార్ మోడిఫికేషన్ గురించి తెలుసుకున్నాం. అయితే, ఆయన మాదిరిగానే దేశంలో అనేక మంది కార్ మోడిఫైయర్లు ఉన్నాయి.

ఇప్పుడు ఈ ఫొటోలో మనం చూస్తున్నది ఫోర్స్ మోటార్స్ అందిస్తున్న టెంపో ట్రావెలర్.మధ్యప్రదేశ్‌లోని ఇండోర్‌కు చెందిన 'కంప్లీట్ కార్ కేర్' అనే కార్ మోడిఫైయర్, యాక్ససరీ సెల్లర్ ఈ టెంపో ట్రావెల్‌ను మహీంద్రా అందిస్తున్న పాపులర్ ఎస్‌యూవీ ఎక్స్‌యూవీ500 స్టైల్‌లో మార్చేశాడు.

ఈ మోడిఫైడ్ టెంపో ట్రావెలర్ ఫ్రంట్ డిజైన్ పూర్తిగా మహీంద్రా ఎక్స్‌యూవీ500 ఎస్‌యూవీని తలపిస్తుంది. కంప్లీట్ కార్ కేర్‌లోని ఇంజనీర్లు దీనినే కాకుండా అనేక రకాల పురాతన, కొత్త కార్లను కూడా మరింత స్టయిలిష్‌గా మార్చేస్తుంటారు.