వేగంగా కదులుతున్న కారులోకి జంప్ చేసిన వ్యక్తి [వీడియో]

ఈ సోషల్ మీడియాలో వెలుగులోకి వచ్చిన ఈ వీడియో చూడటానికి కొంత భయానకంగా ఉంటుంది. భయంకరమైన ఈ వీడియోని సంఘటన అల్బేనియా రాజధానిలో జరిగినట్లు తెలిసింది. ఈ వీడియోలో ఒక వ్యక్తి డ్రైవింగ్ లో ఉన్న ఒక కారులోకి జంప్ చేయడం చూడవచ్చు. ఆ వ్యక్తి కారులోకి జంప్ చేసి కారుని కంట్రోల్ చేసాడు.

ఈ వీడియోలో సిల్వర్ కలర్ హ్యాచ్‌బ్యాక్ ను చూడవచ్చు. ఈ హ్యాచ్‌బ్యాక్ అకస్మాత్తుగా నగరంలోని స్కాండేబగ్ స్క్వేర్‌లోకి ప్రవేశించింది. ఇక్కడ దేశ సాధారణ ఎన్నికలపై నివేదించడానికి డజన్ల కొద్దీ కెమెరాలు ఏర్పాటు చేయబడ్డాయి. ఈ వీడియోలో సిల్వర్ కలర్ కారు గుండ్రంగా తిరగటం చూడవచ్చు.

MOST READ:మీరు మీ వాహనంతో తరచూ రాష్ట్రాలు మారుతుంటారా? అయితే, మీ కోసమే ఈ గుడ్ న్యూస్..

కదులుతున్న కారుని ఆపడానికి చాలామంది ప్రయత్నించడం కూడా ఇక్కడ గమమనించవచ్చు. ఈ కారు చక్రాలు కొంత వంకరగా మారిపోయాయని, అదే సమయంలో దాని బోనెట్ కూడా విరిగిపోయిందని తెలుస్తోంది. స్కాండర్‌బెగ్ స్క్వేర్ ప్రాంతానికి చేరుకోవడానికి ముందే ఈ కారుతో ప్రమాదం జరిగిందని ఊహించవచ్చు.

వాహనం యొక్క డ్రైవర్ పూర్తి గందరగోళానికి గురయ్యాడు. ఇంత ప్రమాద వాతావరణానికి కారణమైన ఈ కారు నుంచి తప్పించుకుని బయటపడటానికి పాదాచారులు పరుగులుపెడుతున్నారు. ఇక్కడ ఉన్న చాలా మంది కారు యొక్క డోర్స్ ఓపెన్ చేసి కాపాడటానికి ప్రయత్నిస్తున్నారు. కాని అది సాధ్యం కాలేదు.

MOST READ:బిఎమ్‌డబ్ల్యూ కార్ల కొత్త ధరలు వచ్చేశాయ్.. చూసారా..!

కారులోపల ఉన్న డ్రైవర్ యాక్సిలరేటర్‌ ను గట్టిగా నొక్కి కారుని గుండ్రంగా తిప్పుతూ ఉన్నాడు. ఇంతలో ఒక వ్యక్తి అకస్మాత్తుగా పరిగెత్తుకు వచ్చి కారు కిటికీ గుండా కారు లోపలికి దూకుతాడు. ఆ తర్వాత లోపలికి వెళ్లి కారు ఆపుతాడు.

నివేదికల ప్రకారం ఈ కారు యొక్క 32 ఏళ్ల డ్రైవర్‌ను అల్బేనియన్ పోలీసులు అరెస్ట్ చేశారు. ఎందుకంటే కారు డ్రైవర్ డ్రగ్స్ తీసుకుని కారు నడుపుతున్నట్లు తెలిసింది. స్కాండేబగ్ స్క్వేర్‌లోకి ప్రవేశించే ముందు డ్రైవర్ నగరంలోని ఇతర ప్రాంతాల్లో మూడు కార్లను ఢీ కొట్టినట్లు సమాచారం. ఈ సంఘటనను బట్టి జన సమూహాన్ని లక్ష్యంగా పెట్టుకుని ఒక ఉగ్రవాది ఈ విధంగా చేసాడని తెలిసింది.

MOST READ:అప్పుడే అమ్ముడైపోయిన 2021 సుజుకి హయాబుసా బైక్.. మళ్ళీ బుకింగ్స్ ఎప్పుడంటే?