Click it and Unblock the Notifications
బస్సును ఢీకొట్టిన లాంబోర్గినీ అవెంటేడర్.. అందరూ సేఫ్..
చైనాలో భారీ యాక్సిడెంట్ జరిగింది. మితిమీరిన వేగంతో వెళ్తున్న ఓ లాంబోర్గినీ కారు బస్సును ఢీకొట్టింది. పోలీసుల కథనం ప్రకారం, చైనాలోని అన్హుయ్ ప్రావిన్స్లోని హెఫీ నగరంలో ఓ లాంబోర్గినీ అవెంటేడర్ సూపర్కారు కంట్రోల్ తప్పి సిటీ బస్సు ముందు భాగాన్ని ఢీకొట్టింది. అదృష్టవశాత్తు ఈ ప్రమాదంలో ఎవ్వరూ ప్రాణాలు కోల్పోలేదు.
కానీ, బస్సులోని ప్రయాణీకులకు మాత్రం చిన్నపాటి గాయాలైనట్లు పోలీసులు వెల్లడించారు. ఇంత భారీ యాక్సిడెంట్ జరిగినప్పటికీ, ఆ కారులో డ్రైవర్ శరీరంపై మాత్రం చిన్న గీత కూడా పడలేదట. అయితే, ఈ యాక్సిడెంట్లో లాంబోర్గినీ కారు కుడివైపు భాగం పూర్తిగా నుజ్జు నుజ్జయిపోయింది. మరమ్మత్తుకు సైతం వీలులేని విధంగా ఈ కారు పాడైపోయింది.
ఈ ప్రమాదానికి గల కారణాలను పోలీసు పరిశీలిస్తున్నారు. ప్రాధమిక నివేదిక ప్రకారం, లాంబోర్గినీ అవెంటేడర్కు ముందు వెళ్తున్న కారును ఓవర్టేక్ చేసేందుకు ప్రయత్నించినప్పుడు ఈ ప్రమాదం జరిగినట్లు సమాచారం.
ఈ లాంబోర్గినీ అవెంటేడర్ సూపర్కారు ధర 7.38 మిలియన్ యువాన్లు (1.2 మిలియన్ డాలర్లు).
విచారణలో ఒకవేళ ఈ ప్రమాదం డ్రైవర్ తప్పిదం వలన జరిగిందని తేలితే, బీమా కంపెనీ సదరు బీమా మొత్తాన్ని చెల్లించదు.
యాక్సిడెంట్ సమయంలో ఈ కారుకు లైసెన్స్ ప్లేట్ కూడా లేదు. ఇలా లైసెన్స్ ప్లేట్ లేకుండా కారు నడపటం నేరం, అంతేకాదు బీమా కంపెనీ బీమా చెల్లించకపోవటానికి ఇది కూడా ఓ కారణం కావచ్చు.
ప్రమాదంలో నుజ్జు నుజ్జయిన లాంబోర్గినీ అవెంటేడర్ సూపర్కారు.
ప్రమాదంలో నుజ్జు నుజ్జయిన లాంబోర్గినీ అవెంటేడర్ సూపర్కారు. విచ్చుకున్న ఫ్రంట్ ఎయిర్బ్యాగ్.
Continue with Google