నేటి వీడియో: 'మంచు' రాజుకి కోపం వచ్చింది

వర్షపాతం మాదిరిగానే హిమపాతం కూడా ఒక్కోసారి భీభత్సం సృష్టిస్తుంటుంది. అమెరికా, ఇంగ్లాండ్ వంటి దేశాల్లో శీతాకాలానికి ఓ ప్రత్యేకత ఉంటుంది. చెట్లపై, ఇళ్లపై, వాహనాలపై కుప్పలుగా పేరుకుపోయే హిమం చూసే వారికి కన్నుల విందుగా అనిపిస్తుంది.

అయితే, ఇదే సమయంలో వాహన చోదకులకు మాత్రం ఈ హిమం చుక్కలు చూపిస్తుంది. నిత్యం తడిగా ఉండే రోడ్లు, కొన్ని చోట్ల రోడ్లపై గడ్డకట్టుపోయే మంచు, ఫలితంగా రోడ్లపై జర్రుమని జారిపోయే వాహనాలు.. ఇలా వారి ఇక్కట్లు ఆ భగవంతుడికే తెలియాలి.

సరే ఇదంతా అటుంచితే, ఒక్కోసారి హిమం ఆకాశం నుంచి పెద్ద పెద్ద పెళ్లలుగా భూమిపైకి పడుతుంటుంది. ఇదిగో ఈ వీడియోలో చూడండి. ఎవరో హిమ పర్వతాన్ని విరగ్గొట్టి నేలపైకి తోసినట్లుగా పడుతున్న హిమాన్ని చూడండి.

హిమం పడితే పడింది కానీ, ఇది ఖాలీ స్థలంలో పడకుండా నిలిపి ఉన్న వాహనాలపై పడి భారీ ఆస్తినష్టం కలిగింది. అదృష్టవశాత్తు ఆ సమయంలో ఆ కార్లలో ఎవ్వరూ లేరు. అలాగే అటు పక్కగా వెళ్తున్న ఇద్దరు వ్యక్తులు ఈ హిమపాతాన్ని ముందుగానే గుర్తించి, అప్రమత్తమై పరుగులు తీశారు. లేదంటే, ఏం జరిగి ఉండేదో..!

వీడియో కోసం క్రింద కనిపించే ఫొటోపై క్లిక్ చేయండి.