ఎంతో ఇష్టపడి మోడిఫై చేయించుకుంటే పోలీసుల చేతిలో చివరికి ఇలా మిగిలింది

మారుతి బాలెనో కారు ఓనరు, ఎంతో ఖర్చు చేసి, వ్యయప్రయాసలతో అచ్చం మెర్సిడెస్ బెంజ్ ఏ-క్లాస్ కారును పోలి ఉండే రూపంలోకి మోడిఫై చేయించుకున్నాడు. అయితే, అతని ఆనందం మూన్నాళ్ల ముచ్చటయ్యింది. ఎందుకంటే ఆర్‌టిఓ విభాగానికి చెందిన పోలీసులు మోడిఫికేషన్స్ మొత్తాన్ని తొలగించేశారు.

బాలెనో కారు ఓనర్ తన మోడిఫైడ్ బాలెనో కారులో ఫ్రంట్ బంపర్‌ను మెర్సిడెస్ బెంజ్ ఏ-క్లాస్ బంపర్‌‌తో మార్చేశాడు. అంతే కాకుండా చక్రాలను కూడా మార్కెట్లో లభించే విశాలమైన అల్లాయ్ వీల్స్‌తో మార్పించి ఎంతో ఆకర్షణీయంగా మార్చేశాడు.

Recommended Video

Bangalore City Police Use A Road Roller To Crush Loud Exhausts

చూసిన ప్రతి ఒక్కరినీ ఆకట్టుకునేందుకు ఇందులో మెర్సిడెస్ ఏ-క్లాస్ డైమండ్ ఫ్రంట్ గ్రిల్, ఎక్కువ గాలిని గ్రహించే విశాలమైన ఫ్రంట్ గ్రిల్ మరియు మెర్సిడెస్ బెంజ్ లోగో వంటివి ఉన్నాయి.

రియర్ డిజైన్‌లో కూడా మెర్సిడెస్ బెంజ్ ఏ-క్లాస్ డ్యూయల్ క్వాడ్ ఎగ్జాస్ట్ పైపులు, రియర్ డిఫ్యూసర్ ఉన్నాయి. 5-స్పోక్ 16-అంగుళాల అల్లాయ్ వీల్స్ మరియు లో ప్రొఫైల్ టైర్లు మోడిఫికేషన్స్‌లో భాగమయ్యాయి.

ఇంటీరియర్‌లో కూడా చాలా మార్పులే చోటు చేసుకున్నాయి. కానీ రియల్ లైఫ్‌తో పోల్చుకుంటే కాస్త అసాధ్యమే అనిపించినా, అన్నింటిని తన మోడిఫైడ్ బాలెనో కారులో సాధ్యమని నిరూపించుకున్నాడు. అయితే, సాంకేతికంగా ఇందులో ఎలాంటి మార్పులు చోటు చేసుకోలేదు.

అప్పట్లో మెర్సిడెస్ ఏ-క్లాస్ రూపంలోకి మారిపోయిన మారుతి బాలెనో కారు అని వార్తల్లోకి వచ్చింది. ఇప్పుడు ఇదే కారు మరోసారి వార్తల్లో నిలిచింది. తాజాగా అందిన రిపోర్ట్స్ ప్రకారం, అనధికారికమైన ఈ మోడిఫికేషన్ గురించి కేరళ రవాణా కమీషనర్‌కు ఫిర్యాదు అందడంతో ఆర్‌‌టిఓ అధికారులు ఈ కారు ఓనర్ మీద కేస్ ఫైల్ చేశారు.

Trending On DriveSpark Telugu:

పోలీసుల సహకారంతో ఆర్‌టిఓ అధికారి మోడిఫైడ్ బాలెనో కారును సీజ్ చేసి, కారు రిజిస్ట్రేషన్‌ను కూడా రద్దు చేశారు. ఇందుకు కారు ఓనర్ స్పందిస్తూ... సంభందిత అధికారులకు కారును అప్పజెప్పడానికి 15 రోజుల గడువును కోరాడు.

పరిస్థితి చేయిజారక ముందే అసలు విషయాన్ని అర్థం చేసుకున్న కారు ఓనర్ తన మోడిఫికేషన్స్ మొత్తాన్ని తొలగించేశాడు మరియు తొలకించిన అన్ని మోడిఫైడ్ విడిభాగాలను పోలీసులకు అందజేశాడు. దీనికి దర్యాప్తు చేసి, జరిమానా నిర్ణయిస్తామని ఆర్‌టిఓ అధికారులు పేర్కొన్నారు.

డ్రైవ్‌స్పార్క్ తెలుగు అభిప్రాయం!

సాధారణంగా, కేవలం అవసరానికి తగ్గట్లుగా మోడిఫైడ్ చేయించుకున్న వాహనాలకు మాత్రమే ఆర్‌టిఓ అధికారులు అనుమతిస్తారు. చిన్నపాటి మోడిఫికేషన్స్ గల కార్లు సర్వసాధారణం. అయితే, ఆర్‌సి బుక్‌లో ఉన్న వెహిల్ పేరుకు పోలికి లేకుండా మోడిఫికేషన్స్ చేయించుకుంటున్నారు. ఇలా అయితే ఎవ్వరూ అనుమతించరు. ఇలాంటి నేపథ్యంలోనే అత్యంత సుందరంగా మెర్సిడెస్ ఏ-క్లాస్ రూపంలోకి మోడిఫై అయిన కారును విడగొట్టేశారు.