బంపర్ ఆఫర్లతో హ్యుందాయ్ మాన్‌సూన్ సర్వీస్ క్యాంప్.. 70 పాయింట్ల చెకప్, భారీ తగ్గింపులు!

ప్రస్తుతం వానాకాలం మొదలైంది. అడపాదడపా వర్షాలు పడుతుంటాయి కాబట్టి బయటకి వెళ్లాలంటే అందరూ ఎక్కువగా కార్లనే ఉపయోగిస్తారు. ఈ సమయంలో కార్ల కండిషన్ చూసుకోవడం ప్రతి యజమాని బాధ్యత. ఈ మధ్య కాలంలో చాలా వాహన తయారీ కంపెనీలు తమ కస్టమర్ల కోసం మాన్‌సూన్ క్యాంపులను ప్రకటించాయి.

ఈ లిస్టులో హ్యుందాయ్ మోటార్ ఇండియా లిమిటెడ్ కూడా చేరిపోయింది. తమ అన్ని మోడళ్లకు వర్తించేలా మాన్‌సూన్ క్యాంపులో చాలా ఆఫర్లు, లాభాలు ఉంటాయని కంపెనీ ప్రకటించింది. వర్షాకాలంలో వాహనాలను ఎలా జాగ్రత్తగా చూసుకోవాలి, ఎలాంటి జాగ్రత్తలు తీసుకోవాలి అని కస్టమర్లకు అవగాహన కల్పించడమే ఈ మాన్‌సూన్ క్యాంప్ ముఖ్య ఉద్దేశ్యం.

అలాగే, హ్యుందాయ్ వాహన యజమానులు వారంటీ, స్పేర్ పార్ట్స్, రిపేర్ వంటి వాటితో పాటు ఇతర చాలా లాభాలను ఈ క్యాంప్‌లో పొందవచ్చు. హ్యుందాయ్ మాన్‌సూన్ క్యాంప్ గురించి వివరంగా తెలుసుకుందాం.

మాన్‌సూన్ సర్వీస్ క్యాంప్‌లో భాగంగా, హ్యుందాయ్ 70 పాయింట్ల వెహికల్ హెల్త్ చెకప్ నిర్వహిస్తోంది. ఇందులో బ్రేకులు, ముందు, వెనుక లైట్లు, టైర్లు, వైపర్లు, బ్యాటరీ, ఎలక్ట్రికల్ సిస్టమ్, సస్పెన్షన్, కింద భాగంలోని భాగాలు వంటి వాటిని పూర్తిగా పరిశీలిస్తారు. అంతేకాదు, కస్టమర్లకు మరిన్ని లాభాలు కూడా లభిస్తాయి.

ఎక్స్‌టెండెడ్ వారంటీపై 35 శాతం వరకు తగ్గింపు, అలాగే పీరియాడిక్ మెయింటెనెన్స్ సర్వీస్, ఇంటీరియర్, ఎక్స్‌టీరియర్ బ్యూటిఫికేషన్ , అండర్‌బాడీ యాంటీ రస్ట్ కోటింగ్ వంటి వాటికి మెకానికల్ లేబర్‌పై 15 శాతం వరకు తగ్గింపు ఇందులో ఉన్నాయి. బ్రేక్ ప్యాడ్స్, క్లచ్, సస్పెన్షన్, వైపర్ బ్లేడ్స్, హెడ్‌ల్యాంప్, టెయిల్ లైట్స్, ఇండికేటర్ బల్బులు వంటి కొన్ని స్పేర్ పార్ట్స్ కొనుగోలుపై 10 శాతం తగ్గింపు లభిస్తుంది. వీటితో పాటు కౌల్ ప్యానెల్ క్లీనిం, సన్‌రూఫ్ లూబ్రికేషన్‌కు 10 శాతం తగ్గింపు లభిస్తుంది.

"కస్టమర్లకు మెరుగైన డ్రైవింగ్ అనుభవాన్ని అందించడానికి, వర్షాకాలంలో వాహనాలను సురక్షితంగా నడపడానికి సాయపడే విధంగా మాన్‌సూన్ సర్వీస్ క్యాంప్‌ను నిర్వహిస్తున్నాం. హ్యుందాయ్ యజమానులందరూ ఈ అవకాశాన్ని ఉపయోగించుకోవాలని, వర్షాకాలంలో సురక్షితంగా డ్రైవ్ చేయాలని మేము కోరుతున్నాం" అని హ్యుందాయ్ హోల్-టైమ్ డైరెక్టర్, చీఫ్ ఆపరేటింగ్ ఆఫీసర్ అయిన తరుణ్ గార్గ్ చెప్పారు.

టాటా మోటార్స్, ఇసుజు వంటి ఇతర వాహన తయారీదారులు కూడా గత కొద్ది రోజులుగా మాన్‌సూన్ సర్వీస్ క్యాంపులను ప్రకటించారు. ఈ క్యాంపులు వాహనాలను పూర్తిగా పరిశీలించడంతో పాటు, స్పేర్ పార్ట్స్, లేబర్ ఛార్జీలపై అనేక ఆఫర్లు, తగ్గింపులను అందిస్తాయి. సాధారణంగా సర్వీస్ సెంటర్లకు వెళ్ళినప్పుడు ఇలాంటి లాభాలు లభించవు. కాబట్టి, మీ దగ్గరలోని ఆథరైజ్డ్ సర్వీస్ సెంటర్‌ను సంప్రదించి మరిన్ని వివరాలు తెలుసుకోవచ్చు.

మాన్‌సూన్ సీజన్‌లో వాహనాల సేఫ్టీని నిర్ధారించే లక్ష్యంతో హ్యుందాయ్ మోటార్ ఇండియా లిమిటెడ్ నిర్వహిస్తున్న మాన్‌సూన్ క్యాంప్ కస్టమర్లకు చాలా ప్రయోజనకరంగా ఉంటుంది. గత కొన్ని నెలలుగా సేల్స్ చార్ట్‌లో మహీంద్రా, టాటా (Tata) నుంచి సవాళ్లు ఎదుర్కొంటున్న హ్యుందాయ్ అన్ని విధాలుగా పుంజుకోవడానికి ప్రయత్నిస్తోంది.

డ్రైవ్‌స్పార్క్ అభిప్రాయం: వర్షాకాలంలో కారు మైంటెనెన్స్ చాలా ముఖ్యం. హ్యుందాయ్ లాంటి కంపెనీలు ఇలాంటి క్యాంపులు నిర్వహించడం కస్టమర్లకు చాలా ఉపయోగం. మీ కారు హెల్త్‌ని చూసుకోవడం ద్వారా సేఫ్‎గా ప్రయాణించవచ్చు.