Just In
- 13 hrs ago వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- 14 hrs ago వెనుక నుంచి ఢీ కొట్టిన ట్రక్.. ప్రమాదానికి గురైన Hyundai Exter - వీడియో
- 15 hrs ago 2024 Jeep Wrangler Facelift Review Video జీప్ రాంగ్లర్ ఫేస్లిఫ్ట్ ఆఫ్రోడర్ ఫుల్ రివ్యూ వీడియో
- 16 hrs ago 2024 Jeep Wrangler Facelift Review జీప్ రాంగ్లర్ ఫేస్లిఫ్ట్ ఆఫ్రోడర్ పర్ఫామెన్స్ ఫుల్ రివ్యూ
Don't Miss
- News ముగిసిన నామినేషన్ల పర్వం: బండి సంజయ్ సహా చివరి రోజు నామినేషన్లు వేసింది వీరే
- Sports SRH vs RCB: హమ్మయ్యా.. ప్రశాంతంగా పడుకుంటాం! ఆ గ్రౌండ్తోనే మాకు ఇబ్బంది: ఫాఫ్ డుప్లెసిస్
- Movies బాయ్ ఫ్రెండ్తో శృతి హాసన్ బ్రేకప్? ఆ విషయంలో సమంతను ఫాలో అయిన బ్యూటీ!
- Lifestyle ఈ 4 రాశుల వారు ఎల్లప్పుడూ ఇతరులకు రహస్య శ్రేయోభిలాషులు..
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Finance Jio Cinema Premium: నెలకు 29లతో జియో ప్రీమియం..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
ప్రపంచంలోకెల్లా అత్యంత ఖరీదైన కార్ పార్కింగ్ స్పేస్
హాంగ్కాంగ్లో సగటు కారు ధర కంటే సగటు పార్కింగ్ ప్రదేశం ధరే ఎక్కువగా ఉంది. హాంగ్కాంగ్లో పార్కింగ్ స్పేస్ మార్కెట్ ధర ఏరోజుకు ఆరోజు విపరీతంగా పెరిగిపోతోంది. తాజాగా ఓ పార్కింగ్ స్పేస్ ధర రూ. 5.6 కోట్ల
భూమి మీద ఏడవ అతి పెద్ద దేశం కావడంతో ఎలాంటి ఇబ్బందులు లేకుండా అన్ని అవసరాలు తీరిపోతున్నాయి. జనాభా పరంగా రెండవ అతి పెద్ద దేశం అయినప్పటికీ, పార్కింగ్ పరంగా ఎలాంటి సమస్యలు తలెత్తడం లేదు. కానీ అక్కడక్కడ కొన్ని నగరాల్లో పార్కింగ్ సమస్యలు లేకపోలేదు. అయితే, హాంగ్కాంగ్ వంటి పొరుగు దేశాలతో పోల్చుకుంటే భారతీయులు అదృష్టవంతులనే చెప్పాలి.
పశ్చిమాసియాలో బాగా అభివృద్ది చెందిన హాంగ్కాంగ్ వంటి దేశాల్లో పార్క్ ప్రదేశాలు భారీ ధర పలుకుతున్నాయి. అక్కడ కారు కొనడం సమస్య కాదు, ఆ కారుకు సరిపడా పార్కింగ్ స్పేస్ కొనుగోలు చేయడమే అసలైన సమస్య.
అవును, మీరు చదివింది నిజమే, హాంగ్కాంగ్లో సగటు కారు ధర కంటే సగటు పార్కింగ్ ప్రదేశం ధరే ఎక్కువగా ఉంది. హాంగ్కాంగ్లో పార్కింగ్ స్పేస్ మార్కెట్ ధర ఏరోజుకు ఆరోజు విపరీతంగా పెరిగిపోతోంది. తాజాగా ఓ పార్కింగ్ స్పేస్ ధర రూ. 5.6 కోట్ల రుపాయలు పలికింది(ఇండియన్ కరెన్సీలో).
ఏడు అడుగుల పార్కింగ్ కోసం ఏకంగా ఐదు కోట్ల అరవై లక్షలు వెచ్చించడమే ఇదే మొదటిసారి. మరియు ప్రపంచ వ్యాప్తంగా అత్యంత ఖరీదైన పార్కింగ్ స్పేస్ కూడా ఇదే. ప్రపంచ వ్యాప్తంగా బాగా అభివృద్ది చెందిన చిన్న చిన్న దేశాల్లో జనాభా పెరిగిపోవడం మరియు విస్తీర్ణం తక్కువగా ఉండటంతో ఇలాంటి వాటి మార్కెట్ ఎక్కువైపోయింది.
ఈ తరుణంలో, పురాతణ కార్లను సేకరించే డారిన్ వూ అనే వ్యక్తి 1968 మోడల్ మెర్సిడెస్ బెంజ్ పుల్మ్యాన్ లిమోసిన్ మరియు 1957 ఫియట్ అబర్త్ కార్లను, వాటి పార్కింగ్ స్పేస్ మీద వెచ్చించే డబ్బును ఆదా చేసుకునేందుకు హాంగ్కాంగ్ నుండి కాలిఫోర్నియాకు తరలించాడు. ఇప్పుడు, ఆ డబ్బుతో మరో ఐదు కార్లను కొనుగోలు చేయగలనని చెప్పుకొచ్చాడు.
ఒక్క కారు పార్కింగ్ కోసం కావాల్సిన స్థలం రికార్డు స్థాయిలో అమ్ముడవం ఇదేమీ మొదటి సారి కాదు. హాంగ్కాంగ్లో ఇలాంటి రికార్డులు ఎన్నో నమోదయ్యాయి. ప్రస్తుతం సగటున ఒక్కో పార్కింగ్ స్పేస్ ధర రూ. 2 కోట్లు ఉంది.
2006 నుండి ఇప్పటి వరకు హాంగ్కాంగ్ దేశంలో కారు పార్కింగ్ స్పేస్ ధరలు 6 రెట్లు పెరగగా, అదే కాలంలో ఇళ్ల ధరలు 3.4 రెట్లు పెరిగాయి. గణాంకాల ప్రకారం, హాంగ్కాంగ్లో సొంత కార్ల రిజిస్ట్రేషన్ల సంఖ్య ఏకంగా 49 శాతం మేర పెరిగాయి. దీంతోనే పార్కింగ్ ప్రదేశాల ధరలకు రెక్కొలొచ్చాయని చెప్పవచ్చు.
కేవలం హాంగ్కాంగ్ మాత్రమే కాదు, లండన్ మరియు న్యూ యార్క్ వంటి నగరాల్లో కూడా పార్కింగ్ సమస్య ఎక్కువైపోతోంది. భారత్లో కూడా పలు మెట్రో నగరాల్లో వ్యక్తిగత వాహనాల సంఖ్య అధికమవ్వడంతో పార్కింగ్ సమస్య తీవ్రమవుతోంది.
ఢిల్లీలో పార్కింగ్, ట్రాఫిక్ మరియు వాతావారణ కాలుష్యం వంటి సమస్యలను అరికట్టేందుకు పార్కింగ్ స్పేస్ ఉంటేనే కొత్త కార్ల రిజిస్ట్రేషన్ అనుమతించే రూల్ అమల్లోకి వచ్చిందే. అంతే కాకుండా, కాలుష్యాన్ని అరికట్టేందుకు కొన్నాళ్లపాటు సరి, బేసి విధానం మరియు ఇంకొన్నాళ్లు ఇంజన్ కెపాసిటి 2,000సీసీ కంటే ఎక్కువ ఉన్న వాహనాల రిజిస్ట్రేషన్ నిలిపివేసారు.
ఏదేమైనప్పటికీ, భవిష్యత్తులో పార్కింగ్ స్పేస్ కొనుగోలు చేసే పరిస్థితులు ఇండియాలో కూడా వచ్చే అవకాశం ఉంది.
Source: Bloomberg