కొన్ని ప్రమాదకరమైన/ఆశ్చర్యకరమైన మోటార్‌సైకిల్ స్టంట్స్

హెచ్చరిక

ఈ కథనంలో చూపించబడిన స్టంట్‌లన్నింటినీ కూడా నిపుణులైన ప్రొఫెషనల్స్‌చే నిర్వహించబడినవి, దయచేసి వీటిని ఇంటి వద్ద ప్రయత్నించవద్దని మనవి.

ది వీలీ

ముందు చక్రాన్ని గాల్లోకి లేపి, వెనుక చక్రంపై బ్యాలెన్సింగ్ చేయటాన్ని వీలీ అంటారు. దీనినే ఫ్రంట్ వీలీ అని కూడా పిలుస్తారు. ఈ తరహా స్టంట్ మన వీధుల్లో కుర్రాళ్లు కూడా చేస్తుంటారు. కాకపోతే ఇలాంటి స్టంట్స్ చేసేటప్పుడు కాస్తంత వళ్లు దగ్గరపెట్టుకొని చేయాలి.

ది స్టాపీ

వీలికి ఆపోజిటే ఈ స్టాపీ. ఇందులో వెనుక చక్రాన్ని గాల్లోకి లేపి ముందు చక్రంపై బ్యాలెన్స్ చేయటం జరుగుతుంది. అయితే, ఇది చాలా ప్రమాదకరమైనది. బ్యాలెన్సింగ్ చేయటంలో ఏ మాత్రం తేడా వచ్చినా మూతి పచ్చడవటం ఖాయం.

సర్కిల్

వీలీ చేస్తూ (ఫ్రంట్ టైరును గాలిలోకి లేపి వెనుక చక్రంపై బ్యాలెన్స్ చేస్తూ) గుండ్రంగా తిరగటాన్ని సర్కిల్ అంటారు.

12ఓ క్లాక్

హైవీలీ చేయటాన్నే 12ఓ క్లాక్ అంటారు. అంటే ఫ్రంట్ వీల్‌ను దాదాపుగా 90 డిగ్రీల కోణంలో పైకి లేపి, వెనుక వీల్‌పై బ్యాలెన్సింగ్ చేయటం అన్నమాట.

హై చైర్

వీలీ చేస్తూ రైడర్ హ్యాండిల్ బార్ మీదుగా కాళ్లు ముందుకు చాచి స్టంట్ చేయటాన్ని హై చైర్ అంటారు.

స్ప్రెడర్

వీలీ చేస్తూ రెండు కాళ్లను గాలిలో చాచడాన్ని స్ప్రెడర్ అని పిలుస్తారు.

సీట్ స్టాండర్

వీలీ చేస్తూ సీట్‌పై నిలుచుకోవటాన్ని సీట్ స్టాండర్ స్టంట్ అని పిలుస్తారు.

సూసైడ్ బర్నవుట్

బైక్‌ను ఆన్ చేసి, ఫ్రంట్ వీల్‌ బ్రేక్‌ను అప్లయ్ చేసి బైక్‌ను గేరులో సర్కిల్‌లో తిప్పడాన్ని సూసైడ్ బర్నవుట్ అని పిలుస్తారు.

జీసెస్ క్రైస్ట్

బైక్‌ను రెండు చక్రాలపై నడుపుతూ ట్యాంక్‌పై నిలుచుకొని రెండు చేతులను గాలిలో చాపడాన్ని జీసెస్ క్రైస్ట్ స్టంట్ అని పిలుస్తారు.