మత్తులో చేసిన పనికి మత్తు దిగేలా గుణపాఠం చెప్పిన పోలీసులు.. ఎక్కడో తెలుసా ?

మద్యం తాగి డ్రైవ్ చేసిన కథనాలు మనం ఇది వరకు చాలా చూసి ఉంటాము. ఇపుడు అలాంటిదే మల్లి వెలుగులోకి వచ్చింది. దీని గురించి మరింత సమాచారం ఇక్కడ తెలుసుకుందాం.. రండి.

నూతన సంవత్సరాన్ని స్వాగతించడానికి జనవరి 1 వ తేదీన నూతన సంవత్సర దినోత్సవాన్ని జరుపుకోవడానికి చాలా మంది ప్రజలు డిసెంబర్ 31 రాత్రి సంతోషంగా వీధుల్లో తిరగడం మనం చాలా కాలంగా చూస్తూనే ఉన్నాము. చిన్నవాళ్లు నుంచి పెద్దవాళ్ల వరకు చాలామంది కార్లలో విండోస్ దగ్గర నిలబడి లేదా సన్‌రూఫ్ దగ్గర నిలబడి అరుస్తూ కనిపిస్తారు.

కానీ మనం ఇప్పుడు చూడబోయే వీడియోలో కొంతమంది యువకులు జనవరి రాకముందే ముందస్తుగా డిసెంబర్ 1 వ తేదీని చాలా సంతోషంగా జరుపుకుంటున్నారు. కండివాలికి చెందిన యువకులు ముంబై వీధుల్లో కారులో తిరుగుతూ కారు విండోపై కూర్చున్నారు.

ఇది చూసిన వాహనదారుడు తన సెల్ ఫోన్‌లో ఈ సంఘటనను చిత్రించి తన ట్విట్టర్ పేజీలో పోస్ట్ చేశాడు. ఈ వీడియోనే యువతను పోలీసుల క్యాచ్‌ చేసేలా చేసింది. ఈ వీడియో డిసెంబర్ 2 న తెల్లవారుజామున 1.25 గంటలకు తీసినట్లు సమాచారం.

వీడియో తీసిన కొద్ది నిమిషాల్లోనే ఆ వ్యక్తి ట్విట్టర్‌లో పోస్ట్ చేశాడు. మీరు ఆ వీడియోను ఇక్కడ చూడవచ్చు. ముంబై విమానాశ్రయానికి సమీపంలో ఉన్న సహారా యురాన్ ఫ్లైఓవర్ ప్రాంతంలో ఈ సంఘటన జరిగినట్లు తెలుస్తోంది. చాలామంది చూడటానికి ఈ వీడియో షేర్ చేయబడింది.

ఈ వీడియో ఎక్కువ వైరల్ అయినా తరువాత 2 వ రోజు నుండి ముంబై పోలీసులు ఈ యువకుల కోసం శోధిస్తున్నారు. తీవ్ర శోధన తరువాత డిసెంబర్ 4 న ముగ్గురిని అరెస్ట్ చేశారు. వారు కార్ విండో దగ్గర కూర్చుని ప్రయాణం చేయడమే కాదు, సంఘటన జరిగిన సమయంలో యువత మద్యం మత్తులో ఉన్నట్లు మరియు చేతిలో మద్యం సీసాలు ఉండటం కూడా మనం గమనించవచ్చు.

ఇలాంటి అవకతవకలే పోలీసులు ఈ యువకులను అరెస్ట్ చేయడానికి ప్రధాన కారణం. యువతపై పోలీసులు వివిధ సెక్షన్ల కింద కేసు నమోదు చేసినట్లు ముంబై మిర్రర్ తెలిపింది. అలాగే ఈ సంఘటన గురించి ఇతర సమాచారం అందుబాటులో లేదు.

ఏది ఏమైనా మద్యం తాగి డ్రైవింగ్ చేయడం ప్రమాదం. అంతేకాకుండా ప్రాణాంతకం కూడా, కావున వాహనదారులు వీలైనంతవరకు ఇలాంటి చర్యలకు పాల్పడకుండా ఉండటం మంచింది. ఇక కొత్త సంవత్సరం రావడానికి చాలా రోజులు లేదు, కొత్త సంవత్సరంలో కూడా ఇటువంటి చర్యలు చేయకుండా ఉండాలి. అప్పుడే ప్రమాదాలు జరగకుండా ఉండే అవకాశం ఉంటుంది.