జపనీస్ స్పోర్ట్స్ బైక్స్ అంటే ఇష్టం: అక్కినేని నాగచైతన్య

యమహా వైజెడ్ఎఫ్ ఆర్1

నాగచైతన్య 2010లో యమహా కంపెనీకు చెందిన వైజెడ్ఎఫ్ ఆర్1 అనే స్పోర్ట్స్ బైక్‌ను (రిజిష్టర్ నంబర్ ఏపి 9 బిఎక్స్ 4568) అప్పట్లో సుమారు రూ. 12.40 లక్షలకు చెల్లించి కొనుగోలు చేశారు.

జపనీస్ బైక్‌లంటే ఇష్టం

నాగచైతన్యకు జపానీస్ స్పోర్ట్స్ బైక్‌లంటే ఎక్కువగా ఇష్టమట. సిటీ రైడ్ కోసం 600 సీసీ బైక్‌లు చక్కగా ఉంటాయని, రద్దీగా ఉండే రోడ్లపై వీటి హ్యాండ్లింగ్ చక్కగా ఉంటుందని ఆయన ఆ ఇంటర్వ్యూలో తెలిపారు.

క్రూయిజ్ బైక్‌లు వాడను

అమెరికాకు చెందిన ద్విచక్ర వాహనాల తయారీ కంపెనీ హ్యార్లీ డేవిడ్‌సన్ భారత్‌లో క్రూయిజ్ బైక్‌లను విక్రయిస్తోంది, అయితే తనకి క్రూయిజ్ బైక్‌ల కన్నా స్పోర్ట్స్ బైక్‌లంటేనే ఎక్కువ ఇష్టమని నాగచైతన్య చెప్పారు.

ఆల్‌టైమ్ ఫేవరేట్ బైక్

తాను ఇప్పటి వరకూ అనేక బైక్‌లను నడిపానని, అందులో ముఖ్యంగా డ్యుకాటి 1098, ఎమ్‌వి అగస్టా ఎఫ్4 1000లు తనకు బాగా గుర్తుండిపోయేవని చైతన్య చెప్పారు. తనకు ఆల్ టైమ్ ఫేవరేట్ బైక్ అంటే ఎమ్‌వి అగస్టా ఎఫ్4 1000 అయర్టాన్ సెన్నా లిమిటెడ్ ఎడిషన్ బైకేనని ఆయన అన్నారు.

కారుతో డ్రాగ్ రేస్‌లు

హీరో నాగచైతన్య కార్/బైక్ రేస్‌లు చూడటమంటే ఇష్టమట. తాను చెన్నైలో ఉన్నప్పుడు ల్యాన్సర్ కారుతోను, హైదరాబాద్‍‌కు వచ్చిన తర్వాత ఫెరారీ కారుతోనూ సరాదాగా డ్రాగ్ రేస్‌లు చేసేవాడట.

మూలం: రియోట్ ఇంజన్