మోడీ కాన్వాయ్ విదేశీనే! బిఎమ్‌డబ్ల్యూకే జై కొట్టిన కొత్త ప్రధాని!

తర్వాతి స్లైడ్‌లలో భారత ప్రధానమంత్రి (ప్రస్తుతం నరేంద్ర మోడీ) ఉపయోగించే సెక్యూరిటీ కాన్వాయ్ గురించి తెలుసుకోండి..!

సాధారణంగా భారత ప్రధానమంత్రి (ప్రస్తుతం నరేంద్ర మోడీ) ఉపయోగించే కాన్వాయ్‌లో 7 బుల్లెట్ ప్రూఫ్ ఎక్స్‌5 ఎస్‌యూవీలు, 5 మోడిఫైడ్ టాటా సఫారీలు మరియు 2 అత్యధికంగా మోడిఫై చేసిన బిఎమ్‌డబ్ల్యూ 7-సిరీస్ సెడాన్ కార్లు (మొత్తం 14 వాహనాలు) ఉంటాయి.

ప్రస్తుత ప్రధాని కాన్వాయ్‌లో బిఎమ్‌డబ్ల్యూ ఎక్స్5 వాహనాలను ఎస్‌పిజి బలగాలు ఉపయోగిస్తాయి. బిఎమ్‌డబ్ల్యూ 7-సిరీస్ కార్లలో ఒకదానిలో ప్రధాని కూర్చుకుంటారు. ఇంకొకదానిని డెకాయ్ వెహికల్‌గా ఉపయోగిస్తారు. టాటా సఫారీలను జామర్లుగా, బాంబ్ డిటెక్టర్లుగా ఉపయోగిస్తారు.

వాస్తవానికి, చాలా కాలం నుంచి అంబాసిడర్ కార్లనే ప్రధానమంత్రి అధికారిక కాన్వాయ్‌గా ఉపయోగిస్తూ వస్తున్నప్పటికీ, పలు భద్రతా అంశాల దృష్ట్యా 2003 ప్రాంతంలో (అటల్ బిహారీ వాజ్‌పేయి ప్రధానిగా ఉన్నప్పుడు) భారత ప్రభుత్వం అంబాసిడర్ కార్లను తొలగించి వాటి స్థానంలో బిఎమ్‌డబ్ల్యూ కార్లను ప్రవేశపెట్టింది.

ఇది కూడా చదవండి: ముగిసిన అంబాసిడర్ శకం, ఉత్పత్తి బంద్!

ప్రధానమంత్రికి కేటాయించిన బిఎమ్‌డబ్ల్యూ 7 సిరీస్ కార్లను ధృడమైన స్టీల్‌తో తయారు చేయబడి ఉంటాయి. ఇవి బుల్లెట్ దాడులు, బాంబు దాడులను తట్టుకుని కారు లోపల ఉండే వారికి అన్ని వైపుల నుంచి రక్షణను ఇస్తాయి. ఈ కార్లలో అధునాతన సాంకేతిక వ్యవస్థ, అలారమ్ సిస్టమ్‌లు ఉంటాయి. టైర్లు పంక్చర్ అయినా సరే ఇవి ఫ్లాట్ టైర్లపై కూడా మైళ్ల దూరం పరుగులు తీయగలవు.

కారు క్రింది భాగంలో పేలుడు సంభవించినా ఫ్యూయెల్ ట్యాంక్ పేలిపోకుండా ఉండేలా ఇందులో ఏర్పాటు చేశారు. బాంబులు, మిస్సైళ్లను గుర్తించేందుకు ఇందులో అధునాతన హీట్ సెన్సార్లు ఉంటాయి. కారులో క్యాబిన్ గ్యాస్ ప్రూఫ్ చాంబర్‌గా ఉంటుంది. రసాయన, గ్యాస్ దాడుల నుంచి ఇది క్యాబిన్‌లోని ప్రయాణీకులను రక్షిస్తుంది.

భారత ప్రధానమంత్రి ఉపయోగించే కారు ఆర్మోర్డ్ 'బిఎమ్‌డబ్ల్యూ 7-సిరీస్ 760ఎల్ఐ హై సెక్యూరిటీ ఎడిషన్'. ఇది చూడటానికి రెగ్యులర్ బిఎమ్‌డబ్ల్యూ 7-సిరీస్ 745ఎల్ఐ మోడల్ మాదిరిగానే అనిపిస్తుంది. విఐపిలు ఉపయోగించే ప్రపంచంలో కెల్లా హై సెక్యురిటీ వాహనాల్లో ఈ 760ఎల్ఐ హై సెక్యూరిటీ మోడల్ కూడా ఒకటి. ఇది క్లాస్ బి6/బి7 బల్లిస్టిక్ ప్రొటెక్షన్‌ను (భద్రతా ప్రమాణాల్లో అత్యున్నతమైనది) ఆఫర్ చేస్తుంది.

ఈ వాహనాలను సాధారణ డ్రైవర్లు ఆపరేట్ చేయలేరు. ఇందుకు ప్రత్యేకమైన శిక్షణ అవసరం. అందుకే బిఎమ్‌డబ్ల్యూ తమ 'ట్రైనింగ్ ఫర్ ప్రొఫెషనల్స్' కోర్స్ క్రింది వీరికి శిక్షణ ఇస్తుంది. అత్యవసర పరిస్థితులు ఏర్పడినప్పుడు ఎలా స్పందించాలో, కారులోని ఫీచర్లను ఎలా ఆపరేట్ చేయాలో వారికి తెలియజేస్తుంది.

బిఎమ్‌డబ్ల్యూ 7-సిరీస్ 760ఎల్ఐ హై సెక్యూరిటీ కారులో 6.0 లీటర్, వి-12, 439 బిహెచ్‌పి ఇంజన్‌ను ఉపయోగించారు. ఈ ఇంజన్ 6-స్పీడ్ ఆటోమేటిక్ ట్రాన్సిమిషన్‌తో అనుసంధానం చేయబడి ఉంటుంది. ఇంజన్ నుంచి విడుదలయ్యే శక్తి వెనుక చక్రాలకు బదిలీ అవుతుంది (రియల్ వీల్ డ్రైవ్). ఈ కారు కేవలం 7.5 సెకండ్ల వ్యవధిలోనే 0-100 కి.మీ. వేగాన్ని అందుకుంటుంది.

ఇది కూడా చదవండి: మరిన్ని హైసెక్యూరిటీ వాహనాలు