హార్లే డేవిడ్సన్ బైక్‌తో దుమ్మురేపుతున్న నవదీప్ సైని [వీడియో]

నవదీప్ సైని అప్లోడ్ చేసిన ఈ వీడియోలో హార్లే డేవిడ్సన్ బైక్‌ పై ఉన్నట్లు చూడవచ్చు. నవదీప్ సైని కి క్రికెట్ తో పాటు వాహనాలంటే కూడా ఎక్కువ మక్కువ. ఇటీవల కాలంలో ఆస్ట్రేలియాలో జరిగిన మ్యాచ్ లో ఘన విజయం పొందినందుకు ఆనంద్ మహీంద్రా మహీంద్రా థార్ గిఫ్ట్ గా ఇచ్చాడు.

ఇక ఇప్పుడు వైరల్ అయిన వీడియో విషయానికి వస్తే, ప్రముఖ లగ్జరీ బైక్ అయిన హార్లే డేవిడ్సన్ బైక్‌పై నవదీప్ సైని షర్టు లేకుండా ఉండటం గమనించవచ్చు. దీనిని అతడే స్వయంగా తన అధికారిక ట్విట్టర్ అకౌంట్ లో పోస్ట్ చేసాడు.

వీడియోలో, అతను ఒక ఖాళీ ప్రదేశంలో హార్లే డేవిడ్సన్ బైక్ మీద కూర్చుని యాక్సిలరేటర్ ని రైజ్ చేయడం చూడవచ్చు. ఈ వీడియో పోస్ట్ చేసిన కొన్ని గంటల్లోనే 1,400 రీట్వీట్ మరియు 3.60 లక్షల మంది వ్యూస్ వచ్చారు. పోస్ట్ చేసిన అతి తక్కువ సమయంలోనే ఈ వీడియో చాలా వైరల్ అయ్యింది.

ఈ వీడియో చూసి స్పందించిన వారిలో కొంత మంది మీరు ఇవన్నీ పక్కనపెట్టి ఆటపై ద్రుష్టి పెడితే బాగుంటుందని కామెంట్స్ చేశారు. మరికొంతమంది ఇది ఎక్కువగా వాయు కాలుష్యానికి కారణమవుతున్నారని చెప్పారు. వీడియో చూసిన చాలామంది దీనిపై ఎక్కువగా స్పందించారు.

హార్లే-డేవిడ్సన్ బైక్ చాలా లగ్జరీగా ఉండటం వల్ల ప్రపంచ మార్కెట్లో చాలా మంది అభిమానులు ఉన్నారు. ఈ ప్రీమియం హార్లే-డేవిడ్సన్ బైక్‌లు ఎక్కువగా సినీ ప్రముఖులు వ్యాపారవేత్తలు ఎక్కువగా కొనుగోలు చేస్తుంటారు. ఈ బైక్ ధర చాలా ఎక్కువగా ఉండటం వల్ల సామాన్య ప్రజలు కొనే అవకాశం చాలా తక్కువగా ఉంటుంది.

ఇండియన్ క్రికెటర్ అయిన మహేంద్ర సింగ్ ధోనీ కూడా హార్లే-డేవిడ్సన్ బైక్ అభిమాని. మహేంద్ర సింగ్ ధోని బైకులకు చాలా పెద్ద అభిమాని కావడం వల్ల అతని గ్యారేజిలో చాలా వరకు లగ్జరీ బైకులు దర్శనమిస్తాయి.

4x4 సిస్టమ్‌ను కలిగి ఉన్న థార్ ఎస్‌యూవీ బ్లాక్ కలర్ లో ఉంది. ఈ కొత్త మహీంద్రా థార్ ని సైని అతని కుటుంబ సభ్యులు తరలివచ్చి ఎస్‌యూవీ డెలివరీ పొందారు. ఇండియన్ ప్రీమియర్ లీగ్‌లో నవదీప్ సైని రాయల్ ఛాలెంజర్స్ బెంగళూరు తరఫున ఆడాడు. ప్రస్తుతం కరోనా కేసులు అధికమవుతున్న కారణంగా యుఎఇలో 2021 ఐపిఎల్ టోర్నమెంట్‌లో మిగిలిన మ్యాచ్‌లను సెప్టెంబర్‌లో నిర్వహించాలని బిసిసిఐ నిర్ణయించింది.