Click it and Unblock the Notifications
కొత్త బ్యాట్మ్యాన్ చిత్రంలో ఉపయోగించనున్న వాహనం ఇదే
బ్యాట్మ్యాన్ సినిమా గురించి కొత్తగా పరిచయం చేయాల్సిన అవసరం లేదు. బ్యాట్మ్యాన్ కాన్సెప్ట్తో ఇప్పటికే అనేక సిరీస్ల సినిమాలు, సీరియల్స్ మరియు కామిక్స్ కూడా వచ్చాయి. ప్రతి బ్యాట్మ్యాన్ చిత్రంలోను ఆ పాత్రను పోషించే వ్యక్తి ఉపయోగించే వాహనం (బ్యాట్మొబైల్)కి ప్రత్యేక స్థానం ఉంటుంది. చిత్ర విచిత్రమైన ఆకారాల్లో ఈ వాహనాలను తయారు చేస్తుంటారు.
తాజాగా వస్తున్న బ్యాట్మ్యాన్ వర్సెస్ సూపర్మ్యాన్ చిత్రంలో కూడా ఓ సరికొత్త బ్యాట్మొబైల్ను ఉపయోగించనున్నారు. ఈ సరికొత్త బ్యాట్మొబైల్ ఫొటో ఇప్పుడు ఇంటర్నెట్లో విడుదలైంది. ఇదిగో ఈ ఫొటోలో కనిపిస్తున్నదే సరికొత్త బ్యాట్మొబైల్. బ్యాట్మ్యాన్ వర్సెస్ సూపర్మ్యాన్ చిత్రంలో బ్యాట్మ్యాన్ పాత్ర పోషిస్తున్న బెన్ అఫ్లిక్ ఈ బ్యాట్మొబైల్ను ఉపయోగించనున్నాడు.
ఈ కొత్త బ్యాట్మొబైల్ ఇదివరకటి సిరీస్ బ్యాట్మ్యాన్ చిత్రంలో ఆ పాత్ర పోషించిన క్రిస్టియన్ బేల్ ఉపయోగించిన టంబ్లర్ బ్యాట్మొబైల్ మాదిరిగానే ఉంటుంది. అయితే, డిజైన్ మరియు ఫీచర్ల పరంగా మాత్రం ఇందులో అనేక మార్పులు చేర్పులు ఉన్నాయి. చూడటానికి యుద్ధ ట్యాంక్లా భీకరంగా కనిపించే ఈ బ్యాట్మొబైల్లో మెషీన్ గన్స్ను కూడా అమర్చినట్లు తెలుస్తోంది.
బ్యాట్మ్యాన్ వర్సెస్ సూపర్మ్యాన్ చిత్రాన్ని జాక్ స్నైడర్ డైరెక్ట్ చేస్తున్నాడు. ఇందులో బెన్ ఆఫ్లెక్ బ్యాట్మ్యాన్ పాత్రను పోషిస్తున్నారు. మే 6, 2016లో ఈ చిత్రాన్ని విడుదల చేయాలని దర్శక, నిర్మాతలు ప్లాన్ చేస్తున్నారు.
Continue with Google