వామ్మో.. షోరూమ్ నుంచి దొంగలించబడిన టాటా హారియార్ [వీడియో]

ఇదిలా ఉండగా భారతదేశంలో వాహన దొంగతనాలు సర్వసాధారణంగా జరుగుతూ ఉంటాయి. ఇలాంటి సంఘటనలు ఇప్పటికే చాలా వెలుగులోకి వచ్చాయి. ఈ దొంగతనాలు పార్కింగ్ ప్రదేశాల్లో, లేకుంటే ఇంటి ఆవరణలో ఉంచినప్పుడు దొంగలించినట్లు మనం ఇదివరకు కథనాల్లో చూసాం. అయితే ఇప్పుడు ఒక దొంగ ఏకంగా ఒక షోరూమ్ నుంచే దొంగిలించాడు.

నివేదికల ప్రకారం గురుగ్రామ్‌లోని టాటా కార్ షోరూమ్ సమీపంలో టాటా హారియార్ కార్ దొంగలించబడింది. ఈ సంఘటన జూన్ 15 ఉదయం 5:30 గంటలకు జరిగినట్లు తెలుస్తోంది. ఈ దొంగతనానికి సంబంధించిన వీడియో సమీపంలోని సిసిటివి ఫుటేజ్ లో రికార్డ్ చేయబడింది.

దేశీయ మార్కెట్లో హారియార్ బుకింగ్స్ బాగా జరుగుతున్నాయి, ఈ కారణంగా హారియర్ ఎస్‌యూవీకి కొత్త బ్యాచ్ జూన్ 13న టాటా మోటార్స్ షోరూమ్‌కు చేరుకుంది. కొత్త బ్యాచ్ చేరుకున్న కేవలం రెండు రోజుల్లో ఈ సంఘటన జరిగింది.

టాటా మోటార్స్ షోరూమ్ జెడెక్స్ టాటా మోటార్స్, గురుగ్రామ్ లోని ఫాజిల్‌పూర్ చౌక్ సమీపంలో స్కాటిష్ మాల్ లో ఉంది. ఈ షోరూమ్ నుంచి హారియార్ దొంగలించబడింది. పార్కింగ్ స్థలం నుండి కారు దొంగిలించబడిన ఈ సంఘటనపై పోలీసులు దర్యాప్తు చేస్తున్నారు.

కారు దొంగిలించిన దొంగ మెయిన్ రోడ్‌లోకి ప్రవేశించి అక్కడి నుంచి వేగంగా వెళ్లడం మీరు ఇక్కడ వీడియోలో గమనించవచ్చు. దొంగిలించబడినడి టాటా హారియర్ యొక్క ఎక్స్‌జెడ్ ప్లస్ టాప్ ఎండ్ మోడల్. ఈ మోడల్ ధర రూ. 20 లక్షలకు పైగానే ఉంటుంది. కారు దొంగతనానికి సంబంధించి వివరాలను షోరూమ్ పోలీసులకు ఫిర్యాదు చేసింది. త్వరలోనే ఈ దొంగను పట్టుకునే అవకాశాలు ఉన్నాయి. అయితే ఈ కొత్త కారుకి ఎటువంటి రిజిస్ట్రేషన్ నెంబర్ కూడా లేదు.

టాటా హారియర్ ఎస్‌యూవీ యొక్క ప్రారంభ ధర రూ. 14.21 లక్షలు. ఈ ఎస్‌యూవీని ఆరు మోడళ్లలో విక్రయిస్తున్నారు. అవి ఎక్స్‌ఇ, ఎక్స్‌ఎమ్, ఎక్స్‌డి, ఎక్స్‌డి ప్లస్, ఎక్స్‌జెడ్ మరియు ఎక్స్‌జడ్ ప్లస్ వేరియంట్లు. టాటా హారియార్ స్పెషల్ ఎడిషన్ లో కూడా లభిస్తుంది. అవి డార్క్ మరియు క్యామో ఎడిషన్స్.

ఈ స్పెషల్ ఎడిషన్స్ ప్రత్యేక రంగు, బ్యాడ్జ్ మరియు అప్డేటెడ్ ఫీచర్స్ కలిగి ఉంటాయి. టాటా హారియర్ ఎస్‌యూవీ డీజిల్ ఇంజన్ ఆప్షన్‌లో మాత్రమే విక్రయించబడుతుంది. కావున ఇందులో 2.0-లీటర్ కైరోటెక్ ఇంజిన్‌ను అమర్చారు. ఈ ఇంజిన్ 170 బిహెచ్‌పి పవర్ మరియు 350 ఎన్ఎమ్ టార్క్ ఉత్పత్తి చేస్తుంది.

టాటా హారియర్ అద్భుతమైన ఫీచర్స్ మరియు పరికరాలను కలిగి ఉంటుంది. ఈ కారు విలాసవంతంగా ఉండటం వల్ల వాహనదారులకు హలా అనుకూలంగా ఉంటుంది. దేశీయ మార్కెట్లో కొత్త టాటా హారియార్ ఎస్‌యూవీ ఎంజి హెక్టర్, హెక్టర్ ప్లస్, జీప్ కంపాస్ వంటివాటికి ప్రత్యర్థిగా ఉంటుంది.

Image Courtesy: Gurugram News