Click it and Unblock the Notifications
కారు నడుపుతూ సెల్ఫీ తీసుకున్నన రేసర్ నికో రోస్బర్గ్
కారు నడుపుతూ సెల్ఫోన్ ఉపయోగించకూడదని చెబుతుంటే, కొందరు సెలబ్రిటీలు మాత్రం ఒకచేతితో కారును నడుపుతూ, మరో చేతితో సెల్ఫోన్లో సెల్ఫీ తీసుకుంటున్నారు. ఈనాటి మన ఫేస్బుక్ వీడియోలో ఓ రేస్ డ్రైవర్ చేసిన ఇలాంటి ఫీట్ను చూద్దాం రండి..!
మెర్సిడెస్ ఏఎమ్జి జర్మన్ డ్రైవర్ నికో రోస్బర్గ్ ఓ పురాతన 1954 మెర్సిడెస్ బెంజ్ డబ్ల్యూ196 రేస్ కారును డ్రైవ్ చేస్తూ సెల్ఫీ తీసుకున్నాడు. అయితే, ఈ ఫీట్ను పబ్లిక్ రోడ్లపై కాకుండా, ఎవ్వరూ లేని ఖాలీగా ఉండే రేస్ట్రాక్పై చేశాడు.
ప్రస్తుతం 'సెల్ఫీ' ట్రెండ్ విస్తృతంగా ఉన్న సంగతి తెలిసినదే. ఒకచేతితో మొబైల్ ఫోన్/కెమరా పట్టుకొని తమను తాము ఫోటో లేదా వీడియో తీసుకోవటాన్ని సెల్ఫీ అంటారు. మరొకరి సాయం అవసరం లేకుండా ఈ గ్యాడ్జెట్లలో తమ జ్ఞాపకాలను బంధించుకోవటమే సెల్ఫీ.
అయితే, నికో రోస్బర్గ్ చేసిన ఈ ఫీట్పై విమర్శకులు మాత్రం గుర్రమంటున్నారు. డ్రైవింగ్లో సెల్ఫీ చేయటం ప్రమాదకరమని, ఇలాంటి దానిని అసలు ప్రమోట్ చేయకూడదని వారు విమర్శిస్తున్నారు. అయితే, ఈ ఫీట్ను ఖాలీ రేస్ ట్రాక్పై చేయటంతో అంత ప్రమాదమేమీ లేదని మరికొందరు వాదిస్తున్నారు. ఏదేమైనప్పటికీ, మీరు మాత్రం ఇలాంటి పిచ్చి పనిచేయకండి.
Continue with Google