భారత్‌లో గణనీయంగా తగ్గిన రోడ్డు ప్రమాదాలు: మరింత తగ్గుదలకు కొత్త వ్యూహాలు

ఈ రోడ్డు ప్రమాదాల గురించి లోక్‌సభలో లిఖితపూర్వక సమాధానం ఇస్తూ నితిన్ గడ్కరీ 2019 లో మొత్తం 4,49,002 రోడ్డు ప్రమాదాలు నమోదయ్యాయని, ఇది సరిగ్గా ఏడాది క్రితం అంటే మునుపటి ఏడాది 2018 కంటే 3.9 శాతం తక్కువ అని తెలిపారు. రోడ్డు ప్రమాదాలు జరగటానికి అనేక కారణాలు ఉన్నాయని కూడా ఆయన లోక్‌సభలో వ్యక్తం చేశారు.

నితిన్ గడ్కరీ ప్రకారం ఓవర్‌ స్పీడింగ్, డ్రంక్ అండ్ డ్రైవ్, రాంగ్ సైడ్ డ్రైవింగ్, సీట్ బెల్ట్ వాడకపోవడం, డ్రైవింగ్ చేసేటప్పుడు మొబైల్ ఫోన్ వాడటం వంటివి రోడ్డు ప్రమాదాలకు ప్రధాన కారణమని తెలిపారు. వీటన్నింటిని వీలైనంత చర్యలతో తగ్గించాలని ఆయన అన్నారు.

లోక్‌సభలో గడ్కరీ దీనిపై స్పందిస్తూ అత్యవసర సంరక్షణ ఆధారంగా రహదారి భద్రత సమస్యను పరిష్కరించడానికి మంత్రిత్వ శాఖ బహుముఖ వ్యూహాన్ని సిద్ధం చేసిందన్నారు, రహదారిపై ఉన్న బ్లాక్‌ స్పాట్‌లను మంత్రిత్వ శాఖ గుర్తించి వాటిని మెరుగుపరుస్తోందని కూడా అన్నారు.

కొత్త ప్రాజెక్టులలో రోడ్ల రూపకల్పనకు సంబంధించిన మంత్రిత్వ శాఖ కొత్త మార్గదర్శకాలను జారీ చేసినట్లు ఆయన తెలిపారు. రహదారులపై సాంకేతిక మెరుగుదలల కోసం బ్లాక్ స్పాట్‌లను గుర్తించే పనిని స్థానిక అధికారులకు అప్పగించారు మరియు కొత్త మెరుగుదలలను త్వరగా అమలు చేయాలని ఆదేశించారు.

రహదారులపై వాహనాల వేగ పరిమితిని 20 కిలోమీటర్లకు పెంచాలని ఇటీవల నితిన్ గడ్కరీ నిర్ణయించిన విషయం కూడా అందరికి తెలిసిందే. మంత్రిత్వ శాఖ అధికారులతో జరిగిన సమావేశంలో గడ్కరీ మాట్లాడుతూ, కాలక్రమేణా రహదారుల పరిస్థితి మెరుగుపడిందని, కాబట్టి ఇప్పుడు వాహనాల వేగాన్ని పెంచడం మరియు ప్రయాణ సమయాన్ని తగ్గించడంపై దృష్టి పెట్టడం అవసరం అన్నారు.

దేశంలోని ప్రజా రవాణా మరియు లాజిస్టిక్‌లను 100% స్వచ్ఛమైన ఇంధన వనరులకు మార్చాలని నితిన్ గడ్కరీ యోచిస్తున్నారు. గత దశాబ్దంలో గ్రీన్ ఎనర్జీని మెరుగుపరచడంలో భారత్ గణనీయమైన పురోగతి సాధించిందని ఆయన అన్నారు. 2022 నాటికి భారతదేశం పునరుత్పాదక ఇంధన వనరుల నుండి 175 జిగావాట్ల శక్తిని ఉత్పత్తి చేస్తుందని ఆయన అన్నారు.

దేశంలో ప్రత్యామ్నాయ రవాణా వనరులు వృద్ధి చెందుతున్నాయని, ఉత్తరాఖండ్, హిమాచల్ ప్రదేశ్ వంటి రాష్ట్రాల్లో రోప్‌వే, కేబుల్ కార్లు ఎక్కువ ప్రాచుర్యం పొందుతున్నాయని ఆయన అన్నారు. ఈ వనరులు జలవిద్యుత్ ప్రాజెక్ట్ ద్వారా ఉత్పత్తి చేయబడిన విద్యుత్తు ద్వారా నడపబడతాయి.

పునరుత్పాదక ఇంధన వనరులు పెద్ద సంఖ్యలో ఉద్యోగాలను సృష్టించబోతున్నాయని ఆయన అన్నారు. ఇది ఎంతోమందికి ఉపాధి అవకాశాలను కూడా కల్పించనుంది. పునరుత్పాదక ఇంధన ప్రాజెక్టులు 2050 నాటికి సుమారు 3 మిలియన్ల మందికి ఉపాధి కల్పిస్తాయని చెబుతున్నారు. లాజిస్టిక్స్ లో ఎల్‌ఎన్‌జి, హైడ్రోజన్‌ను ఇంధనంగా ఉపయోగించడంపై దృష్టి పెడుతున్నామని నితిన్ గడ్కరీ తెలిపారు.