ఎల్లిప్టిగో 3సితో జాగింగ్, సైక్లింగ్ రెండూ ఒకేసారి..!

Published: Tuesday, June 26, 2012, 15:57 [IST]

వ్యాయామం కోసం జాగింగ్ చేయాలో లేక సైక్లింగ్ చేయాలో తేల్చుకోలేకపోతున్నారా..? పోనీ రెండూ ఒకేసారి చేయాలనుకుంటున్నారా..? ఏంటీ రెండూ ఒకేసారి, అదెలా సాధ్యం అనుకుంటున్నారా.. ఇలా ఆలోచించే వారికోసమే వ్యాయామ పరికరాలు రూపొందించే ఓ అంతర్జాతీయ సంస్థ ఎల్లిప్టిగో ఓ వినూత్న పరికరాన్ని (సైకిల్/జాగర్) రూపొందించింది. "ఎల్లిప్టిగో 3సి" (ElliptiGO 3C) అనే ఈ పరికరం పెడల్‌ను విశిష్టంగా రూపొందించారు. ఈ పెడల్‌ను తొక్కుతుంటే సాధారణంగా మనం రోడ్డుపై నడుస్తున్న అనుభూతి కలిగిస్తుంది. అదే కాస్తంగా వేగంగా పరిగెత్తి (నడిస్తే)తే సైక్లింగ్ చేస్తున్న అనుభూతి కలుగుతుంది.

మరి ఈ టూ ఇన్ వన్ బైక్ చవకగా దొరుకుతుందనకుంటే పొరపాటే. అమెరికా మార్కెట్లో దీని ధర 1,799 డాలర్లు, అంటే మన కరెన్సీలో దాదాపు 80,000 రూపాయలన్నమాట. కాస్తంత వెరటీ, మరింత థ్రిల్ కావాలనుకుంటే ఆ మాత్రం ఖర్చు పెట్టక తప్పదు మరి. ఇందులో మరో విశిష్టమైన ఫీచర్ ఏంటంటే.. మనుషుల ఎత్తుకు తగినట్లు దీనిని అమర్చుకోవచ్చు. 5 అడుగుల నుంచి 6.8" వరకూ ఈ పరికరాన్ని అడ్జస్ట్ చేసుకోవచ్చు. దీనికి మూడు గేర్లు ఉంటాయ. మూడో గేర్‌లో ఇది గంటకు దాదాపు 40 కిలోమీటర్ల వేగంతో ప్రయాణిస్తుంది. ఇది మూడు రంగు(ఆరెంజ్, గ్రీన్, బ్లాక్)ల్లో లభిస్తుంది. ఈ బైక్‌ను కంపెనీ వెబ్‌సైట్ ద్వారా ఆర్డర్ చేసుకోవచ్చు.

Article Published On: Thursday, May 5, 2011, 17:36 [IST]

English summary

Exercise equipments maker ElliptiGO devloped a a machine that can helps you for jogging and cycling both at the same time. This latest model, the ElliptiGO 3C lets you exercise on the elliptical paddler priced at $1799. For more details please visit the company's official website.

More from DriveSpark