వాహదారులు అక్కడ 2 కి.మీ కంటే ఎక్కువ దూరం ప్రయాణిస్తే ఏమవుతుందో తెలుసా ?

ముంబై పోలీసులు ఆదివారం కరోనా నివారణలో భాగంగా కొన్ని కొత్త మార్గదర్శకాలను జారీ చేశారు. ఈ మార్గదర్శకాలలో భాగంగా సరైన కారణం లేకుండా డ్రైవర్ ఇంటి నుంచి బయటికి వచ్చినట్లైతే ఆ వాహనదారుని యొక్క వాహనం జప్తు చేయబడుతుంది.

మహారాష్ట్రలో కరోనా వైరస్ సంక్రమణ కేసులు రోజురోజుకు పెరుగుతున్నాయి. ముంబై నగరంలో మాత్రమే కాకుండా, ఇతర బహిరంగ ప్రదేశాలలో ప్రజల సంఖ్య మరింత ఎక్కువగా పెరుగుతున్న నేపథ్యంలో ఈ మార్గదర్శకాలు జారీ చేయబడ్డాయి.

ప్రజలు షాపింగ్ లేదా ఇతర కార్యకలాపాలకు వెళితే, వారు తమ ఇంటికి 2 కిలోమీటర్ల దూరంలోనే అలాంటి పని చేయాల్సి ఉంటుందని పోలీసులు చెబుతున్నారు. ఎవరైనా ఈ సూచనలను ఉల్లంఘిస్తే, అతనిపై కఠిన చర్యలు తీసుకుంటారు.

ముంబై పోలీసులు ఇవి మాత్రమే కాకుండా మరిన్ని సూచనలు జారీ చేశారు. అవసరమైన పని మినహా అన్ని బహిరంగ కార్యకలాపాలను పూర్తిగా మూసివేయాలని ఆయన అన్నారు. ఇంటి నుండి బయలుదేరే ముందు ఫేస్ మాస్క్ ధరించడం తప్పనిసరి.

మార్కెట్లు మరియు సెలూన్‌లకు కూడా ఇది వర్తిస్తుంది. వాహనదారులు తమ ఇంటి నుండి 2 కిలోమీటర్ల దూరంలో ఉన్న మార్కెట్లు మరియు సెలూన్‌లను మాత్రమే సందర్శించాలని సూచించారు. ఈ పరిధిని మించి కొనుగోలు చేయడం నిషేధించబడింది.

ఆఫీసులు మరియు వైద్య అత్యవసర సేవల కొరకు ప్రయాణించే వారికి మాత్రమే 2 కి.మీ కంటే ఎక్కువ ప్రయాణించడానికి అనుమతి ఉంటుందని పోలీసులు స్పష్టం చేశారు. వీటితో పాటు సామజిక దూరాన్ని పాటించాలని పోలీసులు కఠినమైన సూచనలు చేసారు.