వేలానికి సిద్దమైన ప్రిన్సెస్ డయానా కారు; పూర్తి వివరాలు

ప్రిన్సెస్ డయానా 1961 లో జన్మించింది. 1981లో ఇంగ్లాండ్ రాణి ఎలిజబెత్ చిన్న కుమారుడు ప్రిన్స్ చార్లెస్ ని వివాహం చేసుకుంది. ఆ తరువాత డయానా ఇంగ్లాండ్ ఒక ప్రఖ్యాత వ్యక్తిగా మారింది.

ఇదిలా ఉండగా ప్రిన్సెస్ డయానాకు చెందిన 1981 ఫోర్డ్ ఎస్కార్ట్ ఘియా సెలూన్ కారు ఇప్పుడు వేలానికి సిద్ధంగా ఉంది. ఇది జూన్ 29 న ఎసెక్స్‌లోని రీమాన్ డాన్సీ యొక్క రాయల్టీ, పురాతన వస్తువులు మరియు ఫైన్ ఆర్ట్ సేల్ సందర్భంగా విక్రయించబడుతుంది.

1981 మే నెలలో వారి రాయల్ వెడ్డింగ్‌కు రెండు నెలల ముందు ఈ కారును ప్రిన్స్ చార్లెస్ ఆమెకు గిఫ్ట్ గా ఇచ్చారు. ఈ ఐదు-డోర్ల హ్యాచ్‌బ్యాక్ ను డయానా 1982 ఆగస్టు వరకు ఉపయోగించింది.

ఈ కారు 20 సంవత్సరాలకు పైగా కనపడనప్పటికీ, ఇది ఇప్పటికి రాయల్ గ్యారేజ్ లో మంచి స్థితిలోనే ఉంది. ఈ కారు యొక్క అసలు రిజిస్ట్రేషన్ నెంబర్ WEV 297W ప్లేట్ ఇప్పటికి అలాగే ఉంది. రీమాన్ డాన్సీ ప్రకారం, ఈ ఘియా సెలూన్ కారు అసలు రంగులో మరియు అప్హోల్స్టరీతో మంచి కండిషన్ లో ఉంది.

కారులోని మీటర్ ప్రకారం, ఈ కారు 83,000 మైళ్ళు ప్రయాణించింది, అంటే ఇది దాదాపుగా 1,33,575 కిలోమీటర్లు ప్రయాణించింది. అప్పట్ల డయానా కారు డ్రైవ్ చేస్తున్న ఫోటోలు ఇప్పటికి అందుబాటులో ఉన్నాయి. వీటిలో ఒకటి ప్రిన్స్ పోలో ఆడుతున్నప్పుడు ఆమె దానిలో కూర్చున్నట్లు చూడవచ్చు.

ఈ కారులో బోనెట్‌లో సిల్వర్ ఫ్రాగ్ మస్కట్ కూడా ఉంది. ఇది డయానా సోదరి లేడీ సారా స్పెన్సర్ ఇచ్చిన గిఫ్ట్ కాపీ. ఈ కారులో ఏర్పాటు చేసిన రేడియో సిస్టం చెక్కుచెదరకుండా ఉంది. ఇప్పటికి కూడా ఈ కారు చూడటానికి చాలా ఆకర్షణీయంగా ఉంది.

ఘియా సలోన్ కారులో అమర్చిన 1.6-లీటర్ పెట్రోల్ ఇంజన్ 6,000 ఆర్‌పిఎమ్ వద్ద 78 బిహెచ్‌పి పవర్, 3,000 ఆర్‌పిఎమ్ వద్ద 125 ఎన్ఎమ్ టార్క్ ఉత్పత్తి చేస్తుంది. ఇంజిన్ 4 స్పీడ్ మాన్యువల్ గేర్‌బాక్స్‌తో జతచేయబడి ఉంటుంది.

అత్యంత ప్రాచుర్యం పొందిన వ్యక్తులలో ఒకరైన ప్రిన్సెస్ డయానాకు కార్లంటే చాలా ఇష్టం. కావున ఆమె ఇప్పటికే చాలా కార్లను కలిగి ఉంది. డయానా యొక్క ఆడి కన్వర్టిబుల్‌ కారు గత ఏడాది $ 58,000 కు విక్రయించబడింది. ఇప్పుడు వేలానికి సిద్దమైన ఈ కారు ఎంత ధరకు వేలం పాటలో విక్రయించబడుతుందో వేచి చూడాలి.

Image Courtesy: Lewis Rabett/Instagram