ప్రైవేట్ బస్సుకు రూ. 5 లక్షలకుపైగా జరిమానా విధించిన గవర్నమెంట్.. కారణం ఏంటో తెలుసా ?

ఈ సంఘటన ఒడిశాలోని భువనేశ్వర్‌లో జరిగింది. బస్సు ట్రాఫిక్ రూల్స్ పాటించకపోవడం, పన్నులు చెల్లించకపోవడం మరియు ఫిట్‌నెస్ సర్టిఫికేట్ పొందడంలో విఫలమైనందుకు జరిమానాలు విధించడం జరిగింది.

దీనికి ఒడిశాకు చెందిన ఆర్టీఓ అధికారులు రూ. 5.82 లక్షలు జరిమానా విధించారు. అంతేకాకుండా బస్సును తాత్కాలికంగా నిలిపివేశారు. దీంతో బస్సు యజమానులు ఇబ్బందుల్లో పడ్డారు.

భువనేశ్వర్ ఆర్టీఓ 2 అధికారుల ఆపరేషన్ సమయంలో, సరైన డాక్యుమెంటేషన్ లేకుండా బస్సు ప్రయాణిస్తున్నట్లు గుర్తించారు. పన్నులు చెల్లించనందుకు అతనికి రూ. 5,66,981, ఫిట్‌నెస్ సర్టిఫికేట్ లేనిందుకు రూ. 15 వేలు జరిమానా విధించారు. భువనేశ్వర్ ఆర్టీఓ 2 అధికారులు తమ అధికారిక ట్విట్టర్ ఖాతాలో ఈ విషయాన్ని నివేదించారు. భారీ జరిమానా చెల్లించాల్సిన ఈ బస్సు కొరాపుట్ మరియు భువనేశ్వర్ మధ్య నడుస్తుంది.

ఆర్టీఓ అధికారులు బస్సును స్వాధీనం చేసుకోవడంతో ఈ ప్రాంతంలోని ప్రయాణికులు ఇబ్బంది పడటం ఖాయం. కరోనా వైరస్ కారణంగా నిలిచిపోయిన ప్రజా రవాణా రంగం ఇప్పుడిప్పుడే నెమ్మదిగా కోలుకుంటుంది. ఇంతలో ప్రైవేట్ బస్సులకు భారీగా జరిమానా విధించారు. రాబోయే రోజుల్లో ఏ వాహన యజమాని ట్రాఫిక్ నిబంధనలను ఉల్లగించడానికి వీలు ఉండకుండా ఈ చర్య తీసుకోవడం జరిగింది.

వాహన యజమానులు మరియు ప్రయాణీకుల సౌలభ్యం కోసం కేంద్ర ప్రభుత్వం ఆన్‌లైన్ పోర్టల్‌ను తెరిచింది. ఈ పోర్టల్ డ్రైవర్ల లైసెన్స్‌లతో సహా అన్ని రకాల వాహన సంబంధిత పత్రాలను డిజిటల్‌గా నిల్వ చేస్తుంది.

ఈ కారణంగా, వాహనదారులు పోలీసుల తనిఖీ సమయంలో వాహనం యొక్క అసలు రికార్డులను పోలీసులకు చూపించాల్సిన అవసరం లేదు. పోలీసులు వాహన సంబంధిత రికార్డులను ఆన్‌లైన్‌లో తనిఖీ చేయవచ్చు. ఈ కొత్త విధానాలు మరియు పద్దతుల వల్ల రాబోయే రోజుల్లో ట్రాఫిక్ ఉల్లంఘనలు తగ్గే అవకాశాలు ఉన్నాయి.