'రచ్చ' సినిమాలో బైక్‌లతో రచ్చ చేయనున్న రామ్ చరణ్

అంతేకాకుండా... అందరకిన్నా ఎత్తులో (ఎబౌ ఆల్) అనే క్యాప్షన్‌తో దేశపు అగ్రగామి ద్విచక్ర వాహన కంపెనీ హీరో మోటోకార్ప్ అందిస్తున్న 'కరిజ్మా జెడ్ఎమ్ఆర్' స్పోర్ట్స్ బైక్‌పై కూడా రామ్ చరణ్ కనిపించనున్నాడు. ఈ చిత్రంలో బహుశా ఓ యాక్షన్ సన్నివేశంలో రామ్ చరణ్ తేజ కెటిఎమ్ డ్యూక్ 350సీసీ ఆఫ్-రోడర్ మోటార్‌సైకిల్ ఉపయోగించినట్లు తెలుస్తోంది.

కెటిఎమ్ డ్యూక్ 350సీసీ బైక్ అత్యంత శక్తివంతమైన రేస్ బైక్. ఆఫ్-రోడ్ రేస్‌లు, అడ్వెంచరస్ రైడ్‌ల కోసం ఈ బైక్‌ను ఉపయోగిస్తారు. మరి ఈ బైక్‌తో రచ్చ సినిమాలో రామ్ చరణ్ ఎలాంటి అడ్వెంచర్‌లు చేశాడో తెలియాలంటే మాత్రం తెరపై వీక్షించాల్సిందే. మొత్తం రచ్చ సినిమాలో మోటార్‌సైకిల్ విన్యాసాలతో రామ్ చరణ్ రచ్చ రచ్చ చేయనున్నాడని మాత్రం తెలుస్తోంది.

ప్రస్తుతం కెటిఎమ్ నుండి ఇండియాలో లభిస్తున్న బైక్ డ్యూక్ 200 మాత్రమే. కెటిఎమ్ ఇండియా మరిన్ని మోడళ్లను దేశీయ మార్కెట్లో విడుదల చేయాలని యోచిస్తోంది. వాటిల్లో కెటిఎమ్ డ్యూక్ 350సీసీ కూడా ఉండే అవకాశం ఉంది. ఇక కెటిఎమ్ డ్యూక్ 200 విషయానికి వస్తే దీని ఎక్స్-షోరూమ్ ధర రూ.1.17 లక్షలుగా ఉండగా, హీరో మోటోకార్ప్ అందిస్తున్న కరిజ్మా జెడ్ఎమ్ఆర్ ధర రూ.95,500 గా ఉంది.