Just In
- 2 hrs ago 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- 3 hrs ago ఇలా చేయడం కరెక్టేనా? తప్పో.. ఒప్పో మీరే చెప్పాలి - వీడియో
- 4 hrs ago నితిన్ గడ్కరీ కీలక ప్రకటన.. వాహనదారులు తప్పక తెలుసుకోవాల్సిందే!
- 5 hrs ago సమ్మర్లో కార్లలో వీటిని అస్సలు ఉంచొద్దు.. లేదంటే ప్రమాదాన్ని కొని తెచ్చుకున్నట్లే.!!
Don't Miss
- News బీఆర్ఎస్కు భారీ షాక్: ఎంపీ కే కేశవరావు, మేయర్ విజయలక్ష్మి కాంగ్రెస్లోకి
- Sports RR vs DC: రియాన్ పరాగ్ విధ్వంసం.. 6 బంతుల్లో 5 బౌండరీలు!
- Movies కరీనా కపూర్ పోలిటికల్ ఎంట్రీ!.. ఏ పార్టీలో చేరి.. ఎక్కడ నుంచి పోటీ అంటే?
- Lifestyle ఎన్నికల ముందు ప్రచారంలో గాల్లో మేడలు కడుతున్న నాయకులు..
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
కారు నుంచి వచ్చే పొగ రంగును బట్టి సమస్య ఏంటో చెప్పేయొచ్చు.. మీకు తెలుసా..!!
సాధారణంగా పెట్రోల్ మరియు డీజిల్ వాహనాల నుంచి పొగ వెలువడుతుంది. ఈ పొగ ఎందుకు విడుదలవుతుంది అనే విషయం అందరికి తెలుసు. వాహనంలోని ఇంధన వినియోగం వల్ల పొగ అనేది విడుదలవుతుంది. అయితే కేవలం ఎలక్ట్రిక్ వాహనంలో మాత్రమే పొగ వెలువడదు. కానీ ఇంధనం ఉపయోగించే వాహనాల్లో వెలువడే పొగను బట్టి ఆ వాహనం యొక్క స్థితిని కూడా మనం చెప్పవచ్చు.
వాహనంలో ఎక్కువ పొగ వెలువడినప్పుడు లేదా సాధారణ రంగులో కాకుండా వేరే రంగులో పొగ వెలువడినప్పుడు ఆ వాహనం సమస్యకు గురైనట్లు నిర్దారించవచ్చు. అయితే వాహనం యొక్క ఎగ్జాస్ట్ పైప్ నుంచి పొగ నలుపు రంగులో, తెలుపు రంగులో మరియు నీలం రంగులో విడుదలవుతుంది.
కారు నుంచి వెలువడే పొగనుబట్టి కారులో ఏర్పడిన సమస్యను సులభంగా తెలుసుకోవచ్చు. అయితే వీటిని ఎలా గుర్తించాలి.. ఏ రంగులో పోయే వస్తే ఎలాంటి సమస్య ఉంటుంది అనే మరిన్ని విషయాలను ఈ ఆర్టికల్ లో తెలుసుకుందాం.
డీజిల్ ఇంజిన్ కారు యొక్క ఎగ్సాస్ట్ పైప్ నుండి నల్లని పొగ వెలువడితే?
డీజిల్ ఇంజిన్ కలిగిన కారు యొక్క ఎగ్సాస్ట్ పైప్ నుండి నల్ల పొగ వస్తే సాధారణంగా ఆందోళన చెందాల్సిన అవసరం లేదు. సమస్య ఏమైనప్పటికీ, దాన్ని సులభంగా పరిష్కరించవచ్చు. డీజిల్ ఇంజన్లు ఉన్న కార్లు నల్ల పొగను ఉత్పత్తి చేయడం సర్వసాధారణం. గత కొన్ని సంవత్సరాలుగా, డీజిల్ కార్ల ఎగ్జాస్ట్ సిస్టమ్ నుండి నల్ల పొగ వెలువడుతోంది.
కానీ ఇటీవల విడుదల చేసిన డీజిల్ కార్లలో, డీజిల్ పార్టిక్యులేట్ ఫిల్టర్ (DPF) ప్రామాణికంగా అందించబడింది. ఈ డీజిల్ పార్టిక్యులేట్ ఫిల్టర్ కారు నుండి వెలువడే పొగ కణాలను సంగ్రహిస్తుంది. దీని ఫలితంగా ఎగ్సాస్ట్ పైప్ ద్వారా స్వచ్ఛమైన పొగ వస్తుంది. కాబట్టి డీజిల్ ఇంజిన్లతో ఉన్న కార్ల నుండి సాధారణ పొగ వచ్చినట్లయితే, కారు యజమానులు ఆందోళన చెందాల్సిన అవసరం లేదు.
అయితే డీజిల్ ఇంజిన్ కారు నుండి నిరంతరం నల్లటి పొగను విడుదలవుతుంటే మాత్రం, వాహనంలో సమస్యలు ఉండే అవకాశం ఉంది. కారులోని ఫ్యూయెల్ ఇంజెక్టర్ దెబ్బతిన్నట్లయితే ఈ రకమైన పొగ వెలువడుతుంది. వాహనం యొక్క మితిమీరిన వినియోగం కారణంగా, ఫ్యూయల్ ఇంజెక్టర్ చెడిపోతుంది, అంతే కాకుండా డీజిల్ పార్టిక్యులేట్ ఫిల్టర్ లతో సమస్యలు ఉంటే ఈ రకమైన పొగ వెలువడుతుంది.
డీజిల్ ఇంజిన్ అమర్చిన కార్ల నుండి నిరంతరం నల్ల పొగ వెలువడుతుంటే, కారును తప్పకుండా సర్వీస్ సెంటర్ కి తీసుకెల్లాల్సి ఉంటుంది. అయితే వాహన వినియోగదారులు ఈ సమస్యను గుర్తించకుండా అలాగే వాహనాన్ని వినియోగిస్తుంటే ఈ సమస్య మరింత ఎక్కువయ్యే అవకాశం ఉంటుంది. కావున వాహన వినియోగాదారులు ఎప్పటికప్పుడు దీనిని గమనిస్తూ ఉండాలి.
పెట్రోల్ ఇంజిన్ కారు యొక్క ఎగ్సాస్ట్ పైప్ నుండి నల్ల పొగ వచ్చినట్లయితే?
డీజిల్ ఇంజిన్ కలిగిన కార్ల మాదిరిగానే, పెట్రోల్ ఇంజిన్ కలిగిన కార్లలో కూడా కొన్ని సందర్భాల్లో నల్లని పొగను ఆశించవచ్చు. అందులోనూ ముఖ్యంగా టర్బోచార్జ్డ్ పెట్రోల్ ఇంజిన్ కలిగిన కారును నడిపేటప్పుడు, నల్ల పొగ ఎక్కువగా వెలువడుతుంది. అయితే నిరంతరం నల్ల పొగ వెలువడుతున్న సమయంలో మాత్రమే టర్బోచార్జర్లో ఏదో సమస్య ఉందని భావించాలి. అలాంటప్పుడు తప్పకుండా సర్వీస్ సెంటర్ కి తీసుకెళ్లాలి.
ఎగ్సాస్ట్ పైప్ నుండి బ్లూ కలర్ పొగ వెలువడితే?
డీజిల్ మరియు పెట్రోల్ కార్లు రెండూ కూడా నీలిరంగు పొగను విడుదల చేసే అవకాశం ఉంది. కారు ఎగ్సాస్ట్ పైప్ నుండి నీలిరంగు పొగ వెలువడుతుంటే లేదా ఆయిల్ కాలిపోతున్నట్లు అనిపిస్తే, వెంటనే కారును సర్వీస్ సెంటర్కు తీసుకెళ్లండి. కారు ఇంజిన్ ఆయిల్ సిస్టమ్లో సమస్యలు ఉంటే, పొగలు నీలం రంగులోకి వస్తాయి.
కొన్నిసార్లు ఇది ఆకస్మిక క్షీణత కారణంగా ఉంటుంది. దీనివల్ల కారు ఎక్కడికి వెళ్లినా ఇంజిన్ ఆయిల్ లీక్ అవుతుంది. సమస్య వెంటనే సరిదిద్దబడకపోతే, సమస్య మరింత ఎక్కువవుతుంది. దీనిని వాహన వినియోగదారులు గుర్తించాలి. అప్పుడే సమస్య పరిష్కరించబడుతుంది. లేకంటే కారు పనికిరాకుండా పోతుంది.
ఎగ్సాస్ట్ పైప్ నుండి తెల్లని పొగ వెలువడితే?
కారు ఎగ్జాస్ట్ పైప్ నుండి వచ్చే దట్టమైన తెల్లని పొగ కొంత ప్రమాదకరం, కావున దీనిపై చాలా జాగ్రత్తలు తీసుకోవాలి. పెద్ద మొత్తంలో తెల్లని పొగ నిరంతరం వెలువడుతుంటే, సమస్య ఉందని నిర్దారించాలి. తెల్లని పొగ బయటకు వస్తే, అది ఇంజిన్ ఆయిల్ సమస్య కావచ్చు. కొన్నిసార్లు తెల్లని పొగకు కొద్దిగా నీలం రంగు కూడా ఉండే అవకాశం ఉంటుంది.
కారు ఎగ్సాస్ట్ పైప్ నుండి దట్టమైన తెల్లని పొగ రావడం గమనించిన వెంటనే సమస్యను పరిష్కరించండి. లేదంటే సమస్యలు తీవ్రమవుతాయి. అటువంటి సమస్యలను నివారించడానికి, క్రమం తప్పకుండా కార్లకు సర్వీసింగ్ చేయడం వంటివి చేయాలి. ఇంజిన్ ఆయిల్ మరియు ఇతర పరికరాలు సరిగ్గా ఉన్నాయో లేదో తనిఖీ చేయాలి. అప్పుడే సమస్యలను తొందరగా పరిష్కరించబడుతుంది.