Click it and Unblock the Notifications
డొక్కు సిటీ బస్సును కదిలే బార్ బస్గా మార్చిన రష్యన్స్!
సిటీ బస్సులకు కూడా ఎక్స్పైరీ డేట్ ఉంటుంది, అది ముగియగానే వాటిని పాత ఇనుప సామాన్ల వాడికి అమ్మేయాల్సిందే. కానీ, రష్యాలో మాత్రం అలా చేయకుండా, పాత సిటీ బస్సును ఓ నైట్ క్లబ్గా మార్చారు. ఇదిగో ఈ ఫొటోలో తళుక్కుమని మెరుస్తున్న కారు, నిజానికి ఓ పాత డొక్కు సిటీ బస్సు. దానిని ఇలా కదిలే పబ్గా తీర్చిదిద్దారు.
ఈ బస్సు పేరు 'బార్ బస్ మ్యాక్సీ'. పేరుకు తగినట్లుగా ఈ బస్సులో బార్, పబ్, టాయ్లెట్, రెస్టారెంట్ వంటి అన్ని సౌకర్యాలున్నాయి. వాస్తవానికి ఇదొక ఇకారస్ 280.33 ఎయిర్-కండిషన్డ్ సిటీ బస్సు. దీనిని 2007లో సెయింట్ పీటర్స్బర్గ్ పబ్లిక్ ట్రాన్స్పోర్ట్ విభాగం నుంచి తొలగించి వేశారు. ఆ తర్వాత కొందరు ఔత్సాహిక రష్యన్స్ దీనిని ఇదిగో ఇలా మార్చారు.
రోలింగ్ బార్, స్ట్రిప్ క్లబ్, పార్టీ వెన్యూ ఇలా అనేక రకాలుగా ఈ బస్సును ఉపయోగించుకుంటున్నారు. చిన్న పిల్లల బర్త్డే పార్టీల నుంచి పెద్దవాళ్ల పెళ్లిళ్ల వరకూ ఈ బస్సును ఆర్డర్ చేసి పిలిపించుకుంటున్నారు. ఈ బస్సు కోసం రష్యాలో ఓ ప్రత్యేక వెబ్సైట్ను కూడా ప్రారంభించారు. ఇదే సైట్ ద్వారా బస్సును పార్టీ కోసం బుక్ చేసుకోవచ్చు కూడాను.
ఈ బార్ బస్ మ్యాక్సీ అద్దె గంటకు 140 డాలర్లు. అయితే, కస్టమర్లు ఇందులో ప్రత్యేకమైన డెకరేషన్, డిజే, బార్టెండర్స్, స్ట్రిప్పర్స్ వంటి సదుపాయాలను కోరుకున్నట్లయితే, ఈ అద్దె రేటు మరింత పెరిగే అవకాశం ఉంటుంది. ప్రస్తుతం రష్యాలో ఈ బార్ బస్ బాగా ఫేమస్ అయిపోయింది. ఇప్పటికే ఇది అక్కడి స్థానిక టెలివిజన్ ఛానెళ్లు, సినిమా షూటింగ్స్లో కూడా కనిపించింది.
Continue with Google