కార్ రివర్స్ ర్యాంప్ జంప్‌లో గిన్నిస్ వరల్డ్ రికార్డ్!

రాబ్ డైర్డెక్ ఈ తరహా కార్ స్టంట్ చేయటం ఇదే మొట్టమొదటిసారి. ఇతను కారును రివర్సులో నడుపుతూ ర్యాంప్ చేసిన దూరం 89 అడుగులు 3¼ ఇంచ్‌లు. ఇప్పుడు ఈ రికార్డ్ అధికారికంగా గిన్నిస్ బుక్ ఆఫ్ వరల్డ్ రికార్డ్స్‌లో నమోదయ్యింది.

ఈ రికార్డ్ కోసం రాబ్ డైర్డెక్ ఉపయోగించిన కారు షెవర్లే సోనిక్ హ్యాచ్‌బ్యాక్. వాస్తవానికి ఇదొక నార్మల్ కారు, దీనిని రేస్ వెర్షన్‍‌గా మోడిఫై చేశారు. రోల్ కేజ్, సేఫ్టీ హార్నెస్, స్పోర్ట్స్ సీట్స్, వెయిట్ రిడక్షన్, బీఫియర్ సస్పెన్షన్ వంటి మార్పులను ఈ కారులో చేశారు.

రాబ్ డైర్డెక్‌కు ఇలాంటి అరుదైన కార్ ఫీట్లు చేయటమంటే మహా సరదా. గతంలో 2011లో కూడా ఇతను ర్యాంప్‌పై 360 డిగ్రీ కిక్ ఫ్లిప్ చేసి ఔరా అనిపించుకున్నాడు. ఈ స్టంట్ కోసం కూడా రాబ్ తన షెవర్లే సోనిక్ కారునే ఉపయోగించాడు.

తొలిసారిగా కారు కొనుగోలు చేసే వారికి షెవర్లే సోనిక్ గొప్పగా ఉంటుందని, తనకు షెవర్లే కార్లంటే ఇష్టమని, అందుకే తాను తన షెవర్లే సోనిక్‌తో గిన్నిస్ వరల్డ్ రికార్డు సృష్టించాలనుకున్నాని, ప్రస్తుతం ఆ కల నెరవేరిందని రాబ్ డైర్డెక్ చెప్పుకొచ్చాడు.

మరి రాబ్ డైర్డెక్ చేసిన ఆ కార్ రివర్స్ ర్యాంప్ జంప్‌ను మనం కూడా ఈ వీడియోలో వీక్షిద్దాం రండి.