సీట్ బెల్ట్ ధరించలేదని టూ వీలర్ రైడర్‌కు ఫైన్ విధించిన గోవా పోలీసు

ప్రజలందరూ తప్పనిసరిగా ట్రాఫిక్ రూల్స్ పాటించే విధంగా చేయడం కోసం వివిధ రాష్ట్రాల ట్రాఫిక్ అధికారులు అనేక కొత్త చట్టాలు మరియు నియమాలను అమల్లోకి తెస్తున్నారు. వాహన చోదకుల భద్రత కోసం తీసుకుంటున్న ఈ నిర్ణయాలు మంచివే.

కానీ పోలీస్ అధికారులకు రూల్స్ పట్ల కనీసం అవగాహన లేనంత వరకు ప్రజల్లో పూర్తి పోలీస్ వ్యవస్థ పట్ల కలిగే చులకన భావం అలాగే ఉంటుంది. ట్రాఫిక్ మరియు పోలీస్ వ్యవస్థ మొత్తం అవాక్కయ్యే వింత సంఘటన ఒకటి గోవాలో చోటు చేసుకుంది.

సతీష్ ఎస్ నాయక్ అనే రైడర్ బుల్లెట్ బైకు మీద గోవాలో రైడ్ చేస్తున్నపుడు జూన్ 7 వ తేదీన హెల్మెంట్ లేకుండా రైడింగ్ చేస్తున్న కారణంతో పోలీసు ఆపారు. గోవాలో హెల్మెంట్ తప్పనిసరిగా ధరించి రైడ్ చేయాలనే చట్టం అమల్లో ఉంది.

హెల్మెంట్ ధరించి ప్రయాణించాలనే నియమాన్ని ఉల్లఘించినందుకు రూ. 100 జరిమానా విధించాడు. తదుపరి, చలానాలో నియమాన్ని ఉల్లఘించిన వ్యక్తి , ఉల్లంఘన వివరాలు మరియు ఉల్లంఘన చట్టం వంటి వివరాలు నింపి రైడర్‌కు అందించాడు.

అయితే శిరస్త్రాణం ధరించలేదని వ్రాయాల్సిన ప్రదేశంలో సీట్ బెల్ట్ ధరించలేదని తప్పుగా నమోదు చేశాడు. నిజానికి టూ వీలర్లకు సీట్ బెల్ట్ ఉండదు. చదవడానికి ఎంతో ఫన్నీగా అనిపించే ఈ చలనా సోషల్ మీడియలో వైరల్ అయిపోయింది.

పోలీస్ అధికారి వ్రాసిన చలానాను గమనిస్తే, మోటార్ వెహికల్ చట్టంలోని సెక్షన్ 177 క్రింద సీట్ బెల్ట్ ధరించలేదని కారణంతో జరిమానా విధించినట్లు ఉంది. నిజానికి హెల్మెట్ ధరించనందుకు ఈ ఈ 177 సెక్షన్ చట్టం వర్తిస్తుంది. సీట్ బెల్ట్ ధరించనందుకు మోటార్ వెహికల్‌లో ఉన్న చట్టం సెక్షన్ 129.

సెక్షన్ సరిగ్గానే నింపాడు, కానీ ఉల్లంఘనకు గల కారణం తప్పుగా వ్రాయడం జరిగింది. అధికారులకు చట్టాల మీద సరైన అవగాహన కూడా లేదు అని నెటిజన్లు తీవ్రంగా విమర్శిస్తున్నారు.