శభాష్ పోలీస్; లాక్‌డౌన్‌లో బయటకు వచ్చిన రాజకీయ నాయకుడికి కూడా రూ. 11,000 జరిమానా

కరోనా నిబంధనలను ఉల్లంఘించిన వారిపై పోలీసులు విరుచుకుపడుతున్నారు. లాక్‌డౌన్‌ ఉల్లంఘించి బయటకు వస్తున్న వాహనదారులపై చర్యలు తీసుకోవడమే కాకుండా వారి వాహనాలను స్వాధీనం చేసుకుంటున్నారు. ఈ లాక్‌డౌన్‌ ఉల్లంఘించిన ఎంతవరకైనా శిక్ష తప్పదు అని పోలీసులు రుజువు చేశారు.

నివేదికల ప్రకారం కరోనా లాక్‌డౌన్‌ ఉల్లంఘించిన ఒక రాజకీయ నాయకుడికి పోలీసులు ఏకంగా రూ. 11,000 జరిమానా విధించినట్లు తెలిసింది. ఈ సంఘటన ఉత్తర భారతదేశంలో జరిగింది. లాక్ డౌన్ లో బయటకు వచ్చిన ఆ రాజకీయ నాయకుడు పోలీసులకు తనను తాను రాజకీయ నాయకుడని పరిచయం చేసుకున్నాడు.

విధుల్లో ఉన్న పోలీసులు అతన్ని అడ్డగించినప్పుడు ఆ వ్యక్తి ఫేస్ మాస్క్ మరియు హెల్మెట్ వంటివి కూడా ధరించలేదు. ఇది మాత్రమే కాదు ఆ వ్యక్తి డ్రైవ్ చేస్తున్న వాహనానికి విరిగిన నంబర్ ప్లేట్ ఉంది. ఈ నెంబర్ ప్లేట్ లో కేవలం నాలుగు నెంబర్స్ మాత్రమే ఉన్నాయి. దీనిని మీరు వీడియోలో చూడవచ్చు.

కరోనా లాక్‌డౌన్‌ లో బయటకు రావడం, పేస్ మాస్క్ ధరించకపోవడం మరియు బైక్ పై వచ్చినప్పుడు హెల్మెట్ సైతం ఉపయోగించకపోవడం వంటి కారణాల వల్ల అతనికి మొత్తం రూ. 11,000 జరిమానా విధించారు.

పోలీసులకు పట్టుబడ్డ ఆ రాజకీయ నాయకుడు అతని బైక్ కూడా స్వాధీనం చేసుకున్నారు. ఈ కరోనా లాక్ డౌన్ సమయంలో ఇది ఒక సరదా లాగా రాజకీయ నాయకులు, వారి పిల్లలు ఇష్టమొచ్చినట్లు వ్యవహరిస్తున్నారు. ప్రస్తుతం ఈ రాజకీయ నాయకునికి జరిమానా విధించడం నియమాలను ఉల్లంఘించిన అందరికి ఒక గుణపాఠం అవుతుంది.

కరోనా మహమ్మారి సమయంలో ప్రజలను కాపాడడానికి మరియు కరోనా నివారించడానికి ఎంతోమంది తమ ప్రాణాలు సైతం లెక్క చేయకుండా యుద్ధం చేస్తుంటే, రాజకీయ నాయకుల ముసుగులో నియమాలను ఉల్లంఘిస్తున్న వారిని మరింత కఠినంగా శిక్షించాలి. బాధ్యతాయుతమైన పదవుల్లో ఉండి ఇలా చేయడం ఏ మాత్రం సమంజసం కాదు.

Image Courtesy: News Times 24