Click it and Unblock the Notifications
స్కూటర్ ఖరీదు రూ.45,000, నెంబర్ ప్లేట్ రూ.12 లక్షలు
వేలంపాటలో పది రూపాయల విలువ చేసే వస్తువును ఎవరైనా పది లక్షల రూపాయాలకు కొంటారా..? ఇలాంటివి సినిమాల్లోనే సాధ్యమవుతాయంటారా..? సినిమాల్లోనే కాదు నిజ జీవితంలోనూ ఇలాంటి అరుదైన సంఘటనలు జరుగుతుంటాయి. పంజాబ్లోని ఓ వ్యక్తి కేవలం రూ.45,000 విలువ చేసే అతని స్కూటర్ కోసం రూ.12 లక్షల ఖరీదైన ఫ్యాన్సీ రిజిస్ట్రేషన్ నెంబర్ను కొనుగోలు చేసి అందరినీ విస్మయానికి గురి చేశాడు.
పంజాబ్లోని ముక్స్తర్కు చెందిన రికీ బ్రార్ అనే యువ రైతు "PB 30 J 0003" అనే విఐపి నెంబర్ కోసం వేలంలో రూ.12 లక్షలు చెల్లించి కొనుగోలు చేశాడు. ప్రిస్టీజ్ కోసం రికీ తన చేతులు కాల్చుకున్నాడు. రికీ ప్రత్యర్థి తన మెర్సిడెస్ బెంజ్ కారుకు ఈ ఫ్యాన్సీ నెంబర్ కోసం వేలంలో పాల్గొన్నాడు. ఈ నెంబర్ కోసం అతను పది లక్షల వరకూ పలిగి ఆగిపోవటంతో రికీ తన రూ.45,000 ఎల్ఎమ్ఎల్ స్కూటర్ కోసం రూ.12 లక్షలు చెల్లించాల్సి వచ్చింది.
నెంబర్ 3, 7 లంటే తనకు చాలా క్రేజ్ అని, తన స్కార్పియో కార్ కోసం ఇప్పటికే 0007 నెంబర్ను సొంతం చేసుకున్నానని రికీ బ్రార్ చెప్పుకొచ్చాడు. వెర్రి వేయి విధాలంటారు. అందులో ఇది కూడా ఒకటేమో.
Continue with Google