బాలయ్య లెజెండ్ మూవీ కోసం రూ.20 లక్షల స్పెషల్ బైక్

టాలీవుడ్ సింహం నందమూరి బాలకృష్ణ హీరోగా బోయపాటి శీను దర్శకత్వంలో ‘లెజండ్' అనే చిత్రం తెరకెక్కుతున్న సంగతి తెలిసినదే. ఈ చిత్రంలో మన హీరో కోసం నిర్మాతలు ఓ లెజెండ్ లాంటి బైక్‌ను ప్రత్యేకంగా డిజైన్ చేయించారు. అమెరికన్ ఆటో దిగ్గజం హ్యార్లీ డేవిడ్‌సన్ కంపెనీకి చెందిన ఓ లగ్జరీ బైక్‌ను బాలయ్య కోసం స్పెషల్‌గా కస్టమైజ్ చేయించారు.

ఈ కస్టమైజ్డ్ హ్యార్లీ డేవిడ్‌సన్ బైక్ కోసం సుమారు రూ.20 లక్షలను ఖర్చు చేసినట్లు తెలుస్తోంది. ఇందులో ఫ్యూయెల్, ట్యాంక్, బాడీ పెయింట్‌, సీట్ హైట్ వంటి అంశాలను ప్రత్యేకంగా కస్టమైజ్ చేశారు. పసుపు రంగులో ఉండే ఈ హ్యార్లీ డేవిడ్‌సన్ బైక్ ఫ్యూయెల్ ట్యాంక్‌పై లెజెండ్ (LEGEND) అని నలుపు రంగులో ఆంగ్ల అక్షరాలతో రాసి ఉంటుంది. అలాగే ఇంజన్ భాగంలో కూడా 'ఎల్' (లెజెండ్ అని అర్థం) అనే అక్షరం కనిపిస్తుంది.
మరిన్ని సెలబ్రిటీ బైక్‌ల కోసం ఈ లింక్‌‌పై క్లిక్ చేయండి

వారాహి చలన చిత్రం సమర్పణలో 14 రీల్స్ ఎంటర్టెన్మెంట్స్ పతాకంపై తెరకెక్కుతున్న ఈ చిత్రానికి దేవిశ్రీ ప్రసాద్ సంగీతం అందిస్తున్నారు. బాలయ్య సరసన రాధికా ఆప్టే, సోనాల్ చౌహాన్ కథానాయికలుగా నటిస్తున్న ఈ చిత్రంలో జగపతి బాబు విలన్ పాత్రలో కనిపిస్తారు.