అత్యాధునిక ఫైటర్ జెట్ విమానాన్ని ఆవిష్కరించిన స్పీడిష్ రక్షణ విభాగం

By Anil

Updated: Tuesday, May 24, 2016, 18:20 [IST]

స్వీడిష్ రక్షణ మరియు డిఫెన్స్ సంస్థ "సాబ్" తమ తరువాత తరానికి చెందిన వివిధ రకాల అవసరాలకు వినియోగించుకునే (మల్టీ-రోల్) ఫైటర్ జెట్ ఎయిర్ క్రాఫ్ట్‌‌ను రూపొందించింది. దీని పేరును గ్రిపెన్ ఇ గా ప్రకటించారు. దీని గురించి మరిన్ని వివరాలు క్రింది కథనం ద్వారా తెలుసుకుందాం రండి.

అత్యాధునిక ఫైటర్ జెట్ విమానం గ్రిపెన్ ఇ ఆవిష్కరణ

స్మార్ట్ పైటర్ అని పిలువబడే గ్రిపెన్ ఇ ఫైటర్ జెట్ ఎయిర్ క్రాఫ్ట్‌ను స్పీడిష్ మరియు బ్రెజిల్ దేశాలు సంయుక్తంగా అభివృద్ది చేశాయి.

దీనిని లాక్‌హీడ్ మార్టిన్ వారి ఎఫ్-35 లైట్నింగ్ II ఫైటర్ జెట్‌కు ప్రత్యామ్యాయంగా అభివృద్ది చేసినట్లు తెలిపారు.

ఈ గ్రిపెన్ ఇ యుద్ద విమానం 15.2 మీటర్లు పొడవు మరియు 8.2 మీటర్లు పొడవైన రెక్కలను కలిగి ఉంటుంది.

పరిమాణం పరంగా ఈ యుద్ద విమానం పెద్దగా ఉండకపోయినా భారీ స్థాయిలో బరువులను మరియు యుద్ద సామాగ్రిని మోయగలదు. ఇది సుమారుగా 16,500 కిలోలను మోసుకెళ్లగలదు.

ఈ గ్రిపెన్ ఫైటర్ జెట్ ఎయిర్ క్రాఫ్ట్‌లో సాధారణ ఎఫ్414-జిఇ-39ఇ టర్బోఫ్యాన్ జెట్ ఇంజన్ కలదు.

ఇందులోని ఇంజన్ ద్వారా ఇది గరిష్టంగా మ్యాక్ 2 (గంటకు 2,450 కిమీలు)వేగాన్ని పుంజుకుంటుంది.

యుద్ధ క్షేత్రంలో ఈ గ్రిపెన్ ఇ ఫైటర్ జెట్ ఎయిర్ క్రాఫ్ట్‌లోని ఇంజన్‌ను కేవలం పది నిమిషాల కాల వ్యవధిలోనే మార్చవచ్చు.

గ్రిపెన్ ఇ ఎయిర్ క్రాఫ్ట్‌లో అధునాతనమైన మరియు ఇంటిగ్రేటెడ్ సెన్సార్లను అందించారు. ఇందులో యాక్టివ్ ఎలక్ట్రానికల్లీ స్కాన్‌డ్ అరే (AESA) రాడార్, ఇన్‌ఫ్రారెడ్ కిరణాలను పసిగట్టే మరియు ట్రాక్ చేసే (IRST), ఎలక్ట్రానిక్ వార్‌ఫేర్(EW) మరియు డాటా లింక్ వంటి సాంకేతికతలు ఇందులో కలవు.