సైనా నెహ్వాల్‌కు బిఎమ్‌డబ్ల్యూ కారుని అందజేసిన సచిన్

లండన్‌ ఒలింపిక్ క్రీడల్లో కాంస్య పతకాన్ని గెలుచుకుని భారత కీర్తి పతాకాన్ని ఎగుర వేసిన బ్యాడ్‌మింటన్ క్రీడాకారిణి సైనా నెహ్వాల్‌, క్రికెట్ క్రీడా దిగ్గజం సచిన్ టెండూల్కర్ చేతుల మీదుగా ఓ బ్రాండ్ న్యూ బిఎమ్‌డబ్ల్యూ కారుని సొంతం చేసుకుంది. ఆంధ్రాక్రికెట్ బ్యాడ్‌మింటన్ అసోసియేషన్ వైస్ ప్రెసిడెంట్ చాముండేశ్వరీనాథ్ నిర్వహించిన ఓ కార్యక్రమంలో సచిన్ టెండూల్కర్ సరికొత్త బిఎమ్‌డబ్ల్యూ 3 సిరీస్ కారు తాళం చెవులను సైనా నెహ్వాల్‌కు అందజేశారు.

చాముండేశ్వరీనాథ్ ఇచ్చిన మాట నిలబెట్టుకున్నారు. ఒలంపిక్స్‌లో భారత్ తరఫున పతకాన్ని సాధించినట్లయితే, సైనాకు ఓ కారును బహుకరిస్తానని ఆమె ఒలంపిక్స్‌కు వెళ్లకముందు ప్రకటించారు. ఆయన చెప్పినట్లుగానే సైనా నెహ్వాల్‌కు ఈ లగ్జరీ కారును ఆమె అభిమానించే సచిన్ చేతుల మీదుగా అందజేశారు. కాగా.. ఒలంపిక్స్‌లో ఇండియాకు కాంస్యం తెచ్చిపెట్టిన సైనాకు ఆంద్రప్రదేశ్ ప్రభుత్వం రూ. 50 లక్షల నగదు రివార్డును కూడా ప్రకటించిన సంగతి తెలిసిందే.

ఈ సందర్భంగా సచిన్ టెండూల్కర్ సైనా నెహ్వాల్ గురించి మాట్లాడుతూ.. సైనా సంతోషంగా ఉందని, అయితే సంతృప్తిగా మాత్రం లేదని తాను భావిస్తున్నానని అన్నారు. గోపీచంద్ మార్గదర్శకంలో సైనా మరిన్ని అత్యున్నత శిఖరాలకు చేరుకోగలదన్న విశ్వాసం తామందరికీ ఉందని, మరిన్ని మంచి రోజులు ముందున్నాయని ఆయన అన్నారు. ఒక క్రీడాకారుడిగా ఎల్లప్పుడూ తాను సాధించాల్సింది ఇంకా ఉందనే విశ్వాసాన్ని పెంపొందించుకోవాలని సచిన్ చెప్పారు.

ఇది వరకు చెప్పుకున్నట్లు గానే, జర్మన్ లగ్జరీ కార్ కంపెనీ బిఎమ్‌డబ్ల్యూ ఇండియా ఇటీవల సచిన్ టెండూల్కర్ చేతుల మీదుగా దేశీయ విపణిలో విడుదల చేసిన ఎంట్రీ-లెవల్ లగ్జరీ కారు బిఎమ్‌డబ్ల్యూ 3 సిరీస్‌నే సైనా నెహ్వాల్‌కు బహుమతిగా ఇవ్వటం జరిగింది. ఇది పెట్రోల్, డీజిల్ ఇంజన్ ఆప్షన్లతో లభ్యమవుతుంది. ఇది మొత్తం ఐదు వేరియంట్లలో (1 పెట్రోల్, 4 డీజిల్) లభిస్తుంది. ఈ కారు ధరలు రూ. 28.90 లక్షల నుంచి రూ. 37.90 లక్షల (ఎక్స్-షోరూమ్) రేంజ్‌లో ఉన్నాయి.

ఈ సెగ్మెంట్లోని ఆడి ఏ4 సెడాన్, మెర్సిడెస్ బెంజ్ సి-క్లాస్ మోడళ్లకు ఇది గట్టి పోటీగా నిలువనుంది. డీజిల్ వెర్షన్ 3 సిరీస్‌ (320డి)లో ఉపయోగించిన 4-సిలిండర్ ట్విన్ టర్బోఛార్జ్‌డ్ డీజిల్ ఇంజన్‌ను ఉపయోగించారు. ఇది గరిష్టంగా 184 బిహెచ్‌పిల శక్తిని, 380 ఎన్ఎమ్‌ల టార్క్‌ను ఉత్పత్తి చేస్తుంది. డీజిల్ వెర్షన్ బిఎమ్‌డబ్ల్యూ 3 సిరీస్ లీటర్ డీజిల్‌కు 18.88 కి.మీ. మైలేజీనిస్తుంది.

అలాగే, పెట్రోల్ వెర్షన్ బిఎమ్‌డబ్ల్యూ 3 సిరీస్ (328ఐ)లో ఉపయోగించిన ట్విన్ పవర్ 4-సిలిండర్ పెట్రోల్ ఇంజన్ గరిష్టంగా 245 బిహెచ్‌పిల శక్తిని, 350 ఎన్ఎమ్‌ల టార్క్‌ను ఉత్పత్తి చేస్తుంది. ఇది కేవలం 6.1 సెకండ్లలోనే 0-100 కి.మీ. వేగాన్ని అందుకుంటుంది. ఇది గరిష్టంగా గంటకు 250 కి.మీ. వేగంతో పరుగులు తీస్తుంది. పెట్రోల్ వెర్షన్ బిఎమ్‌డబ్ల్యూ 3 సిరీస్ పెట్రో‌ల్‌కు 14.79 కి.మీ. మైలేజీనిస్తుంది.

More from DriveSpark

View More

• 
  దేశంలో రతన్ టాటాకు ఉన్నంత ఆదరణ పొందిన కారు.. అత్యంత సేఫ్టీ, పైగా బడ్జెట్ ధర.. ఫుల్ డిమాండ్
• 
  560 కి.మీ రేంజ్.. 16 స్పీకర్ల సౌండ్.. ఇది కారు కాదు రోడ్ల మీద తిరిగే ప్రైవేట్ థియేటర్
• 
  ప్రతిరోజూ 635 డెలివరీలు.. రెండు కుటుంబాలను ఒక్కటి చేస్తుంది.. ఇండియాలో బెస్ట్ 7 సీటర్ ఇదే!
• 
  ఫుల్ ట్యాంక్‌తో 20 రోజుల పైనే తిరగొచ్చు.. ధర కేవలం రూ.83 వేలు.. ఇంత మంచి బైకుకు తగ్గిన ఆదరణ
• 
  పేదలు సైతం ఈ కారును కొనగలరు.. ఒకేసారి 6 మంది వెళ్లొచ్చు, 26 కి.మీ మైలేజ్! చాలా మంది కొంటున్నారు
• 
  RX 100ని గుర్తుకు తెస్తూ మార్కెట్లోకి యమహా కొత్త బైక్ లాంచ్.. పాత లెజెండ్ వైబ్ మళ్లీ వచ్చేసింది!
• 
  సెకండ్ హ్యాండ్‌లో అమ్మిన ఎగబడి కొంటారు.. బైక్ లాగా మైలేజ్, రూ.5.99 లక్షలు! సేల్స్‌ ఎన్నంటే
• 
  కారు కంటే ఎక్కువ వారంటీ.. ఎలక్ట్రిక్ స్కూటర్ల చరిత్రలోనే ఏకంగా ఈ బండ్ల పై 8 ఏళ్ల వారంటీ
• 
  అందరి ఇంటి పేరుగా మారిపోయిన కారు.. ఈ సారి చిన్న బ్రేక్.. కానీ కథ ఇంకా ముగియలేదు!