ఫార్ములా వన్ ద్వారా రా.వన్ సినిమా ప్రమోషన్!!

ఈ నేపథ్యంలో ఈనెల 28 నుండి మూడు రోజుల పాటు భారతదేశంలోనే మొట్టమొదటి సారిగా జరగనున్న 'ఎయిర్‌టెల్ ఇండియన్ గ్రాండ్ ప్రి 2011'లో పాల్గొనే ఫార్ములా వన్ రేస్ కార్లపై కూడా షారుఖ్ తన రా.వన్ చిత్రాన్ని ప్రమోట్ చేయనున్నారు. ఈ చిత్రాన్ని షారుఖ్ ఖాన్ సతీమణి గౌరీ ఖాన్ నిర్మిస్తోంది. స్వంత చిత్రం, కావడం అందులో భారీ బడ్జెట్ వెచ్చించి ఈ సినిమాను రూపొందించడంతో ప్రచారంపై షారుఖ్ అధిక మొత్తాన్నే వెచ్చిస్తున్నాడు.

ఈ మేరకు సహారా ఫోర్స్ ఇండియా ఫార్ములా వన్ జట్టుతో కింగ్ ఖాన్ ఓ ఒప్పందాన్ని కుదుర్చుకున్నాడు. ఈ టీమ్ తరఫున పాల్గొనే ఫార్ములా వన్ కార్లపై రా.వన్ చిత్రానికి సంబంధించిన స్టిల్స్‌ను, పోస్టర్లను ప్రమోట్ చేయనున్నారు. ఈ ఫార్ములా వన్ రేస్‌కు ప్రపంచం నలుమూలల నుండి ఎఫ్1 అభిమానులు విచ్చేయనున్నారు. దీంతో షారుఖ్ రా.వన్ చిత్రానికి కేవలం భారత్‌లో మాత్రమే కాకుండా ప్రపంచ దేశాల్లో కూడా పబ్లిసిటీ లభించినట్లు అవుతుంది. మరి కింగ్ ఖానా మజాకా..!!