శిల్పా శెట్టి గ్యారేజ్‌లో చేరిన మరో ఖరీదైన లగ్జరీ కార్, ఇదే

మెర్సిడెస్ బెంజ్ వి క్లాస్ ఎంపివిని ధర భారత మార్కెట్లో అక్షరాలా రూ. 71 లక్షల ధరతో ప్రారంభమవుతుంది. దీని టాప్ వేరియంట్ ధర రూ. 1.46 కోట్ల వరకు ఉంటుంది. వి క్లాస్ ఎంపివి 4, 5, మరియు 7 సీట్ల సామర్థ్యాలు ఉన్నాయి. వీటిని వాహనదారుని సౌలభ్యం కోసం పెంచవచ్చు మరియు తగ్గించవచ్చు.

మెర్సిడెస్ బెంజ్ వి క్లాస్ ఫ్యామిలీ రోడ్ ట్రిప్స్, అడ్వెంచర్ రైడ్స్ మరియు వారాంతాల్లో కుటుంభాలతో కలిసి వెళ్ళడానికి చాలా అనుకూలంగా ఉంటుంది. ఇది చాలా పెద్ద ఎంపివి కావున, ఫ్యామిలీ ట్రిప్ కి చాలా బాగా ఉపయోగపడుతుంది. ఈ మెర్సిడెస్ బెంజ్ వి క్లాస్ లో చాలా లేటెస్ట్ ఫీచర్స్ అందించబడ్డాయి.

మెర్సిడెస్ బెంజ్ వి క్లాస్ ఎంపివి యొక్క ఫీచర్స్ విషయానికి వస్తే, ఇందులో మల్టీ-ఫంక్షన్ స్టీరింగ్ వీల్, యాంబియంట్ లైటింగ్, రియర్ విండో ఓపెనింగ్, ఎల్‌ఇడి హెడ్‌ల్యాంప్, ఎల్‌ఇడి టెయిల్ లైట్, 360 డిగ్రీ కెమెరా, పార్కింగ్ అసిస్ట్, అడ్జస్టబుల్ సస్పెన్షన్ మరియు 16 ఇంచెస్ అల్లాయ్ వీల్స్ ఉన్నాయి.

మెర్సిడెస్ బెంజ్ యొక్క ఐకానిక్ గ్రిల్ కూడా ఇందులో ఉంటుంది. ఈ కారులో, మంచి సేఫ్టీ ఫీచర్స్ ఉన్నాయి. ఇందులో 6 ఎయిర్‌బ్యాగులు, ఎబిఎస్ విత్ ఇబిడి, క్రూయిజ్ కంట్రోల్ వంటివి ఉన్నాయి. అంతే కాకుండా ఈ కారులో డ్యూయల్ జోన్ క్లైమేట్ కంట్రోల్, టచ్ డిస్ప్లే కూడా ఉన్నాయి.

బెంజ్ వి క్లాస్ ఎంపివిలో ఫోల్డింగ్ రియర్ సీట్లు ఉన్నాయి. వీటిని ఫ్లవర్ సైజ్ బెడ్‌గా మార్చుకోవచ్చు. కారు పైకప్పును కూడా ఓపెన్ చేసి మంచంగా మార్చుకోవడానికి అనుకూలంగా ఉంటుంది.

మెర్సిడెస్ బెంజ్ వి క్లాస్ ఎంపివిలో, 2.0-లీటర్ 4 సిలిండర్ డీజిల్ ఇంజిన్ కలిగి ఉంది, ఇది 239 బిహెచ్‌పి పవర్ మరియు 500 ఎన్ఎమ్ టార్క్ ఉత్పత్తి చేస్తుంది. ఈ కారు కేవలం 9 సెకన్లలో గంటకు 0 నుంచి 100 కిమీ వరకు వేగవంతం అవుతుంది. ఈ కారు ట్రాన్స్మిషన్ కోసం 9 స్పీడ్ ఆటోమేటిక్ గేర్‌బాక్స్ కలిగి ఉంది.

మెర్సిడెస్ బెంజ్ వి-క్లాస్ భారతదేశంలో టయోటా వెల్‌ఫైర్ మరియు కియా కార్నివాల్ ఎంపివి వంటి వాటికీ ప్రత్యర్థిగా ఉంటుంది. టయోటా వెల్‌ఫైర్ మరియు కియా కార్నివాల్ ఫీచర్స్ పరంగా బెంజ్ వి-క్లాస్ కంటే వెనుకబడి ఉన్నాయి. మెర్సిడెస్ బెంజ్ వి-క్లాస్ నిజంగానే బ్రాండ్ యొక్క విలాసవంతమైన లగ్జరీ కార్.