ట్రాఫిక్‌కు చిరాకొచ్చిందో ఏమో.. కోట్లు విలువ చేసే కార్లున్నా.. స్కూటర్‌పై చక్కర్లు కొట్టిన దేవర విలన్

బాలీవుడ్‌ సెలబ్రిటీల దగ్గర కోట్లాది రూపాయల విలువైన కార్లు ఉండడం కామన్. కానీ కొన్నిసార్లు వారికి ఖరీదైన కార్ల కంటే సాధారణ వాహనాలే ఎక్కువగా ఉపయోగపడుతుంటాయి. దానికి నిదర్శనంగా సైఫ్ అలీ ఖాన్ తాజాగా ముంబై రోడ్లపై హోండా యాక్టివా స్కూటర్‌పై తిరుగుతూ కనిపించారు.

కోట్లాది రూపాయల కార్లు తన గ్యారేజీలో ఉండగా సాధారణ ద్విచక్ర వాహనాలపై తిరిగే యాక్టర్లను చూసే ఉంటారు. సింప్లిసిటీ విషయంలో శ్రద్ధా కపూర్ ముందుంటుందని అంటారు. కానీ ఇప్పుడు ఆమెను వెనక్కి నెట్టి, పటౌడీ రాజవంశానికి చెందిన మన్సూర్ అలీ ఖాన్ కుమారుడు, బాలీవుడ్ స్టార్ హీరో సైఫ్ అలీ ఖాన్ ఆ స్థానాన్ని దక్కించుకున్నారు.

ముంబైలోని ట్రాఫిక్ రద్దీని తప్పించుకోవడానికి సైఫ్ అలీ ఖాన్ హోండా యాక్టివాపై బయలుదేరారు. భారత క్రికెట్ జట్టు మాజీ కెప్టెన్ మన్సూర్ అలీ ఖాన్ పటౌడీ మరియు నటి షర్మిలా టాగోర్ కుమారుడు సైఫ్ అని అందరికీ తెలిసిందే. మన్సూర్ అలీ ఖాన్ పటౌడీ రాజకుటుంబానికి చివరి నవాబు. పటౌడీ కుటుంబంలో అనేక లగ్జరీ కార్లు ఉన్నాయి.

2012లో సైఫ్ కరీనా కపూర్‌ను వివాహం చేసుకున్నారు. బాలీవుడ్ నివేదికల ప్రకారం సైఫ్ అలీ ఖాన్, కరీనా కపూర్ ఆస్తులు దాదాపు 1600 కోట్ల రూపాయలు. అంత ఆస్తి ఉండి కూడా ఆయన యాక్టివాపై రావడానికి కారణం ట్రాఫిక్ జామ్స్‌ను తప్పించుకోవడమే. ఆయన కుమార్తె సారా అలీ ఖాన్ కూడా చాలా సింపుల్‌గా ప్రయాణించడానికి ఇష్టపడుతుంది. ఆమె ఒకప్పుడు మారుతి సుజుకి ఆల్టోలో కనిపించేది.

ఇబ్రహీం అలీ ఖాన్ సైఫ్ అలీ ఖాన్ కుమారుడు. నటుడు, అసిస్టెంట్ డైరెక్టర్ అయిన ఆయన గ్యారేజీలో అనేక లగ్జరీ వాహనాలు ఉన్నాయి. BMW X5 ఆయన సొంతం చేసుకున్న మొదటి లగ్జరీ SUV. ఇది BMW పోర్ట్‌ఫోలియోలోని ఒక ముఖ్యమైన SUV. ఇది పెట్రోల్, డీజిల్ వేరియంట్‌లలో అందుబాటులో ఉంది.

అంతేకాకుండా, ఆయన దగ్గర BMW iXకూడా ఉంది. ఇది జర్మన్ కార్ల తయారీదారుల నుండి వచ్చిన లగ్జరీ ఎలక్ట్రిక్SUV. ఇటీవల చాలా మంది బాలీవుడ్ తారలు ఎలక్ట్రిక్ SUVలనే సెలక్ట్ చేసుకుంటున్నారు. ఈEV ఒక ఫుల్ ఛార్జ్‌పై 575కిలోమీటర్ల నుండి 635కిలోమీటర్ల వరకు రేంజ్‌ను అందిస్తుంది. దీనిలో 111.5 kWh బ్యాటరీ ప్యాక్ ఉంటుంది. డ్యూయల్-మోటార్ సెటప్ 523hp పవర్, 765Nm పీక్ టార్క్‌ను ఉత్పత్తి చేస్తుంది.

సైఫ్ అలీ ఖాన్, కరీనా కపూర్ గ్యారేజ్ ఒక లగ్జరీ గ్యారేజ్ అనడంలో ఎలాంటి సందేహం లేదు. సైఫ్ అలీ ఖాన్, కరీనా కపూర్ అత్యంత ఖరీదైన వాహనాలలో 2009మోడల్ రేంజ్ రోవర్, జీప్ వ్రాంగ్లర్ అన్‌లిమిటెడ్, ఫోర్డ్ ముస్తాంగ్ షెల్బీGT, ల్యాండ్ రోవర్ డిఫెండర్, మెర్సిడెస్ బెంజ్S-క్లాస్ ఉన్నాయి. ఇవన్నీ వాటి వాటి విభాగాలలో అత్యంత ముఖ్యమైన వాహనాలు. ముస్తాంగ్ దేశంలో అరుదైన వాహనాలలో ఒకటి.

ముంబైలో ఆన్-రోడ్ ధర దాదాపు 1.95కోట్ల రూపాయలు ఉండే మెర్సిడెస్ బెంజ్ S-క్లాస్ S350d ఈ కపుల్స్ ఫేవరేట్ వెహికల్. ఇది 3.0లీటర్ ఇన్-లైన్ సిక్స్-సిలిండర్ ఇంజిన్‌తో వస్తుంది. ఇది గరిష్టంగా 282 bhp పవర్, 600 Nm పీక్ టార్క్‌ను ఉత్పత్తి చేస్తుంది. ఈ కారుకు 9-స్పీడ్ ఆటోమేటిక్ ట్రాన్స్‌మిషన్ లభిస్తుంది. వేగం విషయంలో కూడా ఇది ఏమాత్రం తగ్గేదేలే. S-క్లాస్ S350d కేవలం 6సెకన్లలో 100కిలోమీటర్ల స్పీడ్ అందుకుంటుంది.

డ్రైవ్‌స్పార్క్‌ తెలుగు వెబ్‌సైట్ ఆటోమొబైల్‌కి సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.