మహీంద్రా XUV కారును బెడ్‌రూమ్‌గా మార్చేసిన స్టార్ సింగర్.. తిట్టిపోస్తున్న నెటిజన్లు

సొంత కార్లను క్యాంపింగ్ వ్యాన్లుగా మార్చుకోవడం ప్రస్తుతం ఇండియాలో ఓ కొత్త ట్రెండ్. దూరం ప్రయాణాలు చేసేవాళ్లు, అవుటింగ్స్ కి వెళ్ళేవాళ్లు తమ కారులో బెడ్స్, చిన్నపాటి కిచెన్ సెటప్‌లు పెట్టుకుని ఎంజాయ్ చేస్తున్నారు.

అయితే, ఈ ట్రెండ్‌ను ఫాలో అవుతూ బీహార్‌కు చెందిన ఒక మహిళా గాయని తన మహీంద్రా XUV700ను చాలా వెరైటీగా మార్చుకుంది. దీనికి సంబంధించిన ఒక వీడియోను ఆమె సోషల్ మీడియాలో షేర్ చేయడంతో ఇప్పుడు ఆమె ఇంటర్నెట్‌లో హాట్ టాపిక్ అయ్యింది.

ఆ వీడియోలో శివ చౌదరి తన ఎస్‌యూవీ లోపల ఒక తాడుకు వేలాడుతున్న మెటల్ ఫ్రేమ్డ్ బెడ్‌ను ఏర్పాటు చేసుకుంది. ఆశ్చర్యకరంగా, ఆమె కారు కదులుతూ ఉండగానే ఆ మంచం మీద పడుకుని ఒక పాట పాడుతూ కనిపించింది. ఈ వీడియో ఇంటర్నెట్‌లో తెగ వైరల్ అవుతోంది. అయితే, ఇప్పుడు చాలామంది మదిలో ఇలాంటి ప్రయోగాలు ఎంత వరకు సేఫ్ అన్న ప్రశ్న మెదలుతుంది.

ఈ వీడియోను 'శివ్ చౌదరి అఫీషియల్' అనే ఇన్‌స్టాగ్రామ్ పేజీలో అప్ లోడ్ చేశారు. అందులో మహిళా గాయని కదులుతున్న XUV700 కారులో మంచం మీద కూర్చుని పాట పాడుతూ కనిపించింది. XUV700 లోని వెనుక రెండు సీట్లను మడిచి, వాటి పైన మెటల్ ఫ్రేమ్‌తో ఒక తాడు మంచం లాంటిది తయారు చేశారు. ఈ రకమైన బెడ్‌ను ఎటువంటి సేఫ్టీ బెల్టులు లేకుండానే అమర్చారు.

ఇలా కదులుతున్న వాహనంలో పడుకోవడం చాలా ప్రమాదకరమని నిపుణులు హెచ్చరిస్తున్నారు. మహీంద్రా XUV700 కారుకు 5-స్టార్ భద్రతా రేటింగ్ ఉంది, అది గ్లోబల్ NCAP క్రాష్ టెస్ట్‌లో సాధించింది. అంటే ఇది చాలా సురక్షితమైన కారు. అయినా సరే, ఇలాంటి బాధ్యతారహితమైన మార్పులు వారి జీవితాలను ప్రమాదంలోకి నెట్టేస్తాయని అంటున్నారు.

గతంలో కూడా మహీంద్రా XUV700 ను కొందరు తప్పుగా వాడిన కేసులు బయటపడ్డాయి. చాలా మంది దాని ADAS లెవల్ 2 ఆటోమేటిక్ డ్రైవ్ సిస్టమ్ ను దుర్వినియోగం చేశారు. అంటే, డ్రైవర్ సీటు నుండి దిగి వెనుక సీట్లో కూర్చోవడం, కదులుతున్న కారులో కార్డులు ఆడటం లేదా నిద్రపోవడం వంటి ప్రమాదకరమైన విన్యాసాలు చేశారు.

ఇప్పుడు చాలా మందికి ఒక డౌట్ వస్తుంది.. క్యాంపింగ్ వ్యాన్‌లలో కూడా బెడ్‌లు ఉంటాయని చాలా మంది అనుకుంటారు. మరి ఇది ఎందుకు తప్పు? అని ఎదురు ప్రశ్నిస్తున్నారు. నిజానికి, రెండింటికి చాలా తేడా ఉంది. క్యాంపింగ్ వాహనాలకు ఫిక్స్‌డ్ బెడ్‌లు ఉంటాయి. వాటిని వాహనం కదులుతున్నప్పుడు ఉపయోగించరు, కారు ఆపిన తర్వాతే రెస్ట్ తీసుకోవడానికి వాడతారు.

కానీ ఈ సందర్భంలో వాహనం కదులుతున్నప్పుడే ఆ వ్యక్తి బెడ్‌ను ఉపయోగిస్తున్నారు. ఇది పూర్తిగా చట్టవిరుద్ధం, ప్రాణాంతకం అని నిపుణులు హెచ్చరిస్తున్నారు. మహీంద్రా ఎస్‌యూవీల లాగే, XUV700 కూడా ఫీచర్ల విషయంలో ఏమాత్రం నిరాశపరచదు. ఇందులో రియర్ పార్కింగ్ సెన్సార్ , డ్రైవర్ సీటు హైట్ అడ్జస్ట్ చేసుకునే సదుపాయం, రియర్ స్పాయిలర్, ఫాలో-మీ-హోమ్ హెడ్‌లైట్స్ ఉన్నాయి.

రియర్ వైపర్, డీఫాగర్, డోర్, బూట్-లిడ్ అన్‌లాక్ ఫంక్షన్ కూడా ఉన్నాయి. ఇంధన సామర్థ్యాన్ని పెంచడానికి టాప్-స్పెక్ మోడల్‌లో స్టార్ట్-స్టాప్ ఫంక్షన్ ఉంటుంది. సేఫ్టీకి చాలా ప్రాధాన్యతనిచ్చే మహీంద్రా ఈ కారులో అడ్వాన్స్‌డ్ డ్రైవర్ అసిస్టెన్స్ సిస్టమ్స్ను అమర్చింది. భారతదేశంలో ADAS ఫీచర్లను ట్రెండ్‌గా మార్చిన కార్ మోడల్ కూడా XUV700 యే.

ADAS సూట్‌లో ఫార్వర్డ్ కొలిషన్ వార్నింగ్, క్రూయిస్ కంట్రోల్, స్మార్ట్ పైలట్ అసిస్ట్, ట్రాఫిక్ సైన్ గుర్తించే సిస్టమ్ వంటివి ఉంటాయి. ఏడు ఎయిర్‌బ్యాగ్‌లు, ట్రాక్షన్ కంట్రోల్, టైర్ ప్రెషర్ మానిటరింగ్ సిస్టమ్, బ్లైండ్ స్పాట్ మానిటరింగ్, 360 డిగ్రీ వ్యూ వంటి సేఫ్టీ ఫీచర్లతో ప్రయాణీకుల సేఫ్టీని ఈ వాహనం పక్కాగా చూసుకుంటుంది. ఇది గ్లోబల్ NCAP క్రాష్ టెస్ట్‌లో 5 స్టార్ రేటింగ్ కూడా పొందింది.

ఇన్ఫోటైన్‌మెంట్ యూనిట్లో ఆపిల్ కార్‌ప్లే, ఆండ్రాయిడ్ ఆటో వంటి చాలా ఫీచర్లు ఉన్నాయి. ఇది అమెజాన్ అలెక్సాకు అనుకూలంగా ఉంటుంది, అంటే వాయిస్ కమాండ్స్‌తో సిస్టమ్‌ను ఆపరేట్ చేయవచ్చు. దీనికి 60కి పైగా కనెక్టెడ్ ఫీచర్లు, ఇంటర్నెట్ కనెక్టివిటీ కోసం సొంత ఇ-సిమ్ కార్డ్ కూడా లభిస్తాయి.

డ్రైవ్‌స్పార్క్ అభిప్రాయం: ట్రెండ్స్ ఫాలో అవడం మంచిదే, కానీ సేఫ్టీని మరచిపోయి మాత్రం కాదు. ముఖ్యంగా కారు వంటి వాహనాల్లో ప్రయాణిస్తున్నప్పుడు ప్రాణాలకు సంబంధించిన విషయాల్లో మరింత జాగ్రత్తగా ఉండాలి. మహీంద్రా XUV700 లాంటి వాహనాలు అత్యుత్తమ భద్రతను అందిస్తాయి. కానీ వాటిని ఎలా వాడుతున్నాం అన్నది మన చేతుల్లోనే ఉంటుంది.