గిన్నిస్ రికార్డు సృష్టించిన ప్రపంచంలో కెల్లా అతిచిన్న బైక్

ఈ ఫొటోలో ఉన్న వస్తువును చూశారా.. ఇదేదో మెషీన్‌లా ఉంది కదూ..! ఇది ప్రపంచంలో కెల్లా అతిచిన్న మోటార్‌సైకిల్. ఇటీవలే ఈ మోటార్‌సిల్ గిన్నిస్ బుక్‌లో కూడా చోటు దక్కించుకుంది. కేవలం అరచేతిలో ఇమిడిపోయే ఈ మోటార్‌సైకిల్ ఒక మనిషిని సులువుగా మోసుకెళ్లగలదు.

స్వీడన్‌కు చెందిన టామ్ వైబెర్గ్ అనే వ్యక్తి ఈ మోటార్‌సైకిల్‌ను తయారు చేశాడు. దీని ముందు చక్రం వ్యాసార్థం కేవలం 16 మిల్లీ మీటర్లు (0.62 ఇంచ్) మాత్రమే. అలాగే, వెనుక చక్రం వ్యాసార్థం 22 మిల్లీ మీటర్లు (0.86 ఇంచ్). ఈ బుల్లి బైక్‌కు సంబంధించిన ఆసక్తికర వివరాలను ఈ ఆఫ్ బీట్ కథనంలో తెలుసుకుందాం రండి.

మరిన్ని ఆఫ్ బీట్ కథనాల కోసం ఈ లింకుపై క్లిక్ చేయండి

మరింత సమాచారం తర్వాతి సెక్షన్‌లో.. మరిన్ని వివరాలను ఈ ఫొటో ఫీచర్‌లో పరిశీలించండి..!

టామ్ వైబెర్గ్ 2003లో స్వీడన్‌లో ఈ అతిచిన్న మోటార్‌సైకిల్‌పై 10 మీటర్ల దూరం (32.8 అడుగులు) ప్రయాణించి గిన్నిస్ రికార్డు సృష్టించాడు.

ఈ మోటార్‌సైకిల్ వీల్ బేస్ 80 మిల్లీ మీటర్లు (3.14 ఇంచ్‌లు), సీట్ హైట్ 65 మిల్లీ మీటర్లు (2.55 ఇంచ్‌లు). దీని మొత్తం బరువు 1.1 కేజీలు మాత్రమే.

ఈ మోటార్‌సైకిల్ పేరు స్మాల్‌టో. ఈ మోటార్‌సైకిల్ గరిష్ట వేగం ఎంతో తెలుసా.. గంటకు 2 కిలోమీటర్లు. ఇందులో 0.22 కి.వా. (0.3 హెచ్‌పి) ఇంజన్ ఉంటుంది.

ప్రపంచంలో కెల్లా అతిచిన్న మోటార్‌సైకిల్‌గా రికార్డు సాధించిన ఈ బైక్‌ను నడపాలంటే చాలా ఓపిక అవసరం. మరి దీనిని ఎలా నడపాలో ఈ వీడియోలో చూసేయండి.