శీతాకాలంలో సురక్షితంగా డ్రైవ్ చేయటం ఎలా?

తర్వాతి స్లైడ్‌లలో శీతాకాలపు డ్రైవింగ్ చిట్కాలను తెలుసుకోండి.

టైర్లు చెక్ చేసుకోవాలి

శీతాకాలంలో టైర్లు చాలా కీలకమైనవి. గడ్డకట్టిన రోడ్లపై అరిగిపోయిన టైర్లు కలిగిన వాహనాన్ని డ్రైవ్ చేసేటప్పుడు, వాహనం రోడ్డుపై నుంచి జారిపోయే ప్రమాదం ఉంటుంది. కాబట్టి, మీ టైర్ల పనితీరును ఎప్పటికప్పుడు చెక్ చేసుకుంటూ ఉండాలి.

శీతాకాలం కోసం ప్రత్యేక టైర్లు

శీతాకాలం కోసం ప్రత్యేకమైన టైర్లు అందుబాటులో ఉన్నాయి. ఈ టైర్ల త్రెడ్/బటన్స్ తడిసిన లేదా మంచుతో నిండిన రోడ్లపై మంచి గ్రిప్‌నిస్తాయి. కాబట్టి ఈ వాతావరణానికి అనువుగా ఉండే టైర్లను అమర్చుకుంటే మంచిది.

ఒకవేళ స్కిడ్ అయితే

మంచుతో నిండిన రోడ్డుపై వాహనం నడుపుతున్న స్కిడ్ అవుతున్నట్లు అనిపిస్తే, వెంటనే వేగాన్ని తగ్గించేందుకు ప్రయత్నించాలి. అంతేకాకుండా, ఇలాంటి సందర్భాల్లో కంగారు పడిపోయి స్టీరింగ్‌ను ఎలా పడితే అలా తిప్పేయకూడదు. ఇలాంటి ఎక్సెసివ్ స్టీర్‌కి బదులుగా వాహనం జారుతున్న దిశకు అపసవ్య దిశలో స్టీర్ చేయాలి.

ఏబిఎస్ తప్పనిసరి

శీతల వాతావరణంలో నడిపే వాహనాలకు తప్పనిసరిగా ఏబిఎస్ (యాంటీ-లాక్ బ్రేకింగ్ సిస్టమ్) ఉండాలి. తడిసిన/మంచుతో కప్పబడిన రోడ్లపై ఏబిఎస్ కలిగిన వాహనాలు ఏబిఎస్ లేని వాహనాలతో పోల్చుకుంటే, తక్కువగా స్కిడ్ అవుతుంటాయి.

ఆల్-వీల్ డ్రైవ్ వాహనాలు బెస్ట్

మంచుతో కప్పబడిన రోడ్లపై సాధారణ ఫ్రంట్-వీల్ లేదా రియర్-వీల్ డ్రైవ్ కార్ల కన్నా ఆల్-వీల్ డ్రైవ్ వాహనాలు చక్కగా సూట్ అవుతాయి. యాక్సిలరేషన్ విషయంలో ఈ వాహనాలు చక్కగా సహకరిస్తాయి. కానీ ఇవి కార్నర్స్ వద్ద ఎక్కువ గ్రిప్‌ను ఆఫర్ చేయలేవు.

కనీసం హాఫ్ ట్యాంక్ ఇంధనం

శీతాకాల సమయంలో మీ వాహనంలో కనీసం సగం ట్యాంక్ వరకూ ఇంధనం ఉండేటట్లు చూసుకోవాలి. ఇలా చేయటం వలన ఇంధన లైన్ ఫ్రీజ్ అయ్యే అవకాశం ఉండదు.

పార్కింగ్ బ్రేక్, క్రూయిజ్ కంట్రోల్ వాడొద్దు

మంచు ప్రాంతంలో వాహనాన్ని నిలపాల్సి వచ్చినప్పుడు పార్కింగ్ బ్రేక్ వాడకపోవటమే మంచిది. అలాగే, జారుడు స్వభావం కలిగిన రోడ్లపై ప్రయాణిస్తున్నప్పుడు ఎట్టిపరిస్థితుల్లోనూ క్రూయిజ్ కంట్రోల్‌ను ఉపయోగించకూడదు.

నెమ్మదిగా నడపాలి

యాక్సిలరేషన్, స్టాపింగ్, టర్నింగ్ వంటివి సాధారణ రోడ్లపై జరిగినంత వేగంగా మంచుతో నిండిన రోడ్లపై జరగవు. కాబట్టి, ఇలాంటి రోడ్లపై నడిపేటప్పుడు చాలా నెమ్మదిగా వ్యవహరించాలి, తొందరపాటు అస్సలు పనికిరాదు.