ఫార్ములా వన్ రేస్ ట్రాక్‌పైకి ప్రవేశించిన వీధికుక్క!!

దీంతో రేస్ ప్రాక్టీస్‌కు స్వల్ప అంతరాయం ఏర్పడింది. ఈ ఈవెంట్‌ను నిర్వహిస్తున్న నిర్వాహకులు బోలెరో వాహనంలో వెళ్లి మరీ కుక్కను తరిమికొట్టారు. అంత కట్టుదిట్టమైన రేస్‌ట్రాక్ సాధారణంగా విఐపిలను అనుమతించడమే కష్టం అలాంటి ఓ వీధి కుక్క రేస్ ట్రాక్‌ఫై ఫార్ములా వన్ కార్ల కన్నా వేగంగా పరుగులు పెట్టింది. ఈ సంఘటనతో అక్కడున్న వారంతా ఆశ్చర్యంతో ముక్కున వేలేసుకున్నారు. ఫార్మాల్ వన్ రేస్ కోసం చేసిన ఏర్పాట్లపై అసంతృప్తి వ్యక్తం చేశారు.

శుక్రవారం ప్రాక్టీస్ రేస్ కావడంతో దాదాపు సీట్లు అన్నీ ఖాలీగా దర్శనమిచ్చాయి. ఈ ట్రాక్ నిర్మాణాన్ని త్వరత్వరగా పూర్తి చేయాలనే ఉద్దేశ్యంతో అరకొరగా నిర్మించిన ఇన్‌ఫ్రాస్ట్రక్చర్ మరో కామన్‌వెల్త్ స్టేడియంను తలపిస్తున్నాయి. ఈ ప్రాక్టీస్ సెషన్ సమయం గురించి చాలా మంది ప్రజలకు సమాచారం లేదు. ఈ సర్క్యూట్‌కు ప్రపంచ స్థాయి లుక్‌ను కల్పించడంలో బిఐసి విఫలమైందని చెప్పవచ్చు. రవాణా సదుపాయాలు కూడా అంతంత మాత్రంగానే ఉన్నాయి. కాగా.. బిఐసి ట్రాక్‌పై ఈ రోజు క్వాలిఫైంగ్ రేస్ జరుగుతోంది.