యువకులు కూడా చేయలేని బైక్ స్టంట్ చేసిన యువతి అరెస్ట్

నివేదికల ప్రకారం పిన్సీ ప్రసాద్ అని కూడా పిలువబడే సంజన, సూరత్ లోని బార్డోలి టౌన్ సమీపంలో బాబెన్ గ్రామంలో నివసిస్తున్నారు. పబ్లిక్ రోడ్లపై రికార్డ్ చేసిన ప్రమాదకరమైన స్టంట్ వీడియోలను షేర్ చేయడం వల్ల, సూరత్ పోలీసులు అరెస్ట్ చేశారు.

పోలీసులు ఆమెపై వివిధ సెక్షన్ల కింద చర్యలు తీసుకున్నారు. ద్విచక్ర వాహనాల పట్ల ఎక్కువ మక్కువ ఉన్న పిన్సీ ప్రసాద్ ఇటీవల కెటిఎమ్ RC 390 మరియు కెటిఎమ్ 390 డ్యూక్‌తో సహా పబ్లిక్ రోడ్లపై స్టంట్ చేయడానికి ఆమె వేర్వేరు మోటార్‌సైకిళ్లను ఉపయోగించింది.

ఆమె బైక్ రైడ్ సమయంలో చేతులు పైకెత్తడం మరియు అధిక వేగంతో షర్ట్ కాలర్ ఎత్తడం వంటి పలు స్టంట్స్ చేసింది. ఆమె చేసిన ఈ పనికి పోలీసులు ఆమెపై చర్యలు తీసుకున్నారు. అంతే కాకుండా ఈమె బైక్ పై వెళ్ళేటప్పుడు హెల్మెట్ కూడా ధరించలేదు. దీనిని కూడా ఇక్కడ ఫోటోలలో గమనించవచ్చు.

పించి ప్రసాద్ తన స్టంట్స్ వీడియోలను సోషల్ నెట్‌వర్కింగ్ సైట్లలో పోస్ట్ చేసింది. ఆమె తన తాజా వీడియోను ఇన్‌స్టాగ్రామ్‌లో షేర్ చేసింది. ఈ వీడియో ద్వారానే ఆమెపై విచారణ జరుగుతోంది. పిన్సీ ప్రసాద్‌కు సోషల్ మీడియాలో చాలా మంది ఫాలోవర్స్ ఉన్నారు. పిన్సీ ప్రసాద్ యువత కూడా చేయలేని స్టంట్స్ చేస్తుంది.

ఆమె చేసిన స్టంట్ వీడియోలను ఆమె అనుచరులు ట్రెండ్ చేశారు. పిన్సీ ప్రసాద్‌పై బహిరంగ రహదారిపై స్టంట్, ఇతరుల ప్రాణాలకు ముప్పు, హెల్మెట్ ధరించకపోవడం, ఫేస్ మాస్క్ ధరించకపోవడం మరియు వేగంగా వెళ్లడం వంటి అనేక కేసులను సూరత్ పోలీసులు నమోదు చేశారు.

పిన్సీ ప్రసాద్ అనేక సార్లు ట్రాఫిక్ ఉల్లంఘనలకు పాల్పడినట్లు కూడా తెలిసింది. ఈ కారణంగా, పిన్సీ ప్రసాద్‌పై సూరత్ పోలీసులు గట్టి చర్యలు తీసుకున్నారు.

సోషల్ నెట్‌వర్క్‌లలో వైరల్‌గా మారిన వీడియోల ఆధారంగా అనేక మందిపై పోలీసులు చర్యలు తీసుకున్నారు. ఇలాంటి అనేక సంఘటనలు కేరళలో జరిగాయి. కొన్ని నెలల క్రితం ఇలాంటి యువకుడు హెల్మెట్ ధరించకుండా బైక్ నడుపుతున్నాడు. ఈ వీడియో సోషల్ నెట్‌వర్కింగ్ సైట్లలో వైరల్ అయిన తరువాత ఈ చర్య తీసుకున్నారు.

Image Courtesy: Connect Gujarat TV