రాణీ తేనెటీగ కోసం 24 గంటల పాటు కారును నిర్భందించిన 20 వేల తేనీగలు

By Anil

Published: Saturday, May 28, 2016, 14:37 [IST]

ఒక తేనె తుట్టెలో సుమరుగా కొన్ని వేల తేనీగలు ఉంటాయి. అయితే ఇందులో కేవలం ఒక్క ఆడ తేనీగ మాత్రమే ఉంటుందట. లండన్‌లో జరిగిన ఊహించని ఘటన దీనిని ఋజువు చేసింది. లండన్‌‌లోని హావర్డ్‌వెస్ట్ మధ్య భాగంలో ఒక మహిళ వెళుతున్న కారుని సుమారుగా 20,000 ల తేనెటీగలు వెంబడించాయి. ఎందుకు ఇలా తేనీగలు తనను వెంబడిస్తున్నాయో అర్థంకాక సంభందిత అధికారులకు సమాచారం అందించింది.

ముగ్గరు తేనెటీగల సంరక్షణ ఆధికారులు మరియు నేషనల్ పార్క్ రేంజ్ అధికారులు అక్కడి చేరుకుని ఆ తేనీగలను చెదరగొట్టడానికి తీవ్ర ప్రయత్నాలు చేశారు.

ఆ మరుసటి రోజు కూడా వెనుక వైపున తేనీగలు అలాగే కూర్చుని ఉన్నాయి. తీరా ఆమె ఎక్కడెక్కడకు వెళ్లిందని ఆరా తీస్తే, దగ్గర్లోని పార్క్‌కు వెళ్లింది.

పార్క్‌లో సేకరించిన కొన్ని పూలను ఒక అట్టపెట్టెలో ఉంచి, ఆ పెట్టను కారులోని వెనుక సీటులో ఉంచి అక్కడ నుండి వెళ్లిపోయింది.

అయితే సుమారుగా 20,000 లకు పైగా తేనెటీగలు వెంటపడ్డాయి. ఇవి ఇలా వెంటపడ్డానికి కారణం, ఆమె దాచుకున్న పూలలో రాణీ తేనీగ ఉండిపోయిందట. అది ఎగిరిపోయాక అక్కడనున్న ఈగలన్నీ వెళ్లిపోయాయి.