Click it and Unblock the Notifications
త్వరలో సందడి చేయనున్న మాట్లాడే కార్లు!
ఈ మేరకు శాస్త్రవేత్తలు జరుపుతున్న పరిశోధనలు తుది దశకు చేరుకున్నాయి. వాయిస్ కమ్యూనికేషన్ సిస్టమ్లో ప్రపంచంలోనే అత్యంత అడ్వాన్స్డ్ టెక్నాలజీని ఉపయోగించి పరిశోధకులు మాట్లాడే కారుకు రూపకల్పన చేశారు. నిజానికి, వచ్చే ఏడాదే బ్రిటీష్ రోడ్లపై ఈ మాట్లాడే కార్లు పరుగులు తీయనున్నాయి. ఈ సిస్టమ్ను తయారుచేసిన వారు దీనిని 'సింక్' అని పిలుస్తారు. ఈ సిస్టమ్ ద్వారా డ్రైవర్ దగ్గర్లో పెట్రోల్ బంక్ ఎక్కడ ఉంది? లేదా మనం ఇప్పుడు ఎక్కడ ఉన్నాం? వంటి ప్రశ్నలకు మీ కారు జవాబు చెబుతుంది.
ఫోర్డ్ ఫోకస్ ఈ వ్యవస్థను అందించనుంది. ఫోర్డ్ తెలిపిన వివరాల ప్రకారం.. వాయిస్ టెక్నాలజీ ద్వారా పనిచేసే ఈ వ్యవస్థ 19 భాషల్లో 10,000 కమాండ్లను నిర్వహిస్తుంది. ఉదాహరణ మీ కారులో మ్యూజిక్ ప్లేయర్ సౌండ్ తగ్గించాలంటే మీరు చేతులు ఉపయోగించకుండా మీ కారుకు చెబితే సరిపోతుంది. ఎంచక్కా సౌండ్ తగ్గిపోతుంది. మైక్రోసాఫ్ట్ భాగస్వామ్యంతో ఈ ఈ ప్రోడక్ట్ను ఫోర్డ్ అభివృద్ధి చేస్తోంది. దీని ధర దాదాపు 350 పౌండ్లు (సుమారు రూ. 25151.6)గా ఉంటుందని కంపెనీ తెలిపింది. మానవుడు హద్దులు లేకుండా అభివృద్ధి చేస్తున్న సాంకేతి పరిజ్ఞానంలో ఇదొక మైలురాయిగా నిలువనుంది.
Continue with Google