డ్రంక్ అండ్ డ్రైవ్ కేసులో తమిళ నటుడు జై అరెస్ట్

నిజమే, మన కళ్ల ముందరే తప్పు చేస్తూ, కళ్ల ముందర నుండే తప్పించుకుంటుంటారు. తమ పలుకుబడి, నేపథ్యం, ప్రస్థానం, డబ్బు లాంటి వాటిని అడ్డుపెట్టుకుని చట్టాన్ని చుట్టంలా వాడుకునే వారికి కొదవే లేదు. ఇలాంటి వాళ్లలో తమ తప్పులు బయటకు తెలియకుండానే, ఆ తప్పుల్లో నుంచి బయటకు వచ్చేస్తారు.

తాజాగా చెన్నైలో జరిగిన ఓ సంఘటన తీసుకుంటే ఇందుకు పూర్తిగా భిన్నం. సినీ నటుడు అని తెలిసా పోలీసులు అతన్ని అరెస్ట్ చేశారు. ఇలాంటి కథనాలు చూసినప్పుడు... కొన్ని సందర్భాల్లోనైనా చట్టం డబ్బున్నోళ్లకు బానిస కాదనిపిస్తుంది.

Recommended Video

2017 Skoda Octavia RS Launched In India | In Telugu - DriveSpark తెలుగు

చెన్నైలో అసలేం జరిగింది...?

హీరో జై సంపత్ మరియు కొంత మంది ఇతర సినిమా ఆర్టిస్టులు అర్ధరాత్రి 2 గంటల వరకు నుంగంబాక్కంలోని స్టార్ హోటల్ పార్టీ చేసుకున్నారు. ఉదయం రెండు గంటల తరువాత జై తన మిత్రులతో ఇందిరా నగర్‌లోని ఇంటికి బయలుదేరాడు.

పూర్తిగా మద్యం మత్తులో ఉన్న జై అడయార్ ఫ్లైఓవర్ మీద డివైడర్‌ను బలంగా ఢీకొట్టాడు. ఈ ఘటనలో కారు పాక్షికంగా దెబ్బతింది, అయితే ఎవరికీ ఎలాంటి ప్రమాదం జరగలేదు. విధుల్లో ఉన్న ట్రాఫిక్ పోలీసులు అక్కడికి చేరుకుని చూస్తే, కారు నడిపిన జై మద్యం మత్తులో ఉన్నట్లు గుర్తించారు.

అడయార్ ప్లైఓవర్ మీద ప్రమాదానికి గురైన కారును ట్రాఫిక్ పోలీస్ స్వయంగా తొలగించారు. బ్రీజ్ అనలైజర్ ద్వారా ద్వారా జై మద్యం సేవించాడని నిర్దారించుకుని జై ను డ్రంక్ అండ్ డ్రైవ్ చేసినందుకు సెక్షన్ 185 మరియు మోటార్ వెహికల్ చట్టం 279 ప్రకారం అరెస్ట్ చేశారు.

ఆ తరువాత, హీరో జై సంపత్‌ను బెయిల్ మీద విడుదల చేశారు. డ్రంక్ అండ్ డ్రైవ్‌లో జై పోలీసులకు పట్టుబడటం ఇది మొదటిసారి కాదు. గతంలో 2014లో మద్యం మత్తులో చెన్నైలోని కాశి థియేటర్ వద్ద ప్రమాదం చేసిన కేసులో బుక్కయ్యాడు.

ఎక్కువ సార్లు డ్రంక్ అండ్ డ్రైవ్‌లో పట్టుబడుతుండటంతో జై సంపత్ డ్రైవింగ్ లైసెన్సును రద్దు చేయాలని పోలీసు అధికారులు భావిస్తున్నారు.