కుక్కను కాపాడేందుకు సడెన్‌ బ్రేక్‌ వేసిన టాటా ఆల్ట్రోజ్‌ డ్రైవర్‌.. మరుక్షణంలోనే కారు నుజ్జునుజ్జు..

దేశంలో తరచూ రోడ్డు ప్రమాదాలు చోటుచేసుకుంటున్నాయి. ఒక్కోసారి రోడ్డుపై పశువులు లేదా జంతువులు సడెన్‌గా రావడంతో డ్రైవర్లు వాటిని తప్పించే క్రమంలో ప్రమాదాలకు గురవుతున్నారు. గ్రామాలను కలుపుతూ వెళ్లే జాతీయ రహదారులపై తరచూ ఇలాంటి ఘటనలు నమోదవుతూనే ఉన్నాయి. తాజాగా ఇలాంటి ఘటనే చోటుచేసుకుంది. పూర్తి వివరాల్లోకి వెళితే..

అయితే ఈ యాక్సిడెంట్‌ ఎక్కడ జరిగిందనే సమాచారం స్పష్టంగా తెలియదు. వీడియోను యూట్యూబ్‌లో షేర్‌ చేశారు. టాటా ఆల్ట్రోజ్‌(Tata Altroz) కారు హై స్పీడ్‌తో రోడ్డుపై వెళ్తుండగా అకస్మాత్తుగా కుక్క రావడంతో దాన్ని కాపాడటానికి సడెన్‌గా బ్రేకులు వేశాడు. దీంతో వెనుకగా వస్తున్న టాటా హెక్సా కారు టాటా ఆల్ట్రోజ్‌ను ఢీకొట్టింది. ప్రమాదానికి సంబంధించిన ఘటనను ఆల్ట్రోజ్‌ డ్రైవర్‌ వీడియోలో వివరించారు.

అయితే యజమాని టాటా ఆల్ట్రోజ్ కారును ఈ ఏడాది మార్చిలో కొనుగోలు చేసినట్లు తెలిపారు. ఈ కారును గంటకు 90 కి.మీ వేగంతో నడుపుతుండగా, అకస్మాత్తుగా అడ్డంగా కుక్క అడ్డుగా రావడంతో దానిని కాపాడేందుకు సడెన్‌గా బ్రేక్ వేశాడు. దీంతో వెనుక నుంచి అతివేగంతో వస్తున్న టాటా హెక్సా, ఆల్ట్రోజ్ కారును ఢీకొట్టింది.

ప్రమాదంలో టాటా ఆల్ట్రోజ్ కారు వెనుక భాగం పూర్తిగా ధ్వంసమైంది. అయితే ఈ కారు క్వాలిటీతో చాలా సంతృప్తిగా ఉన్నట్లు కారు ఓనర్‌ తెలిపారు. కారు వెనుక భాగం పూర్తిగా ధ్వంసమైనా తనకు ఒక్క గాయం కూడా కాలేదని వీడియోలో పేర్కొన్నారు.

ప్రమాదం జరిగిన తీరును పరిశీలిస్తే టాటా ఆల్ట్రోజ్‌ కారు వెనుక భాగం డ్యామేజ్‌ కావడంతో వెనుక సీటులో ప్రయాణికులు ఉంటే వారికి గాయాలయ్యే అవకాశం ఉందని పేర్కొన్నారు. ఇప్పుడు మళ్లీ కొత్త Altroz తీసుకున్నట్లు చెప్పారు. బీమా సొమ్ము రావడానికి మూడున్నర నెలల సమయం పట్టిందని చెప్పారు.

టాటా ఆల్ట్రోజ్ ధర దేశీయ మార్కెట్లో రూ.6.60 లక్షల నుండి రూ.10.74 లక్షల(ఎక్స్-షోరూమ్) వద్ద కొనుగోలు చేయడానికి అందుబాటులో ఉంది. ఇంకా ఈ కారు పెట్రోల్, CNG మరియు డీజిల్ ఇంజిన్ ఆప్షన్లలో కొనుగోలు చేయడానికి అందుబాటులో ఉంది. 5-స్పీడ్ మ్యాన్యువల్, 6-స్పీడ్ ఆటోమేటిక్ గేర్‌బాక్స్‌తో కొనుగోలు చేయవచ్చు.

టాటా ఆల్ట్రోజ్‌ కారు హ్యాచ్‌బ్యాక్ అయినప్పటికీ, ​​గ్లోబల్ NCAP క్రాష్ టెస్ట్‌లో 5-స్టార్ సేఫ్టీ రేటింగ్‌ను సాధించింది. ఇది అడల్ట్‌ సేఫ్టీ విభాగంలో 17 పాయింట్లకు 16.13 స్కోర్ చేసింది. ఇంకా మొత్తంగా 3 స్టార్ రేటింగ్‌ను పొందింది. కాగా చిల్డ్రన్‌ సేఫ్టీ విభాగంలో 49 పాయింట్లలో 29 పాయింట్లను స్కోర్ చేసి 3-స్టార్ రేటింగ్‌ను మాత్రమే సంపాదించింది.

దేశీయ మార్కెట్లో అత్యంత ఆదరణ పొందిన టాటా ఆల్ట్రోజ్ కారు ముందుగా ప్రయాణికుల భద్రతకు అత్యధిక ప్రాధాన్యత ఇస్తుంది. టాటా ఆల్ట్రోజ్‌ వివిధ మోడళ్లలో డ్యూయల్ ఎయిర్‌బ్యాగ్‌లు, ABS (యాంటీలాక్ బ్రేకింగ్ సిస్టమ్) EBD (ఎలక్ట్రానిక్ బ్రేక్‌ఫోర్స్ డిస్ట్రిబ్యూషన్) ISOFIX పాయింట్లు, అరుదైన పార్కింగ్ సెన్సార్లు ఇంకా అధిక సంఖ్యలో ఇతర సేఫ్టీ ఫీచర్లు ఉన్నాయి.

కొత్త Tata Altroz ​​వేరియంట్‌లను బట్టి 18.5 kmpl నుండి 26.2 km/kg మైలేజ్‌ని ఇస్తుంది. ఇందులో ఫీచర్లను పరిశీలిస్తే 7-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, సెమీ-డిజిటల్ ఇన్‌స్ట్రుమెంట్ క్లస్టర్, యాంబియంట్ లైటింగ్, క్రూయిజ్ కంట్రోల్‌తో సహా ఆకర్షణీయమైన ఫీచర్లను కలిగి ఉంది. మార్కెట్లో హ్యుందాయ్ ఐ20, మారుతి సుజుకి బాలెనో, టయోటా గ్లాంజా కార్లకు గట్టిపోటీనిస్తుంది.