ప్రపంచంలో కెల్లా 10 అతిపెద్ద షిప్పింగ్ కంపెనీలు

తర్వాతి స్లైడ్‌లలో టాప్ 10 షిప్పింగ్ కంపెనీలకు సంబంధించిన సమాచారాన్ని తెలుసుకోండి.

Picture credit: Cseeman via Flickr

10. ఎమ్ఓఎల్

ఎమ్ఓఎల్ (మిత్సుయ్ ఓ.ఎస్.కె. లైన్స్ లిమిటెడ్) ప్రపంచంలో కెల్లా 10వ అతిపెద్ద షిప్పింగ్ కంపెనీ. జపాన్‌కు చెందిన ఈ కంపెనీ ప్రధాన కార్యాలయం టోక్యోలో ఉంది. ఇది ప్రధానంగా అంతర్జాతీయ షిప్పింగ్ వ్యాపారం చేస్తుంది. 1886లో స్థాపించిన ఈ కంపెనీ సామర్థ్యం 5,07,988 టిఈయూలు. ఈ కంపెనీ కోస్టల్ లైనర్స్, క్రూయిజ్ షిప్స్, ఫెర్రీస్ వ్యాపారంలో కూడా ఉంది.

Picture credit: Scotthessphoto via Flickr

9. సిఎస్‌సిఎల్

సిఎస్‌సిఎల్ (చైనా షిప్పింగ్ కంటైనర్ లైన్స్) ప్రపంచంలో కెల్లా 9వ అతిపెద్ద షిప్పింగ్ కంపెనీ. చైనాలోని షాంగైకి చెందిన ఈ కంపెనీని 1997లో స్థాపించారు. దీని సామర్థ్యం 5,65,567 టిఈయూలు. ఆసియా, ఆస్ట్రేలియా, యూరప్, మెడిటెర్రానియన్, నార్త్ అమెరికా, సౌత్ అమెరికా, పర్షియన్ గల్ఫ్, సౌత్ ఆఫ్రికా దేశాల్లో ఈ కంపెనీ కార్యకలాపాలు కొనసాగిస్తోంది.

Picture credit: Cseeman via Flickr

8. హాంజిన్ షిప్పింగ్ కంపెనీ

కొరియాకు చెందిన ఈ కంపెనీ ప్రపంచంలో కెల్లా 8వ అతిపెద్ద షిప్పింగ్ కంపెనీ. 1977లో స్థాపించిన ఈ కంపెనీ సామర్థ్యం 5,79,840 టిఈయూలు. ఈ కంపెనీ సాలీనా 100 మిలియన్ టన్నుల సరుకును రవాణా చేస్తుంది.

Picture credit: Wirralwater via Flickr

7. ఏపిఎల్

ఇక ఈ జాబితాలో 7వ స్థానంలో ఉన్న కంపెనీ ఏపిఎల్ (అమెరికన్ ప్రెసిడెంట్ లైన్స్). 1848లో స్థాపించబడిన ఈ కంపెనీ వారానికి 80కి పైగా సర్వీసులను అందిస్తుంది. సింగ్‌పూర్ హెడ్‌క్వార్టర్స్‌గా పనిచేసే ఈ కంపెనీ సామర్థ్యం 5,89,924 టిఈయూలు.

Picture credit: Buonasera via Wikimedia Commons

6. హపాగ్-లాయడ్

ప్రపంచంలో కెల్లా 6వ అతిపెద్ద షిప్పింగ్ కంపెనీ హపాగ్-లాయడ్. జర్మనీకి చెందిన ఈ షిప్పింగ్ కంపెనీని 1970లో స్థాపించారు. 19వ శతాబ్ధానికి చెందిన రెండు కంపెనీల విలీనమే ఈ హపాగ్-లాయడ్. జర్మనీలోని హాంబర్గ్ ప్రధాన కార్యాలయంగా పనిచేస్తున్న ఈ షిప్పింగ్ కంపెనీ సామర్థ్యం 6,32,348 టిఈయూలు

Picture credit: Henry M. Trotter via Wikimedia Commons

5. సిఓఎస్‌సిఓ (కాస్కో)

ఈ జాబితాలో 5వ స్థానంలో ఉన్నది చైనాకి చెందిన చైనా ఓషన్ షిప్పింగ్ (గ్రూప్) కంపెనీ (కాస్కో). బీజింగ్ ప్రధాన కార్యాలయంగా పనిచేస్తున్న ఈ కంపెనీ సామర్థ్యం 7,15,266 టిఈయూలు. చైనాలో అలాగే ప్రపంచంలో కెల్లా అతిపెద్ద డ్రై బల్క్ క్యారీయర్లలో ఈ కంపెనీ ఒకటి. దీనిని 1961లో స్థాపించారు.

Picture credit: Roman Boed via Wikimedia Commons

4. ఎవర్‌గ్రీన్ లైన్

తైవాన్ హెడ్‌క్వార్టర్స్‌గా పనిచేస్తున్న ఎవర్‌గ్రీన్ లైన్ కంపెనీ 1968లో స్థాపించారు. ఈ సంస్థ ప్రపంచంలోని 80 దేశాల్లోని 240 పోర్టులకు సేవలు అందిస్తుంది. ఇది ప్రపంచంలో కెల్లా 4వ అతిపెద్ద షిప్పింగ్ కంపెనీ. దీని సామర్థ్యం 7,20,893 టిఈయూలు.

Picture credit: Evergreen via Maritime

3. సిఎమ్ఐ సిజిఎమ్

ప్రపంచంలో కెల్లా మూడవ అతిపెద్ద షిప్పింగ్ కంపెనీ సిఎమ్ సిజిఎమ్. ఫ్రాన్స్‌లోని మార్సీల్లే ప్రధాన కార్యాలయంగా పనిచేస్తున్న ఈ షిప్పింగ్ కంపెనీ 150కి పైగా దేశాల్లో 400 పోర్టులకు సేవలు అందిస్తోంది. ఈ కంపెనీ 1978లో స్థాపించారు. దీని సామర్థ్యం 13,98,216 టిఈయూలు.

Picture credit: CMA CGM Group

2. మెడిటెర్రానియన్ షిప్పింగ్ కంపెనీ

ప్రపంచంలో కెల్లా రెండవ అతిపెద్ద షిప్పింగ్ కంపెనీ మెడిటెర్రానియన్ షిప్పింగ్ కంపెనీ. స్విట్జర్లాండ్, జెనీవాలో హెడ్‌క్వార్టర్స్ కలిగిన ఈ షిప్పింగ్ కంపెనీని 1970లో స్థాపించారు. ఇది ప్రపంచంలోని దాదాపు అన్ని ప్రధాన పోర్టులకు సేవలు అందిస్తోంది. దీని సామర్థ్యం 22,45,342 టిఈయూలు.

Picture credit: MSC by Havenfoto

1. మార్స్క్

ప్రపంచంలో కెల్లా అతిపెద్ద షిప్పింగ్ కంపెనీ ఏ.పి. మోల్లర్-మార్స్క్ గ్రూప్‌కి చెందినది. దీనిని 1904లో డెన్మార్క్‌లోని కోపెన్‌హ్యాగెన్‌లో స్థాపించారు. ఈ కంపెనీ 1996లో ప్రపంచంలో కెల్లా అతిపెద్ద కంపెనీగా అవతరించింది. ప్రపంచంలో కెల్లా అతిపెద్ద కంటైనర్ షిప్ ఎమ్మా మార్స్క్‌ను ఈ షిప్పింగ్ కంపెనీ కలిగి ఉంది. దీని సామర్థ్యం 25,89,905 టిఈయూలు.

Picture credit: Maersk by Havenfoto

ఎయిర్‌ల్యాండర్

ఇది కూడా చదవండి: ప్రపంచంలో కెల్లా అతిపెద్ద ఎయిర్ షిప్ 'ఎయిర్‌ల్యాండర్'