టెన్నిస్ స్టార్ 'సానియా మీర్జా' ఉపయోగించే కార్లు - ఇక్కడ చూడండి

BMW 7 సిరీస్:

సానియా మీర్జా వద్ద ఉన్న కార్లలో జర్మన్ లగ్జరీ కార్ బ్రాండ్ అయిన బిఎండబ్ల్యు యొక్క 7 సీరీస్ కారు కూడా ఉంది. దీని ధర 83,100 డాలర్లు. అంతే మన భారతీయ కరెన్సీ ప్రకారం సుమారు రూ. 1.35 కోట్లు. ఇది అధునాతమైన డిజైన్, అంతకుమించిన ఫీచర్స్ పొందుతుంది. కావున చూడటానికి చాలా ఆకర్షనీయంగా ఉంటుంది.

బిఎండబ్ల్యు 7 సిరీస్ 3.0-లీటర్ 6-సిలిండర్ డీజిల్ ఇంజన్‌తో పనిచేస్తుంది. ఈ ఇంజిన్ 600 బిహెచ్‌పి పవర్ మరియు 850 ఎన్ఎమ్ టార్క్ అందిస్తుంది. ఇది కేవలం 3.8 సెకన్లలో గంటకు 0 నుంచి 100 కిమీ వరకు వేగవంతం అవుతుంది. దీని గరిష్ట వేగం గంటకు 250 కిమీ. ఇది 7.96 కిమీ/లీ మైలేజ్ అందిస్తుంది.

జాగ్వార్ XE:

జాగ్వార్ కంపెనీ యొక్క XE కారు కూడా సానియా మీర్జా గ్యారేజిలో ఉంది. దీని ధర సుమారు రూ. 45 లక్షల వరకు ఉండవచ్చు. ఈ కారు 2.0-లీటర్ ఇంజీనియం పెట్రోల్ ఇంజన్ 246 బిహెచ్‌పి పవర్ మరియు 365ఎన్ఎమ్ టార్క్ ప్రొడ్యూస్ చేస్తుంది. ఇది కూడా అద్భుతమైన డిజైన్, ఆధునిక ఫీచర్స్ కలిగి ఉంటుంది. ఈ కారణంగానే ఎక్కువ మంది ఈ కారుని కొనుగోలు చేయడానికి ఆసక్తి చూపుతారు.

మెర్సిడెస్ బెంజ్ ఇ-క్లాస్:

జర్మన్ లగ్జరీ కార్ తయారీ సంస్థ అయిన మెర్సిడెస్ బెంజ్ యొక్క ఈ-క్లాస్ కూడా సానియా మీర్జా ఉపయోగించే కార్లలో ఒకటి. దీని ధర దాదాపు రూ. 77.11 లక్షలు. ఇందులో 2.0 లీటర్ టర్బోచార్జ్డ్ ఫోర్ సిలిండర్ ఇంజిన్ 194 బిహెచ్‌పి పవర్ మరియు 320 ఎన్ఎమ్ టార్క్ అందిస్తుంది. ఇది 9 స్పీడ్ ఆటోమేటిక్ గేర్‌బాక్స్ తో జత చేయబడి ఉంటుంది.

మెర్సిడెస్ బెంజ్ ఇ-క్లాస్ కేవలం 7.3 సెకన్లలో గంటకు 0 నుంచి 100 కిమీ వరకు వేగవంతం అవుతుంది. ఈ లగ్జరీ సెడాన్ యొక్క గరిష్ట వేగం గంటకు 250 కిమీ వరకు ఉంటుంది. ఇది 16 కిమీ/లీ మైలేజిని ఇస్తుంది. మొత్తం మీద ఇది అన్ని విధాలా చాలా అనుకూలంగా ఉంటుంది.

BMW 5-సిరీస్:

భారతీయ మార్కెట్లో ఎక్కువ ప్రజాదరణ పొందిన లగ్జరీ కార్ కంపెనీలలో ఒకటైన BMW యొక్క 5 సిరీస్ కూడా సానియా గ్యారేజిలో ఉంది. దీని ధర రూ. 59 లక్షల నుంచి ఉంటుంది. ఇది 2993 సిసి ట్విన్ పవర్ టర్బో ఇన్‌లైన్ 6 సిలిండర్ ఇంజిన్‌ పొందుతుంది. ఈ ఇంజిన్ 262 బిహెచ్‌పి పవర్ మరియు 620 ఎన్ఎమ్ టార్క్ అందిస్తుంది. ఇది కేవలం 5.7 సెకన్లలో గంటకు 250 కిమీ వరకు వేగవతం అవుతుంది.

రేంజ్ రోవర్ ఎవోక్:

బెంజ్ మరియు బిఎండబ్ల్యు వంటి బ్రాండ్ కార్లు మాత్రమే కాకుండా సానియా మీర్జా గ్యారేజిలో రేంజ్ రోవర్ యొక్క ఎవోక్ కూడా ఉంది. దీని ధర రూ. 65 లక్షలు. ఇది 1997 సిసి ఇంజిన్ కలిగి 237 బిహెచ్‌పి పవర్ మరియు 430 ఎన్ఎమ్ టార్క్ అందిస్తుంది. ఇది 9 స్పీడ్ ఆటోమేటిక్ గేర్‌బాక్స్‌తో జత చేయబడి ఉంటుంది. ఇది కేవలం 9.3 సెకన్లలో గంటకు 0 నుంచి 100 కిమీ వరకు వేగవతం అవుతుంది.

ఇవి మాత్రమే కాకుండా సానియా మీర్జా ఆడి, పోర్షే వంటి లగ్జరీ బ్రాండ్ల కార్లు కూడా కలిగి ఉంది. అంతే కాకుండా ఈమె హ్యుందాయ్ ఇండియా బ్రాండ్ అంబాసిడర్ కూడా. ఇలాంటి మరిన్ని ఆసక్తికరమైన కథనాలు తెలుసుకోవడానికి ఎప్పటికప్పుడు తెలుగు డ్రైవ్‌స్పార్క్ ఛానల్ చూస్తూ ఉండండి.