ప్రపంచంలో కెల్లా అత్యంత వేగంతో పరుగులు తీసే బస్సు

సాధారణంగా బస్సు ఎంత వేగంతో వెళ్తుంది..? గంటకు 60 కి.మీ.? 100 కి.మీ.? 120 కి.మీ.? ఇంత వరకూ ఓకే కానీ, గరిష్టంగా గంటకు 250 కి.మీ. వేగంతో పరుగులు పెట్టే బస్సును ఎప్పుడైనా చూశారా..? ఇదిగో ఈ ఫోటోలో కనిపిస్తున్న బస్సును చూడండి. ఇది 'సూపర్ ఫాస్ట్ సూపర్ బస్'. ముందు వైపు నుంచి సూపర్ కారులా కనిపించే ఈ సూపర్ బస్సు గరిష్టం వేగం గంటకు 250 కిలోమీటర్లు. ఇది కేవలం వేగవంతమైన కారు మాత్రమే కాదండోయ్, విలాసవంతమైన కారు కూడా. ఈ సూపర్ బస్సులో 23 మందికి చోటు ఉంటుంది.

మరి ఇంత గరిష్ట వేగంతో వెళ్తోంది కదా.. ఈ బస్సులో ఉపయోగించే ఇంధనం ఏంటా అనుకుంటున్నారా..? ఖచ్చితంగా పెట్రోల్, డీజిల్ అయితే మాత్రం కాదు. అవును ఇది పూర్తిగా బ్యాటరీ పవర్‌తో నడుస్తుంది. ఈ బస్సులో అమర్చిన ఎలక్ట్రిక్ మోటార్లు ఇది లిథియం అయాన్ బ్యాటరీలతో పనిచేస్తాయి. ఈ బ్యాటరీలు వాహనం పైభాగంలో అమర్చిన సోలార్ ప్యానెల్స్ ద్వారా రీఛార్జ్ అవుతాయి. బస్సు బరువు తేలికగా ఉంచేందుకు గాను దీని ఛాస్సిస్‌ను తక్కువ బరువు కలిగిన కార్బన్ ఫైబర్‌తో తయారు చేశారు.

15 మీటర్ల పొడవు ఉండే ఈ సూపర్ బస్సుకు ముందువైపు రెండు చక్రాలు వెనుకపై నాలుగు చక్రాలు మొత్తం ఆరు చక్రాలు మాత్రమే ఉంటాయి. ముందువైపున్న రెండు చక్రాలు స్వతంత్రంగా విడివిడిగా తిరుగుతాయి. దీని వల్ల బస్ టర్నింగ్ రేడియస్‌ను తగ్గించేందుకు వీలవుతుంది. ఈ సూపర్ ఫాస్ట్ సూపర్ బస్సుకు మొత్తం 16 గల్-వింగ్ డోర్లు (పైవైపుకు తెరుచుకునేవి) ఉంటాయి. యూ డెల్ఫ్ట్ యూనివర్సిటీ బృందం ఈ కారును అభివృద్ధి చేసింది. ఈ బృందంలో మాజీ డచ్ వ్యోమగామి వుబ్బో ఓక్లెస్ కూడా ఉన్నారు.

గత 2011 సంవత్సరంలో ఈ వాహనాన్ని దుబాయ్‌లో జరిగిన ఓ వాణిజ్య ప్రదర్శన షోలో ప్రదర్శనకు ఉంచారు. ప్రస్తుతం ఈ సూపర్ బస్సు అధికారికంగా సాధారణ రోడ్లపై తిరిగేందుకు నెథర్లాండ్స్ ప్రభుత్వం అనుమతి తెలిపింది. గతంలో నెంబర్ ప్లేట్ కూడా లేని ఈ సూపర్ బస్సుకు ఇప్పుడు రిజిస్ట్రేషన్ నెంబర్ కూడా లభించింది. గల్ఫ్ నగరాల్లో ఈ బస్సు కోసం ప్రత్యేకంగా నిర్మించిన 'ఫాస్ట్ లేన్'లో ఇది సంచరించనుంది. దుబాయ్ నుంచి అబుదాబికు ఇది ప్రయాణం చేయనుంది. ఈ రెండు నగరాలకు మధ్య దూరం 120 కిలోమీటర్లు. ఈ సూపర్ ఫాస్ట్ సూపర్ బస్సులో ఈ దూరాన్ని కేవలం 30 నిమిషాల్లోనే చేరుకోవచ్చు.

More from DriveSpark

View More

• 
  ఇక ఛార్జింగ్ స్టేషన్లకి వెళ్లక్కర్లేదు..ఛార్జింగ్ బండి మీ ఇంటికే వస్తుంది..టాటా కొత్త స్కీమ్ అదిరిపోయిందిగా
• 
  గరీబోళ్ల బండి.. లీటర్‌తో 90 కి.మీ మైలేజ్! కష్టం చేసే చేతులకు తోడు నిలుస్తుంది!
• 
  33 కిమీ మైలేజీ.. 6 ఎయిర్‌బ్యాగ్‌ల సేఫ్టీ.. రూ.5 లక్షల లోపు అదిరిపోయే టాప్ 5 కార్లు ఇవే
• 
  పేదలు సైతం ఈ కారును కొనగలరు.. ఒకేసారి 6 మంది వెళ్లొచ్చు, 26 కి.మీ మైలేజ్! చాలా మంది కొంటున్నారు
• 
  నాలుగున్నర లక్షలకే కారు.. పెట్రోల్, CNG, EV మూడు ఆప్షన్‌లు.. చిన్న ఫ్యామిలీకి చింత లేని కారు
• 
  ఇక బండి కొనక్కర్లేదు.. కావాల్సినన్ని రోజులు అద్దెకు తెచ్చుకోవచ్చు.. సుజుకీ సంచలన ఆఫర్
• 
  రూ.50 వేలలోనే EV స్కూటర్.. కి.మీకు ఒక్క రూపాయి! ఫ్యామిలీ కోసం బెస్ట్ స్కూటర్లు
• 
  రూ.55 వేలకే లీటరుకు 80కిమీ మైలేజ్.. కాలేజీ స్టూడెంట్స్ కోసం బెస్ట్ బైక్స్ ఇవే
• 
  సెకండ్ హ్యాండ్‌లో అమ్మిన ఎగబడి కొంటారు.. బైక్ లాగా మైలేజ్, రూ.5.99 లక్షలు! సేల్స్‌ ఎన్నంటే