కారు దొంగలించిన తర్వాత ఓనర్‌కే SMS చేసిన దొంగ.. చివరికి ఏమైందంటే?

అయితే ఇటీవల ఒక దొంగ కారుని దొంగలించిన తర్వాత అందరూ చేసేదానికి విరుద్ధంగా ప్రవర్తించాడు. నివేదికల ప్రకారం ఈ సంఘటన వెస్ట్ మిడ్లాండ్స్ లో జరిగినట్లు తెలిసింది.

వెస్ట్ మిడ్లాండ్ నివాసి అయిన 27 ఏళ్ల జేక్ బాట్సన్ తన కియా రియో ​​కారును విక్రయించాలని నిర్ణయించుకున్నాడు. కావున సోషల్ నెట్‌వర్కింగ్ సైట్‌లో ఆయన ఈ విషయాన్ని పోస్ట్ చేశారు. ఏప్రిల్ 12 న, ఈ ప్రకటన చూసిన ఒక వ్యక్తి కారు కొనడానికి జేక్ బాట్సన్ వద్దకు వచ్చాడు.

తాను టెస్ట్ డ్రైవ్ చేయాలనీ కారు యొక్క 'కీ' కావాలని అడిగాడు. అప్పుడు ఆ యజమాని టెస్ట్ డ్రైవ్ కోసమే కదా అని కీ ఇచ్చాడు. అయితే చివరికి తన కారు దొంగలించబడిందని జేక్ బాట్సన్ కి అర్థమయ్యింది.

కారును దొంగిలించిన వ్యక్తి వెంటనే ఎస్ఎమ్ఎస్ ద్వారా జేక్ బాట్సన్‌ను సంప్రదించాడు. మీకు మీ కారు కావాలంటే, 500 పౌండ్లు ఇవ్వాలని చెప్పాడు (భారత కరెన్సీ ప్రకారం ఇది 51,000 రూపాయలు). ఆలా ఇస్తేనే మీ కారు ఎక్కడ ఉందొ చెబుతానని చెప్పాడు.

దొంగ పంపిన ఒక ఎస్ఎమ్ఎస్ లో 'లూల్ ఎక్స్' అని కూడా రాశాడు. అదే దొంగ కొన్ని వారాల క్రితం మరో కారును దొంగిలించాడని కూడా నివేదికలు వెల్లడించాయి. ఇక్కడ ఆశ్చర్యకమైన విషయం ఏమిటంటే, ఈ కారు కింగ్స్ హీత్‌లో నివసిస్తున్న జేక్ స్నేహితుడికి చెందినది.

ఈ దొంగతనం వెస్ట్ మిడ్లాండ్స్ పోలీసులకు జేక్ మరియు అతని స్నేహితుడు ఇద్దరూ నివేదించారు. జేక్ దీని గురించి మాట్లాడుతూ, నేను చాలా షాక్ అయ్యాను. టెస్ట్ డ్రైవ్ అని అనుకున్నా కానీ కార్ దొంగలించబడింది. మీరు ఇలాంటి మోసాలకు లోనవ్వకంటి అని అన్నాడు.

ఇలాంటి దొంగతనాలు చాలా అరుదుగా జరుగుతాయి. ఎందుకంటే దొంగాలించిన కారు యజమానిని డబ్బాలు అడిగిన సంఘటనలు చాలా అరుదుగా ఉంటాయి. దీనిపై చాలామంది హాస్యాస్పదంగా కామెంట్స్ కూడా చేశారు.

కియా మోటార్స్ ఇంకా రియో ​​మోడల్ కారును భారతదేశంలో విడుదల చేయలేదు. సంస్థ ఈ కారును ప్రపంచంలోని అనేక దేశాలలో విక్రయిస్తుంది. కియా రియోను హ్యాచ్‌బ్యాక్ మరియు సెడాన్ మోడళ్లలో విక్రయిస్తున్నారు. ఈ కారు యొక్క అప్‌డేటెడ్ వెర్షన్‌ను కంపెనీ గత ఏడాది చివర్లో యుఎస్‌లో విడుదల చేసింది.