పట్టాలు తప్పిన రైలు, నదిలో పడిన మూడు బోయింగ్ విమానాలు

ఆరు బోయింగ్ 737 విమానాలను ఫైనల్ అసెంబ్లింగ్ కోసం రైలుపై కన్సాస్‌లోని విచిటాలో ఉన్న స్పిరిట్ ఏరోసిస్టమ్స్ నుంచి వాషింగ్టన్‌లోని రెన్టన్‌లో ఉన్న బోయింగ్ అసెంబ్లింగ్ కేంద్రానికి తరలిస్తుండగా మార్గమధ్యంలో మోన్టానా వద్ద రైలు పట్టాలు తప్పడంతో మూడు విమానాలు ఫ్యూస్‌ల్యాగ్స్ క్లార్క్ ఫోర్క్ నదిలో పడిపోయాయి.

నదిలో పడిపోయిన బోయింగ్ 737 విమానాలను ఒడ్డుకు చేర్చేందుకు రిస్క్యూ సిబ్బంది ప్రయత్నిస్తున్నారు. నదిలో పడిపోయిన మూడు విమానాల్లో ఓ విమానం మధ్య భాగాన విరిగిపోయింది. మరో విమానం నది ఒడ్డున ఉండగా, ఇంకో విమానం చివరి భాగం కొద్దిగా నదిలోకి దూసుకుపోయింది.

నదిలో పడిన ఈ విమానాలు రైలు ట్రాక్‌తో పాటుగా దూసుకు వచ్చేశాయి. వీటిని తిరిగి రైలు పట్టాలపైకి చేర్చేందుకు అక్కడి ఎలాంటి సానుకూల వాతావరణ కనిపించడం లేదు. భారీ క్రేను ఉంటే, వీటిని పైకి తీసుకువచ్చే అవకాశం ఉంది.

డ్యామేజ్ అయిన ఈ బోయింగ్ 737 విమాన భాగాలను తిరిగి వినియోగిస్తారా లేక వీటిని మళ్లీ స్రాప్‌గా మారుస్తారా అనేది తేలాల్సి ఉంది. రైలు పట్టాలు తప్పడానికి గల కారణం మాత్రం ఇంకా స్పష్టంగా తెలియరాలేదు.

ఇదిలా ఉండగా, పరిస్థితిని అంచనా వేసేందుకు బోయింగ్ తమ నిపుణుల బృందాన్ని సంఘటనా స్థలికి పంపించినట్లు పేర్కొంది.

వీడియో

బోయింగ్ 737 ఫ్యూస్‌ల్యాగ్‍‌లు నదిలో పడిపోయిన తర్వాత రెస్క్యూ టీమ్ వాటిని బయటకు తీసుకువచ్చేందుకు చేస్తున్న ప్రయత్నాలను ఈ వీడియోలో చూడండి.