భీష్మ డైరెక్టర్‌కి రేంజ్ రోవర్ గిఫ్ట్ గా ఇచ్చిన హీరో నితిన్, ఎందుకో తెలుసా !

నితిన్ గత నాలుగేళ్లుగా సరైన సక్సెస్ లేక బాధపడుతున్న సమయంలోనే వెంకీ కుడుముల దర్శకత్వంలో భీష్మ అనే చిత్రం చేసాడు. నాలుగేళ్ళ తర్వాత భీష్మ మూవీతో బ్లాక్ బస్టర్ సాధించాడు. సరిగ్గా కరోనా ముందు ఈ సినిమా విడుదల అయ్యింది.

కరోనా ప్రభావం వల్ల పెద్ద హిట్ అవ్వాల్సిన సినిమా కొంతవరకు కలెక్షన్లు తగ్గాయి. భీష్మ సూపర్ హిట్ కావడంతో నితిన్ రేంజ్ రోవర్ కారుని సినిమా డైరెక్టర్ వెంకీ కుడుములకు బహుమతిగా ఇచ్చాడు.

భీష్మ వంటి సూపర్ హిట్ చిత్రాన్ని తనకు ఇచ్చినందుకు గాను డైరెక్టర్ వెంకీ కుడుములకు ఖరీదైన రేంజ్ రోవర్ కారుని బహుమతి ఇచ్చినప్పుడు, సంతోషంతో ఉక్కిరి బిక్కిరి అయ్యాడు వెంకీ కుడుముల. హీరో నితిన్ ఇచ్చిన కారుని సోషల్ మీడియాలో పోస్ట్ చేసి నీతి కి కృతఙ్ఞతలు తెలియజేసాడు వెంకీ కుడుముల.

బుధవారం డైరెక్టర్‌ వెంకీ కుడుముల పుట్టినరోజు సందర్భంగా హీరో నితిన్‌ ఈ కారును గిఫ్ట్ గా ఇచ్చి సర్‌ప్రైజ్‌ చేశారు. "బెస్ట్‌ పర్సన్‌తో బెస్ట్‌ ఫిలిం చేసినప్పుడు, మంచి విషయాలు జరుగుతాయి అని ట్వీట్‌తో పాటు నితిన్‌ గిఫ్ట్‌గా ఇచ్చిన కారు ఫొటోను కూడా వెంకీ కుడుముల షేర్‌ చేశారు.

ఆటో పరిశ్రమలో ఖరీదైన కార్ల విభాగంలో రేంజ్ రోవర్ కూడా ఒకటి. ఇది చూడటానికి చాలా ఆకర్షణీయంగా ఉండటంతో పాటు వాహనదారునికి చాలా అనుకూలంగా ఉంటుంది. రేంజ్ రోవర్ చాలా మంచి లగ్జరీ ఫీచర్స్ కలిగి ఉంటుంది. అంతే కాకుండా మంచి సామర్త్యాన్ని కూడా కలిగి ఉంటుంది. చాలామంది సెలెబ్రెటీలు మరియు రాజకీయ నాయకులు ఈ రేంజ్ రోవర్ కార్లను కలిగి ఉన్నారు.