Click it and Unblock the Notifications
ప్రపంచంలో కెల్లా 10 అత్యుత్తమ ఎయిర్లైన్స్
మానవుడు కనుగొన్న వాటిలో విమానం చాలా గొప్పది. వేల మైళ్ల దూర ప్రయాణాన్ని సైతం గంటల్లో చేరుకోవటం క్క విమానంతోనే సాధ్యమవుతుంది. ఈ విమాన సేవలను ప్రజలు అందుబాటులోకి తీసుకువచ్చేందుకు ప్రపంచ వ్యాప్తంగా అనేక విమానయాన కంపెనీలు పుట్టుకొచ్చాయి. అయితే, వాటిలో బెస్ట్ ఎయిర్లైన్స్ సంస్థ ఏదో తెలుసుకునేందుకు ఓ సర్వే నిర్వహించారు.
మరిన్ని టాప్ 10 కథనాల కోసం ఈ లింకుపై క్లిక్ చేయండి
ప్రపంచ వ్యాప్తంగా సుమారు 245కి పైగా విమానయాన సంస్థలపై నిర్వహించిన ఈ సర్వేలో పది విమానయాన సంస్థలు అత్యుత్తమ సంస్థలుగా నిలిచాయి. మరి ఆ టాప్ బెస్ట్ ఎయిర్లైన్స్ సంస్థలు ఏవో ఈ కథనంలో తెలుసుకుందాం రండి.
మరింత సమాచారం తర్వాతి సెక్షన్లో.. మరిన్ని వివరాలను ఈ ఫొటో ఫీచర్లో పరిశీలించండి..!
తర్వాతి స్లైడ్లలో ప్రపంచంలో కెల్లా 10 అత్యుత్తమ ఎయిర్లైన్స్ గురించి తెలుసుకోండి.
10. లుఫ్తాన్సా
ఈ సంస్థను 1953లో స్థాపించారు, దీని సేవలు మాత్రం 1955లో ప్రారంభమయ్యాయి. జర్మనీకి చెందిన లుఫ్తాన్సా ఎయిర్లైన్స్ వద్ద 282 విమానాలు ఉన్నాయి. మొత్తం 215 గమ్యాలకు సేవలు అందిస్తుంది. ఈ జాబితాలో లుఫ్తాన్సా ఎయిర్లైన్స్ స్థానం పది.
9. ఎతిహాద్ ఎయిర్వేస్
ఈ జాబితాలో తొమ్మిదవ స్థానంలో ఉన్నది దుబాయ్కి చెందిన ఎతిహాగ్ ఎయిర్వేస్. ఈ సంస్థ వద్ద మొత్తం 104 విమానాలున్నాయి. ఇది 96 గమ్యస్థానాలకు ప్రయాణీకులను చేరవేస్తుంది. 2003లో ప్రారంభమైన ఈ ఎయిర్లైన్స్ ఇప్పటి వరకు 30కి పైగా అవార్డులు దక్కించుకుంది.
8. ఏషియన్ ఎయిర్లైన్స్
26 ఏళ్ల క్రితం 1988లో ప్రారంభించబడిన ఏషియన్ ఎయిర్లైన్స్ ఈ జాబితాలో 8వ స్థానంలో ఉంది. దక్షిణ కొరియాకు చెందిన ఈ ఎయిర్లైన్స్ వద్ద 84 విమానాలున్నాయి, ఇటీవలే మరో 35 విమానాలకు ఈ సంస్థ ఆర్డర్ పెట్టింది. సియోల్ ప్రధాన కార్యలయంగా పనిచేసే ఈ సంస్థ 108 గమ్యస్థానాలకు ప్రయాణీకులను చేరవేస్తుంది.
7. గరుడా ఇండోనేషియా
గరుడా ఇండోనేషియా ఎయిర్లైన్స్ సంస్థను 1947లో ప్రారంభించారు, దీని సేవలు మాత్రం 1949లో అందుబాటులోకి వచ్చాయి. ఈ జాబితాలో 7వ స్థానంలో ఉన్న గరుడా ఇండోనేషియా ఎయిర్సైన్స్ వద్ద 120 విమానాలున్నాయి. ఈ సంస్థ 35 డొమెస్టిక్, 21 ఇంటర్నేషనల్ డెస్టినేషన్లకు విమాన సేవలు అందిస్తుంది. దీని హెడ్క్వార్టర్స్ బాన్టెన్లో ఉంది.
6. ఆల్ నిప్పన్ ఎయిర్వేస్ (ఏఎన్ఏ)
జపాన్కు చెందిన ఆల్ నిప్పన్ ఎయిర్వేస్ సంస్థను 1952లో ప్రారంభించారు. ఈ సంస్థ వద్ద మొత్తం 202 విమానాలున్నాయి. ఇది 73 గమ్యస్థానాలకు ప్రయాణీకుల చేరవేస్తుంది. జపాన్లోని టోక్యో నగరంలో దీని ప్రధాన కార్యాలయం ఉంది. కార్గో సేవలు అందించేందుకు గాను ఈ సంస్థ వద్ద తొమ్మిది బోయింగ్ 767-300 విమానాలు కూడా ఉన్నాయి.
5. టర్కిష్ ఎయిర్లైన్స్
టాప్ 5 స్థానంలో ఉన్నది టర్కిష్ ఎయిర్లైన్స్. ఈ సంస్థను 1933లో ప్రారంభించారు, ప్రపంచంలో కెల్లా ఇది నాల్గవ అతిపెద్ద విమానయాన సంస్థగా ఉంది. ఈ సంస్థ వద్ద మొత్త 258 ప్యాసింజర్ విమానాలు, తొమ్మిది కార్గో విమానాలు ఉన్నాయి. ఇది 257 గమ్యస్థానాలకు ప్రయాణీకులను చేరవేస్తుంది.
4. ఎమిరేట్స్
ఈ జాబితాలో నాల్గవ స్థానంలో ఉన్నది దుబాయ్కి చెందిన ఎమిరేట్స్. 1985లో స్థాపించిన ఈ విమానయాన సంస్థ వద్ద మొత్తం 211 విమానాలు ఉన్నాయి. ఒక్క 2013 సంవత్సరంలోనే ఈ కంపెనీ 200 విమానాలకు ఆర్డర్ ఇచ్చింది. ఇది 142 గమ్యస్థానాలకు ప్రయాణీకులను చేరవేస్తుంది.
3. సింగపూర్ ఎయిర్లైన్స్
టాప్ 3లో ఉన్నది సింగపూర్ ఎయిర్లైన్స్. 1947లో స్థాపించిన ఈ సంస్థ ప్రపంచంలో కెల్లా అతిపెద్ద విమానం ఎయిర్బస్ ఏ380ని కొనుగోలు చేసిన మొదటి కంపెనీ కూడా ఇదే. ఈ సంస్థ వద్ద 106 విమానాలు ఉన్నాయి, ఇవి 62 గమ్యస్థానాలకు ప్రయాణీకులను చేరవేస్తాయి.
2. ఖతార్ ఎయిర్వేస్
ప్రపంచంలో కెల్లా అత్యుతమ విమానయాన సంస్థలలో ద్వితీయ స్థానంలో ఉన్నది ఖతార్ ఎయిర్వేస్. ఈ సంస్థ 133 విమానాలు ఉన్నాయి, ఇవి 144 గమ్యస్థానాలకు ప్రయాణీకులను చేరవేస్తాయి. ఈ సంస్థను 1993లో స్థాపించారు, దీని ప్రధాన కార్యాలయం ఖతార్లోని దోహా వద్ద ఉంది.
1. కేథీ పసిఫిక్ ఎయిర్వేస్
ఈ జాబితాలో అగ్రస్థానంలో ఉన్న కేథీ పసిఫిక్ ఎయిర్వేస్. హాంగ్కాంగ్కు చెందిన ఈ విమానయాన సంస్థను 1946లో స్థాపించారు. ఇది మొత్తం 141 విమానాలతో 112 గమ్యస్థానాలకు ప్రయాణీకులను చేరవేస్తుంది.
Continue with Google